1 Pedro 5:4 - Tachi Ak'õre Pedea

⁴ Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

1 Pedro 5:4 Referans Kwoze

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

1 Corintio 9:25

P'irapataɨrãpa ãchi k'ak'ua pia ak'ɨpatama chaarea p'ananai k'orea. Mãɨya oopatama waapẽarã k'aepẽra pia p'iradak'ari poro jũra jɨ̃parí jitadai k'orea. Mãɨ poro jũra jɨ̃parí isapea pɨɨparima. Maamina tachia nejõma pia oopatama Tachi Ak'õrepa teai jarada pɨɨk'apɨ́ atadai k'orea.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

1 Pedro 1:4

ichia tachi pae pajãne uru bɨt'a jõma jitadaipɨ. Mãɨ ãrik'ama, jõk'ama, mãɨnepa nemietaawẽma.

Apocalipsi 3:11

Mɨ tãaraawẽa bɨde cheipɨ. Mãɨpuru choa p'anat'ɨ mɨne ĩjãa p'anɨnepa. Mãɨya abaɨ pida mãra porode jũra jɨ̃parí ẽemariiwẽma.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

1 Pedro 2:25

Mãra naena oveja atua nipada jĩra nipapachidama, maamina naapae Cristomá jĩitea chesidama. Ichia mãra ak'ɨ bɨma oveja ak'ɨparipa ichi oveja ak'ɨpari jĩra.

1 Pedro 5:2

Tachi Ak'õrepa ũpẽarã mãra juade bɨda minachia ak'ɨt'ɨ. Mãɨya oorãt'ɨ waapẽarãpa mĩesa oopi p'anɨ pẽra. Mãɨpari ak'ɨ k'ɨ̃ria p'anɨ pẽra mãɨya oot'ɨ. Erreara awaa p'anɨnepa mãɨ oorãt'ɨ, mãɨpari sõnepa ak'ɨ k'ɨ̃ria p'anɨ pẽra mãɨya oot'ɨ.

Hebreo 13:20

Tachi Chipari Jesucristo chi Oveja Ak'ɨparí chi Minachia Bɨpɨ. Tachi Ak'õrepa chi tachi ne k'ɨ̃risiawẽa p'anapiparí ichi piu badadepa chok'ae p'irabaripisima. Jesucristo oadepa Tachi Ak'õre ẽpẽrarã ome pedea ausidama. Mãɨ ewaricha baipɨ.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.

Juan 10:11

»Mɨ oveja ak'ɨparí chi pia bɨpɨ. Chi oveja ak'ɨparí pia ichi oveja k'orea piui bɨma.