1 Pedro 4:13 - Tachi Ak'õre Pedea

¹³ Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.

1 Pedro 4:13 Referans Kwoze

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

2 Corintio 1:7

Taipa k'awa p'anɨma mãrapa Tachi Ak'õrene piarã minachia ĩjãa p'anɨ. K'awa p'anɨma mãra tai jĩra minachia mĩapatamina Tachi Ak'õrepa mãra tai jĩra sõpiapiparit'a.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

2 Corintio 4:10

Tai wãutacha ẽpẽrarãpa tai pea k'ɨ̃ria p'anɨma Jesú peadada jĩra. Maamina Jesupa tai k'aripa bɨ pẽra ãchia taidepa Jesú chok'ae bɨt'a unupatama.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 5:12

Minachia arapá p'anat'ɨ, mãrapa nepia waibɨa pajãne uru p'ananai pẽra. Chõarãenapema ewaride pida Tachi Ak'õre pari pedeapataɨrã ara mãɨ jĩra ẽp'ẽsidama mĩapidai k'orea.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

Hecho 16:25

Teamasi estarik'a parude Pablopa mãɨnepa Silapa Tachi Ak'õrea ɨt'aa chiidi p'anasidama mãɨnepa ichiá k'ari p'anasidama. Mãɨ waapẽarã jɨ̃a nɨbɨdarãpa ũri p'anasidama.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Mateo 25:31

»Mɨ, chi Ẽpẽra Warra jõma Tachi Ak'õrepa ɨt'aripa peedarã ome k'ĩrawãrea cherude, mɨ poro jũra jɨ̃parí jɨ̃ bɨ suak'a beeparí k'ĩrawãrea bɨde suak'abari beeipɨ ẽpẽrarã ak'ɨi k'orea.

Mateo 25:23

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa pia ooda pẽra mɨa ne minachia pɨ juade bɨipɨ. Eda chese mɨ ome sõ arapaade”.

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.

Luca 17:30

»Mɨ, chi Ẽpẽra Warra cheru ewaride ara mãɨ jĩra mãɨyaipɨ.

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Romano 8:18

Mɨmá, chi nãɨ ewaride tachi minachia mĩa p'anɨt'a mãɨ ãpia bɨ jĩra bɨma, chi k'aadeapema ewaride Tachi Ak'õrepa tachi pia bɨi k'aepẽra.

2 Corintio 1:5

Piarã Cristo k'orea tai minachia mĩapatamina ichidepa ne ãareaɨne sõpiapatama.

1 Pedro 2:21

Cristo mãra k'orea minachia mĩana pẽra Tachi Ak'õrepa mãra t'ɨ̃sima mĩanamẽrá. Cristo mĩaside unupisima mãra nepɨra paraautade sãmaasã́ nipadai p'anɨt'a.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.