1 Tesalonicense 2:1 - Tachi Ak'õre Pedea

¹ Ũpẽarã, mãrapa k'awa p'anɨma tai mãramá wã p'anasidaɨde tai pari wãnaé pasima.

1 Tesalonicense 2:1 Referans Kwoze

2 Tesalonicense 3:1

Mãɨ awara ũpẽarã, tai k'orea Tachi Ak'õrea ɨt'aa chiidit'ɨ Tachi Chipari pedea tuacha isapea wãmẽrá mãɨnepa ẽpẽrarãpa mãɨ k'orea pia jaradamẽrá mãra t'ãena mãɨyana jĩra.

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

P'ilipense 2:16

Chi tachi chok'ae bapiparí pedea k'orea ãchiá pia k'awapi p'anat'ɨ. Mãɨya Cristo cherude mɨ mãra k'orea arapá baipɨ. Mãɨne mɨa k'awaipɨ pari nipaé pasit'a mãɨnepa pari mimiaé pasit'a.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

1 Corintio 15:2

Mɨa jarateada piarã ĩjãa p'ananaipɨra, Tachi Ak'õrepa k'aripaipɨ. Mãɨyawẽpɨra, machia pari ĩjãasidama.

1 Tesalonicense 3:5

Mãɨ k'orea mɨa waa p'ue choawẽ pẽra Timoteo mãramá peesima wapida Cristode ĩjãa p'anɨ k'awai k'orea. Mɨa k'ɨ̃risia basima tiorepa mãrá Cristo itu bɨpisit'a. Mãɨyanapara taipa mãrá Cristo k'orea jarateadada pari beei pasima.

Gálata 4:11

Mãɨpuru mɨa k'ɨ̃risia bɨma mɨ pari mãrá jarateasit'a.

Gálata 2:2

Mɨ wãsima Tachi Ak'õrepa k'awapida pẽra mãmá wãi bɨt'a. Mãma bɨde mɨa abapuru ũpẽarã chi atepe k'awapataɨrã́ jarasima chi pedea pia Cristo k'orea mɨa judiorãwẽmá sãmaasã́ jaratea bɨt'a. Mãɨya oosima mɨa oo bɨt'a ãchia pia unu p'anɨ k'awai k'orea.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

2 Tesalonicense 1:10

Ichi cherude, mãɨ ewaride ichidirãpa ichiá pia pedeadaipɨ. Ãchi ome pia ooda k'orea jõma ichide ĩjãapataɨrãpa ichi minachia pia ununaipɨ. Taipa ichi k'orea jarateasidaɨde mãra pida ĩjãasidama.