1 Pedro 4:2 - Tachi Ak'õre Pedea

² Mãɨ ẽpẽrapa wapida nãɨ ĩjũane bɨde nãɨ k'ak'uapa nemietá oo k'ɨ̃ria bɨt'a oo baiwẽma, mãɨpari Tachi Ak'õrepa k'ɨ̃ria bɨt'a oo baipɨ.

1 Pedro 4:2 Referans Kwoze

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

Ep'esio 6:6

Abapuru ichia ak'ɨ bɨde mãɨya oorãt'ɨ, ichi ome pia p'ananai k'orea. Mãɨpari sõnepa oot'ɨ mãra Cristo pae pari mimiapataɨrã pẽra. Tachi Ak'õrepa mãɨya k'ɨ̃ria bɨma.

Romano 6:11

Ara mãɨ jĩra k'awadai p'anɨma mãra nemietaadepema piusidat'a mãɨnepa Tachi Chipari Jesucristodepa Tachi Ak'õre pae chok'ae p'anɨ.

2 Corintio 5:15

Piarã Cristo jõmãɨrã k'orea piuk'ari chok'ae p'irabarisima tachi chok'ae berãpa ara tachia oo k'ɨ̃ria p'anɨ jĩra waa oopidaemaapa, mãɨpari ichia k'ɨ̃ria bɨ jĩra oo p'ananamẽrá.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Romano 6:2

¡Piarã mãɨya oodaiwẽa p'anɨma! Tachi nemietaadepema piusidama. Mãɨpuru ¿sãmaasã́ nemietaade nipadaima?

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Romano 14:7

Mi aba pida ara ichi pae chok'ae bɨwẽma. Mãɨnepa mi aba pida ara ichi pae piuiwẽma.

1 Pedro 2:1

Mãɨpuru waapẽarã piawẽa oodai itu bɨt'ɨ. Waapẽarã searãt'ɨ. Waapẽarãpa ara ãchia jarapataɨ jĩra oodak'ama. Mãɨ ẽpẽrarã jĩra p'anarãt'ɨ. Abaɨpa uru bɨ k'orea piawẽa k'ɨ̃risiarãt'ɨ. Waapẽarã k'orea k'achia pedearãt'ɨ.

Juan 7:17

Chi Tachi Ak'õrepa k'ɨ̃ria bɨt'a ooi k'orea bɨpa k'awaipɨ chi mɨa jaratea bɨt'a Tachi Ak'õrenepa cherut'a wa mɨa mɨchi k'ɨ̃risiadepa jaratea bɨt'a.

Marco 7:21

Nãɨ ãarea ẽpẽra sõnepa cheparima: k'ɨ̃risia mietá, nemietá awaraɨ ome oo bai, nechɨai, mĩa peai, k'ima awaraɨ ome k'ãii, ãarea uru ba k'ɨ̃ria bai, ne k'achia oo bai, ẽpẽra seai, tachi k'ak'uapa nemietá minachia oo k'ɨ̃ria bɨt'a ooi, abaɨpa uru bɨ k'orea piawẽa k'ɨ̃risiai, abaɨ k'orea sea jarai, abaɨ k'aepẽra atepe pia bɨ jĩra k'ɨ̃risiai mãɨnepa atua bɨ jĩra bai.

Marco 3:35

Chi Tachi Ak'õrepa k'ɨ̃ria bɨ oo bet'a, mãɨt'u mɨ ũpẽapɨ, mɨ ũpẽawẽrapɨ, mãɨnepa mɨ naepɨ.

1 Juan 2:17

Nãɨ ĩjũa nemietá mãɨnepa jõma nemietá ẽpẽrarãpa oo k'ɨ̃ria p'anɨt'a jõipɨ. Maamina chi Tachi Ak'õrepa jara bɨ oo bɨt'a ewaricha ichi ome chok'ae baipɨ.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

1 Tesalonicense 5:18

Nejõma k'orea Tachi Ak'õrea sõpia p'anɨane a p'anat'ɨ. Mãɨt'a Tachi Ak'õrepa k'ɨ̃ria bɨma, mãra Jesucristode ĩjãapataɨrã pẽra.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Ep'esio 5:17

K'ɨ̃risiawẽa be jĩra p'anarãt'ɨ, mãɨpari minachia k'awat'ɨ k'ãre Tachi Chiparipa oopi bɨt'a.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

Juan 1:13

Ãchi Tachi Ak'õre warrarã padaé pasima ãchi naepa t'õnanepa wa tachia k'ɨ̃ria p'anananepa. Mãɨpari Tachi Ak'õrepuru ichi warrarã papisima.

Mateo 21:31

Mãɨ mãramá ¿chi sãɨ warrapa chi ak'õrepa k'ɨ̃ria bada oosima? Ãchia p'anoosidama: —Chi naapemapa. Mãɨne Jesupa ãchiá jarasima: —Ãjã. Maamina piarã mɨa jararuma: Romanepema pae erreara jɨrɨp'epataɨrã mãɨnepa wẽra k'achia berã mãra k'aepẽra Tachi Ak'õre ichidirã ichi juade ua baparidea wãnaipɨ.

Mateo 12:50

Mɨ Ak'õre pajãne bɨpa k'ɨ̃ria bɨ oo p'ananarãpa mãɨrãt'a mɨ ũpẽarãpɨ, mɨ ũpẽawẽrapɨ mãɨnepa mɨ naepɨ.

Mateo 7:21

»Ẽpẽrarãpa mɨ ãchi chipariade apatamina jõmãɨrã ãarea Tachi Ak'õre juade ua bɨde p'ananaiwẽma. Abapuru mɨ Ak'õre pajãne bɨpa k'ɨ̃ria bɨ oo berãt'a ichi p'uurude p'ananaipɨ.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

Colosense 3:3

Mãɨya p'ɨrrɨadai p'anɨma, Cristo ome piudak'ari, ichi ome chok'ae p'anɨ pẽra. Mãɨ waapẽarã k'awadak'ama. Maamina Cristo Tachi Ak'õre ome chok'ae bɨ pẽra, mãra sida Tachi Ak'õre ome chok'ae p'anɨma.

Mateo 20:4

Ãchiá jarasima: “Mãra sida mɨ ne uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”. Ara mãɨne wãsidama.