1 Pedro 4:14 - Tachi Ak'õre Pedea

¹⁴ Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.

1 Pedro 4:14 Referans Kwoze

1 Pedro 3:14

Maamina mãrapa pia oo p'anɨ k'orea minachia mĩanaipɨra, Tachi Ak'õre k'ĩrari minachia pia p'aneenaipɨ. Mãɨpuru chi mãra piawẽa oouta wap'earãt'ɨ. Minachia k'ɨ̃risiarãt'ɨ.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

Mateo 5:11

Mɨ k'orea k'achia pedeadaipɨra, mĩapii p'anɨpɨra mãɨnepa wawaria seadepa k'achia pedeadaipɨra, mãra pia p'anɨma.

1 Pedro 3:16

Ara machi tuaba k'awa p'anat'ɨ nemietá oodawẽa p'anɨt'a. Mãɨya mãra Cristodepa pia nipada k'orea chi piawẽa pedeapataɨrã p'eradaipɨ.

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

Santiago 5:11

Tachimá, chi minachia mĩa p'anɨne choa berã minachia pia p'anɨma. Mãrapa ũripatama Job ichi tãaraa minachia mĩana jõma choasit'a. Mãɨ ãarea tãaraa nepɨrade bak'ari k'awa p'anɨma Tachi Chiparipa ichi pia bɨsit'a. Ichia k'ĩra chupuria bɨma mãɨnepa k'ɨ̃rianepa k'aripai bɨma.

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

Hebreo 11:26

Tachi Ak'õrepa Tachi K'aripaparí teai jarada piarã cheide ĩjãana pẽra, ichia k'ɨ̃risiasima Egitodepema nepia uru bai k'aepẽra pia bɨma minachia mĩa bait'a. Tachi Ak'õrepa k'aadeapema ewaride teai jarada pia jita k'ɨ̃riana pẽra mãɨya k'ɨ̃risia basima.

Gálata 1:24

Mãɨpuru mɨ k'orea ãchia Tachi Ak'õrea pia pedeasidama.

Juan 9:34

Mãɨne judiorã chi chaarearãpa ichi ɨtɨasidama: —Pɨ t'õnanepa nemietá ooparima. ¿Sãmaasã́ taiyá ne jarateaima? Mãɨ k'orea ichi chi judiorã ará pedeapataɨ tedepema ãyá jeret'aasidama.

Juan 9:28

Mãɨpuru ãchia ichi nãɨya ɨtɨasidama: —Pɨ jãɨ ẽpẽra ome p'ɨrrɨaparipɨ, maamina tai Moisepa bɨdadepa nipapatama.

Juan 8:48

Maapae judiorãpa Jesua jarasidama: —¡Pɨ Samariadepemapɨ mãɨnepa jaore mietá uru bɨpɨ! ¿Taipa arí jara p'anɨwẽk'ãra?

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

2 Pedro 2:2

Ãchia waapẽarã taade minachia k'ĩra p'era oopataɨt'a, chok'araɨrãpa ara mãɨya oodaipɨ. Ãchi k'orea ẽpẽrarãpa chi piarã pedea k'orea piawẽa pedeadaipɨ.

Hecho 18:6

Maamina ichia jara bɨt'a ãchia itu bɨsidama. Mãɨnepa ichi k'orea k'achia pedeapachidama. Mãɨpuru Pablopa chi neet'á ɨ̃rɨ jɨ̃ bɨ jĩnap'et'asima, chi ãchia oodada ichia mãɨ k'ɨ̃riawẽa bɨt'a k'awapii k'orea. Nãɨya jarasima: —Mãrapa mãɨ pedea ĩjãanaepɨra, mãɨ mɨ nepɨra newẽma. Chi mɨa mãra pae ooi badat'a, mãɨ ãarea oosima. Idiidepa mɨ judiorãwẽmá wãipɨ.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Hecho 28:22

Maamina taipa k'awa p'anɨma ãarea tuacha jãɨ k'ɨ̃risia chiwidi k'orea piawẽa pedea p'anɨt'a. Mãɨpuru ũri k'ɨ̃ria p'anɨma pɨa sãmaasã́ k'ɨ̃risia bɨt'a.

2 Corintio 4:10

Tai wãutacha ẽpẽrarãpa tai pea k'ɨ̃ria p'anɨma Jesú peadada jĩra. Maamina Jesupa tai k'aripa bɨ pẽra ãchia taidepa Jesú chok'ae bɨt'a unupatama.

2 Corintio 4:16

Mãɨpuru taipa waa jarateadaiwẽ k'ɨ̃risiadak'ama. Tai k'ak'ua ewaricha jõpodoutamina Tachi Ak'õrepa k'aripa bɨma tai sõne chaarea p'ananamẽrá.

1 Pedro 4:16

Maamina abaɨpa Cristode ĩjãa bɨ k'orea minachia mĩarupɨra, p'eraiwẽa bɨma. Mãɨpari Cristode pẽra Tachi Ak'õrea pia pedeai bɨma.