1 Pedro 2:21 - Tachi Ak'õre Pedea

²¹ Cristo mãra k'orea minachia mĩana pẽra Tachi Ak'õrepa mãra t'ɨ̃sima mĩanamẽrá. Cristo mĩaside unupisima mãra nepɨra paraautade sãmaasã́ nipadai p'anɨt'a.

1 Pedro 2:21 Referans Kwoze

Mateo 16:24

Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Juan 13:15

Mɨa jãɨya unupisima ara machicha chi k'aripadamẽrá.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Corintio 11:1

Mɨ Cristo nipada jĩra nipapari pẽra mɨ jĩra nipat'ɨ.

1 Pedro 4:1

Cristo nãɨ k'ak'uade minachia mĩana pẽra mãra pida abarik'a k'ɨ̃risia uru p'anat'ɨ. Chi ẽpẽra ichi k'ak'uade minachia mĩa badapa nemietá itu bɨsima.

P'ilipense 2:5

Jesucristopa k'ɨ̃risia bada jĩra k'ɨ̃risiat'ɨ:

Mateo 11:29

Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

Mateo 10:38

Minachia mĩa bai k'orea bɨwẽpɨra, mɨ ome p'ue p'ɨrrɨaiwẽma.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

Hebreo 2:10

Tachi Ak'õrepa ne ãarea oosima. Ichidepa ne ãarea bɨma. Tachi Ak'õremá pia basima Jesú minachia mĩapiit'a. Mãɨya chi ichi ẽpẽrarã K'aripaparí arí bɨsima. Ichidepa Tachi Ak'õrepa ichi warrarã chok'ará p'anɨ jɨrɨ atasima, ichi pia bɨdepema jitadamẽrá.

2 Timoteo 3:12

Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

1 Tesalonicense 4:2

Tachi Chipari Jesudepa taipa jarateadada mãrapa k'awa p'anɨma.

1 Tesalonicense 3:3

mãɨnepa mãra mĩa p'anɨne ne minachia k'ɨ̃risiapidaemaapa. Mãrapa k'awa p'anɨma Cristode ĩjãa p'anɨ k'orea tachi nepɨra paraadai p'anɨma.

Hecho 17:3

Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

Luca 24:26

¿Tachi Ak'õrepa Tachi K'aripaparí teai jarada chi Choma beei naena minachia mĩa baiwẽ pasik'ãra?

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.