1 Pedro 5:9 - Tachi Ak'õre Pedea

⁹ Maamina tiore jua choat'ɨ. Cristode minachia ĩjãa p'anat'ɨ, k'awa p'anɨ pẽra mãra ũpẽarã jõma tuacha berã abarik'a minachia mĩa p'anɨt'a.

1 Pedro 5:9 Referans Kwoze

Santiago 4:7

Mãɨ k'orea Tachi Ak'õre juade p'anat'ɨ. Tiore ĩjãarãt'ɨ. Mãɨya ichi mãramaapema mĩruwãipɨ.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

1 Pedro 2:21

Cristo mãra k'orea minachia mĩana pẽra Tachi Ak'õrepa mãra t'ɨ̃sima mĩanamẽrá. Cristo mĩaside unupisima mãra nepɨra paraautade sãmaasã́ nipadai p'anɨt'a.

1 Corintio 10:13

Edaɨde tachi sõnepuru k'ɨ̃risiapatama nemietá oodai k'orea, jõmãɨrãpa ãarea mãɨya k'ɨ̃risiapataɨ jĩra. Mãɨ p'ue choadaepɨra, Tachi Ak'õrepa tachiá mãɨya k'ɨ̃risiapiwẽma. Mãɨnepa tachia mãɨya k'ɨ̃risia p'aneeutade ichia k'aripaipɨ choadamẽrá, ichia jara bɨ jĩra ewaricha oopari pẽra.

2 Timoteo 3:12

Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ.

Ep'esio 6:16

Mãɨ awara ne ãareaɨne Cristode ĩjãa p'anat'ɨ, papaká bɨpa ne ichi k'ak'ua k'aripaparí ichi juade uru bɨ jĩra. Tiorepa mĩesa oopiyá bɨde, chi ichia sia urua bɨpa t'ĩuparí jĩra bɨma. Maamina mãrapa Cristode ĩjãa p'ananaipɨra, choadaipɨ chi k'ak'ua k'aripaparipa sia urua bɨt'a k'iipipari jĩra bɨma.

1 Pedro 3:14

Maamina mãrapa pia oo p'anɨ k'orea minachia mĩanaipɨra, Tachi Ak'õre k'ĩrari minachia pia p'aneenaipɨ. Mãɨpuru chi mãra piawẽa oouta wap'earãt'ɨ. Minachia k'ɨ̃risiarãt'ɨ.

Hebreo 11:33

Tachi Ak'õrene ĩjãa p'anana pẽra chi eda waapẽarãpa tua awaraɨ p'uesidama, chi eda waapẽarãpa ãchi tua jĩp'a uru beasima, chi eda waapẽarãpa nãɨ ĩjũane Tachi Ak'õrepa teai jarada jitasidama mãɨnepa chi eda waapẽarã Tachi Ak'õrepa imamamá itu k'opié pasima.

1 Timoteo 6:12

Ne ãareaɨne Cristode ĩjãa base pia papaká bɨ k'ĩruupari jĩra. Mãɨya pɨ ewaricha Tachi Ak'õre ome baipɨ. Chok'ará p'anɨ k'ĩrari, pɨa Cristode ĩjãa bɨade a jaraside, Tachi Ak'õrepa pɨ t'ɨ̃sima mãɨya chok'ae bamẽrá.

1 Tesalonicense 3:3

mãɨnepa mãra mĩa p'anɨne ne minachia k'ɨ̃risiapidaemaapa. Mãrapa k'awa p'anɨma Cristode ĩjãa p'anɨ k'orea tachi nepɨra paraadai p'anɨma.

Ep'esio 4:27

Tiorea itu seapirãt'ɨ.

Apocalipsi 6:11

Mãɨrã́ neet'á t'orroa bɨt'a teasima mãɨ jɨ̃namẽrá. Maapae nãɨya jarasima: «Pik'ã́ nɨ p'ananot'ɨ jõma chi mãra ũpẽarã Cristo pae pari mimiapataɨrã peautadea, ẽpẽerãpa ara mãra peadada jĩra».

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.

1 Pedro 1:6

Mãɨ k'orea minachia arapá p'anɨma. Ara nãɨena ne wawariadepa mãra minachia mĩa p'anɨmina,

Colosense 2:5

Mɨ mãra ome bɨwẽmina k'ɨ̃risiadepa mãra ome bɨma. Mɨa k'awa bɨma mãra ará pia p'anɨt'a mãɨnepa Cristode minachia ĩjãa p'anɨt'a. Mãɨ k'orea arapá bɨma.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.

Luca 22:32

Maamina mɨa Tachi Ak'õrea ɨt'aa chiidisima pɨa ĩjãa bɨ itu bɨpiemaapa. Mãɨya bak'ari pɨa nemietá ooi bɨ itu bɨk'ari, pɨ ũpẽarã k'aripase pia ĩjãanamẽrá».

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

2 Timoteo 4:7

Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra.

Hebreo 12:8

Tachi Ak'õrepa ichi warrarã ãarea ɨtɨaparima. Mãɨya ooepɨra, mãra ichi warrarãwẽma.