1 Pedro 4:7 - Tachi Ak'õre Pedea

⁷ Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Pedro 4:7 Referans Kwoze

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Hebreo 10:25

Chi Cristode ĩjãapataɨrã paara ará p'ananait'a itu bɨdaiwẽa p'anɨma chi eda waapẽarãpa itu bɨpata jĩra. Mãɨpari chi k'aripadai p'anɨma pia ĩjãanai k'orea. Tachi Chiparipa ɨtɨai ewari tãaraawẽa bɨde chei k'awa p'anɨ pẽra pia mãɨya oodai p'anɨma.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

P'ilipense 4:5

Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.

Luca 22:46

Mãɨ k'orea ãchiá jarasima: —¿K'ãre k'orea mãra k'ãi p'anɨma? P'irabaridak'ari Tachi Ak'õrea ɨt'aa chiidit'ɨ machia nemietá ooit'a k'ɨ̃risiadaipɨra, ichia machi k'aripamẽrá.

Apocalipsi 16:15

Ãchia chi hebreo pedeade Armagedón apataɨ ĩjũanea chi poro jũra jɨ̃parí jɨ̃ p'anɨrã ateewãsidama. «¡Tau pará p'anat'ɨ! Mɨ nechɨaparí jĩra cheipɨ, chi mãɨ abaɨ pida nɨ p'anɨwẽne. Pia p'ananaipɨ chi mãɨ mɨ nɨ p'anɨrãpa mãɨnepa chi ãchi neet'á oo uru p'anɨrãpa. Mãɨya p'ue ãk'adá wãnaiwẽma mãɨnepa k'ĩra p'eradaiwẽma».

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

1 Corintio 15:24

K'aadeapema ewaride Cristopa jaore mietá chiparirã, jaore mietá atepe k'awa p'anɨrã, jaore mietá jua chaarea be sida ãarea p'ueipɨ. Maapae ichidirã ichi juade p'anɨrã Tachi Pajãnepema Ak'õrea teaipɨ.

1 Corintio 7:29

Ũpẽarã, mɨa nãɨ jara k'ɨ̃ria bɨma: nãɨ ewari jõpodoruma. Mãɨ k'orea naapae chi ũpẽarã k'ima uru berãpa Tachi Ak'õre ode wã p'anɨt'a itu bɨdaiwẽa p'anɨma ãchi k'ima ome p'ananai k'orea. Mãɨpari chi k'ima nea bɨ jĩra p'ananai p'anɨma.

Mateo 24:42

»Mãɨpuru tau pará p'anat'ɨ atua p'anɨẽra sãapae chei machi Chipari.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Mateo 25:13

»Mãɨ k'orea mãra tau pará p'anat'ɨ. Mɨ, chi Ẽpẽra Warra chei ewari mãɨnepa chi hora atua p'anɨma.

Hebreo 9:26

Mãɨya badapara nãɨ ĩjũa oosidaedapema Cristo bari k'ak'o minachia piui bai pasima. Maamina nãɨ k'aadeapema ewaride ara ichi itu peapisima. Bari k'ak'o aba mãɨya oodapa tachia nemietá oodada ãarea ãyá bɨsima.