1 Tesalonicense 1:6 - Tachi Ak'õre Pedea

⁶ Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

1 Tesalonicense 1:6 Referans Kwoze

1 Corintio 11:1

Mɨ Cristo nipada jĩra nipapari pẽra mɨ jĩra nipat'ɨ.

1 Corintio 4:16

Mãɨ k'orea mɨa mãrá chichupuria idiruma mɨ nipapari jĩra nipadamẽrá.

Hecho 13:52

Maamina chi Jesude ĩjãapataɨrã mãɨ Antioquiade p'anɨ minachia arapá p'anasidama mãɨnepa Tachi Ak'õre Jaoredepa p'anasidama.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

2 Tesalonicense 3:9

Piarã mãrapa k'aripadamẽrá taipa p'ue ne ididai p'anasidamina, ididaé pasima. Mãɨpari tai mimiasidama k'awapidai k'orea mãrapa abarik'a oodai p'anɨ.

3 Juan 1:11

Ũpẽa Gayo, nemietá oopataɨrã jĩra barãse mãɨpari pia oopataɨrã jĩra base. Chi pia ooparí Tachi Ak'õrenepɨ, maamina chi nemietá ooparipa Tachi Ak'õre atua bɨma.

Ep'esio 5:1

Tachi Ak'õrepa ichi warrarã minachia k'ɨ̃ria bɨma. Mãɨpuru mãra ichi jĩra p'anat'ɨ.

Juan 8:12

Mãɨya nak'ari Jesupa ẽpẽerã́ mãicha jarasima: —Mɨ nãɨ ĩjũanepemarã pae ɨnaa bɨ jĩra bɨma. Parituapa mɨ k'aade wãipɨra p'ãrione nipaiwẽma, mãɨpari ɨnaane bɨ pẽra chok'ae baipɨ.

Mateo 16:24

Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

1 Pedro 3:13

Mãrapa pia oo p'ananaipɨra, ¿k'aipa mãra piawẽa ooima?

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

1 Pedro 1:6

Mãɨ k'orea minachia arapá p'anɨma. Ara nãɨena ne wawariadepa mãra minachia mĩa p'anɨmina,

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.

P'ilipense 3:17

Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ.

2 Corintio 8:5

Mãɨne ãchia abapuru taipa k'ɨ̃risia p'anana jĩra oodaé pasima. Mãɨpari naa ara ãchit'u teasidama Tachi Chiparipa k'ɨ̃ria bɨ jĩra oodai k'orea. Mãɨ ɨ̃ari taipa jaradada oosidama. Mãɨya Tachi Ak'õrepa k'ɨ̃ria bɨ jĩra arí oosidama.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Hecho 9:31

Mãɨmisa Judea tuade, Galilea tuade mãɨnepa Samaria tuade ũpẽarã nek'ĩramariwẽa tuanasidama mãɨnepa ne minachia k'awapodosidama. Tachi Chipari wap'ea p'anɨnepa nipasidama mãɨnepa Tachi Ak'õre Jaore chi jua chaareadepa waripodosidama.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

1 Corintio 11:2

Ũpẽarã, ewaricha mɨ k'orea k'ɨ̃risia p'anɨ pẽra mãɨnepa mɨa jarateada ũri p'anɨ pẽra mãrá pia jararuma.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

2 Tesalonicense 3:7

Mãrapa k'awa p'anɨma tai nipadada jĩra mãra nipadai p'anɨ. Mãra t'ãena p'anasidaɨde tai k'oa pará p'ananaé pasima.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.