1 Pedro 3:9 - Tachi Ak'õre Pedea

⁹ Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

1 Pedro 3:9 Referans Kwoze

Romano 12:17

Abaɨ pida mãra piawẽa ooipɨra, ara mãɨya oorãt'ɨ. Jõmãɨrã k'ĩrari pia oot'ɨ.

Romano 12:14

Chi mãra ẽp'ẽ berã́ pia pedeat'ɨ. Tachi Ak'õrea ɨt'aa chiidit'ɨ waapẽarã pia bapimẽrá; ɨt'aa chiidirãt'ɨ ãchi mietá bapimẽrá.

1 Tesalonicense 5:15

¡Ũrit'ɨ! Abaɨ pida mãra piawẽa oosira ichi jõnea piawẽa oorãt'ɨ. Mãɨpari ewaricha ara machi paara nepia oot'ɨ, mãɨnepa waapẽarã paara pida.

Mateo 5:44

Maamina mɨa jararuma: mãra chi nek'ĩramá k'ɨ̃riat'ɨ. Chi mãrá k'achia pedeautá pia pedeat'ɨ; mãra k'ĩramá p'anɨrã pia oot'ɨ. Tachi Ak'õrea ɨt'aa chiidit'ɨ ãchi k'aripamẽrá.

Ep'esio 4:32

Sõpia p'anat'ɨ. K'ĩra chupuria p'anat'ɨ. Chi mãrapa piawẽa oodada k'ɨ̃risia atuat'ɨ, Tachi Ak'õrepa mãra nemietá Cristodepa k'ɨ̃risia atuada jĩra.

Mateo 5:39

Maamina mɨa jararuma: pɨ piawẽa oosidara k'ĩup'ea choase. Abaɨpa pɨ uitarra chi juaraaripema p'esira, ichiaba uitarra juawieripema unupise p'emẽrá.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

Romano 8:28

Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Hebreo 6:14

Nãɨya jarasima: «Piarã mɨa pɨ k'aripaipɨ mãɨnepa pɨdepa ẽpẽerã minachia unupiipɨ».

Luca 18:18

Ẽpẽrarã chi chaarea bɨpa Jesua idisima: —Pia jarateaparí, Tachi Ak'õre ome ewaricha chok'ae bai k'orea ¿mɨa k'ãre ooi bɨma?

Luca 10:25

Ewariaba Moisepa bɨda jarateaparí bai nɨbeek'ari Jesú piawẽa pedeapii k'orea nãɨya idisima: —Jarateaparí, ¿mɨa k'ãre ooi pia bɨma Tachi Ak'õre ome ewaricha chok'ae bai k'orea?

Mateo 19:29

Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Romano 8:30

Tachi Ak'õrepa chi ichia naenaena bɨdarã t'ɨ̃k'oasima ichi Warra Jesú jĩra p'ananamẽrá. Chi ichia t'ɨ̃k'oada mãɨ chi ichidirã jĩp'a berã paara bɨsima. Chi ichia ichidirã jĩp'a berã paara bɨdá, ichi pia bɨdepema teaipɨ.

Marco 10:17

Jesú mãmãɨpa wãrune ẽpẽra ichimá p'ira chesima. Mãɨ ẽpẽra Jesú k'ĩrari sĩraporode k'obeek'ari idisima: —Pia Jarateaparí, ¿mɨa k'ãre ooi bɨma Tachi Ak'õre ome ewaricha chok'ae bai k'orea?

Gálata 3:14

Mãɨyasima Tachi Ak'õrepa Jesucristodepa judiorãwẽ sida k'aripamẽrá ichia naena Abrahaná k'aripayade ada jĩra. Tachia Jesucristode ĩjãa p'anɨ pẽra Tachi Ak'õrepa ichi Jaore teai jarada jitasidama.

Hebreo 12:17

Mãrapa k'awa p'anɨma mãɨya nak'ari Esaupa k'ɨ̃ria basit'a chi ak'õrepa pedea piadepa ichiá pia pedeait'a Tachi Ak'õrepa k'aripamẽrá. Maamina chi ak'õrepa ichi itu bɨsima. Jẽasimina Esaupa naena oodapa p'ue pia bɨé pasima.