1 Pedro 4:4 - Tachi Ak'õre Pedea

⁴ Naapae mãrapa waa chi Tachi Ak'õrene ĩjãanak'apɨɨrã ome nemietá oodak'a pẽra, ãchia k'awa k'ɨ̃risiadak'ama. Mãɨ k'orea mãra k'orea piawẽa pedeapatama.

1 Pedro 4:4 Referans Kwoze

1 Pedro 3:16

Ara machi tuaba k'awa p'anat'ɨ nemietá oodawẽa p'anɨt'a. Mãɨya mãra Cristodepa pia nipada k'orea chi piawẽa pedeapataɨrã p'eradaipɨ.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

Hecho 18:6

Maamina ichia jara bɨt'a ãchia itu bɨsidama. Mãɨnepa ichi k'orea k'achia pedeapachidama. Mãɨpuru Pablopa chi neet'á ɨ̃rɨ jɨ̃ bɨ jĩnap'et'asima, chi ãchia oodada ichia mãɨ k'ɨ̃riawẽa bɨt'a k'awapii k'orea. Nãɨya jarasima: —Mãrapa mãɨ pedea ĩjãanaepɨra, mãɨ mɨ nepɨra newẽma. Chi mɨa mãra pae ooi badat'a, mãɨ ãarea oosima. Idiidepa mɨ judiorãwẽmá wãipɨ.

Juda 1:10

Maamina mãɨ ẽpẽrarã mãra t'ãena chedaadapa ãchia ũrinawẽa p'anɨ k'orea piawẽa pedeapatama. Ãnimararã k'ɨ̃risiapata jĩra k'ɨ̃risiapatama. Ãnimara abapuru ichi k'ak'uapa k'ɨ̃ria bɨ jĩra mãɨya oopatama. Mãɨ k'orea Tachi Ak'õrepa ɨtɨaipɨ.

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

2 Pedro 2:22

Ẽpẽrarãpa nãɨya jarapataɨ jĩra p'anɨma: «Usa jat'umaak'ari, mãicha cheparima chi jat'umaana k'oi k'orea». Mãɨnepa nãɨya jarapatama: «Sina k'uik'ari mãicha yooroba susuade pɨrabari beeparima».

2 Pedro 2:12

Maamina sea jarateapataɨrãpa ãchia ne atua p'anɨnepema piawẽa pedeapatama. Ãnimara jĩra k'ɨ̃risiawẽa p'anɨma. Aba ãchi k'ak'uapa k'ɨ̃ria bɨt'a oopatama. Ãnimara t'õpatama ẽpẽrarãpa jitadak'ari peadamẽrá. Ara mãɨ jĩra sea jarateapataɨrã piudaipɨ.

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Luca 15:13

Tãaraawẽane chi k'aadeapemapa chi ichiá teada jõma netok'ari k'ait'awẽa wãsima tua awaraɨdea. Mãma ne ãarea nemietá oo beesima chi erreara jõrunea.

Ep'esio 5:18

It'uapa piu niparãt'ɨ. Mãɨpa nemietá atepe oopiparima. Piu nipadai k'aepẽra Tachi Ak'õre Jaoredepa p'anat'ɨ.

Mateo 23:25

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa pasu mãɨnepa p'arat'u ɨ̃rɨpema pia sɨɨpatama, maamina eda mietá bɨma. Ara mãɨ jĩra mãra sõne ne ãarea ara machi pae ata k'ɨ̃riapatama mãɨnepa chi mãrapa k'ɨ̃ria oodat'a mãɨt'u oopatama.