1 Tesalonicense 1:10 - Tachi Ak'õre Pedea

¹⁰ Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.

1 Tesalonicense 1:10 Referans Kwoze

1 Tesalonicense 5:9

Tachi Ak'õrepa tachi t'ɨ̃é pasima ɨtɨai k'orea, mãɨpari t'ɨ̃sima Tachi Chipari Jesucristodepa k'aripamẽrá.

Mateo 3:7

Mãɨya bɨde chi eda waapẽarã Moisepa bɨda jarateapataɨrã chesidama Juanpa porochoamẽrá. Chi eda waapẽarã p'ariseorã pasima; chi waapẽarã saduceorã pasima. Maamina Juanpa ãchi unurune jarasima: «Mãra taama jĩra berã, ¿K'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a?

Hecho 2:24

Jesú minachia mĩak'ari piusima. Maamina Tachi Ak'õrepa ichi chok'ae p'irabaripida pẽra chi piudapa ichi p'ue uru baiwẽa basima.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Romano 4:25

Ichia Jesú bɨsima tachi nemietá k'orea piumẽrá. Maapae piu badadepa chok'ae p'irabaripisima tachi chi ichidirã jĩp'a berã paara bɨi k'orea.

Luca 3:7

Chok'ará ẽpẽrarã chepachidama Juanpa porochoamẽrá. Maamina Juanpa waapẽarã́ jarapachima: «Mãra taama jĩra berã, ¿k'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a?

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

Romano 8:34

¿K'aipa tachi nepɨra pará p'anɨane aima? Abaɨ pida mãɨya jaraiwẽma Jesucristo tachi k'orea piuda pẽra. Ichi piu bada chok'ae p'irabarisima. Naapae Tachi Ak'õre juaraari bɨma. Mãma tachi k'orea Tachi Ak'õrea chichupuria idi bɨma.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Hecho 1:11

Mãɨ ẽpẽerãpa nãɨya jarasidama: —Galileadepemarã, ¿k'ãre k'orea pajãnea ak'ɨ p'anɨma? Ara mãɨ Jesú pajãnea wãna mãicha cheipɨ ara machia pajãnea wãru ununana jĩra.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.

1 Corintio 1:7

Mãrapa Tachi Chipari Jesucristo ununai k'orea nɨ p'anɨmisa, Tachi Ak'õrepa ichi Jaoredepa tea bɨt'a jõma uru p'anɨma.

2 Pedro 3:12

Tachi Ak'õrepa ɨtɨai ewari piarã nɨ p'anɨmisa Tachi Ak'õrepa k'ɨ̃ria bɨ oo p'anat'ɨ mãɨ ewari isapea pamẽrá. Mãɨ ewaride Tachi Ak'õrepa pajã paaipɨ. Mãɨne nejõma tachia pajãne unupataɨ mãɨnepa nãɨ ĩjũane unupataɨ t'ɨpɨ taupa torbariipɨ.

Hebreo 10:27

Chi mãɨya oo bɨpa abapuru ne wap'eadepa nɨi bɨma Tachi Ak'õrepa ichi ɨtɨait'a. Mãɨ ewaride Tachi Ak'õrepa ãarea chi nek'ĩramá t'ɨpɨ tau urua nɨbɨde jirak'oaipɨ ewaricha mãma paa tuananamẽrá.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

P'ilipense 3:20

Maamina tachi pajãnepemarãpɨ. Tachi K'aripaparí mãmãɨpa cheit'a nɨ p'anɨma. Ichi Tachi Chipari Jesucristopɨ.

Gálata 3:13

Moisepa bɨ bada jĩra oo p'anɨwẽ pẽra, nepɨra pará p'anɨane aima. Mãɨnepema Jesucristopa tachi k'aripasima. Ichit'a Tachi Ak'õrepa tachi k'ak'ua k'orea nepɨra paraapisima. Moisepa bɨdade nãɨya bɨ bɨma: «Chi pak'urude jira bɨdada, Tachi Ak'õrepa mãɨ nepɨra pará bɨade aipɨ».

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Hecho 17:31

Ewari aba bɨsima ãarea nãɨ ĩjũanepemarã jĩp'a ɨtɨai k'orea, chi ichia jɨrɨ atada ẽpẽranepa. Mãɨ ẽpẽra ãareaɨrã́ k'awapisima, ichi piu badadepa chok'ae p'irabaripida pẽra.

Hecho 4:10

Mãɨya bɨpɨra, taipa ãarea ará p'anoonaipɨ mãrapa mãɨnepa ãarea israel ĩjũanepemarãpa mãɨ ãarea k'awadamẽrá. Nãɨ ẽpẽra ara mãra k'ĩrari bɨt'a Jesucristo Nazaredepema jua chaareadepa jɨpa beesima. Mãɨ Jesucristo mãrapa k'urusude barijira bɨk'ari peasidama, maamina Tachi Ak'õrepa ichi chok'ae p'irabaripisima.

Hecho 3:21

Nãɨena Jesucristo pajãne bɨma aba Tachi Ak'õrepa ne ãarea mãicha pia oorudea. Tachi Ak'õrepa chõarãenapema ewaride chi ichi pari pedeapataɨrãnepa piarã mãɨya ooyade a basima.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

Mateo 1:21

Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.

1 Pedro 2:21

Cristo mãra k'orea minachia mĩana pẽra Tachi Ak'õrepa mãra t'ɨ̃sima mĩanamẽrá. Cristo mĩaside unupisima mãra nepɨra paraautade sãmaasã́ nipadai p'anɨt'a.

2 Timoteo 4:1

Jesucristo cheipɨ ichidirã ichi juade ua bai k'orea. Mãɨne ẽpẽrarã chok'ae be mãɨnepa piudada nepɨra ak'ɨipɨ. Mãɨpuru Jesucristo k'ĩrari mãɨnepa Tachi Ak'õre k'ĩrari mɨa nãɨ pedea jararuma pɨa oomẽrá:

1 Tesalonicense 2:7

Mãɨpari k'ɨ̃ria p'anɨnepa taipa mãra k'aripa p'anasidama chi naepa chi warra chak'erã ak'ɨpari jĩra.

1 Tesalonicense 1:7

Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ.

Colosense 1:18

Cristo ichi ẽpẽrarã chiparipɨ. Ichidepa ãchi p'anɨma. Ichi ewaricha chok'ae bai k'orea naa chok'ae p'irabarisima. Mãɨpuru ne ãarea k'aepẽra chi atepe bɨma.

Luca 2:25

Mãɨ ewaride ẽpẽra Simeón apataɨ Jerusalene basima. Mãɨ Simeón jĩp'a basima mãɨnepa Tachi Ak'õrepa jara bɨ jĩra pia oopachima. Ichia nɨ basima Tachi Ak'õrepa Israel p'uuru sõpiapii ewarit'a. Tachi Ak'õre Jaore ichi ome basima.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 16:28

Mɨa piarã jararuma: chi eda waapẽarã nãma p'anɨ piudai naena ununaipɨ chi Ẽpẽra Warrapa ichidirã ichi juade ua bait'a.

Hecho 2:32

»Davipa jarada jĩra Tachi Ak'õrepa Jesú piu bada chok'ae p'irabaripisima. Taipa ãarea mãɨ unusidama.