1 Pedro 2:2 - Tachi Ak'õre Pedea

^2-3 Tachi Chiparipa piadepa mãra k'aripaparit'a k'awasidama. Mãɨpuru warra chak'e chiwidi t'õnapa juto k'ɨ̃ria bapari jĩra, Tachi Ak'õre pedea pia k'awa k'ɨ̃riat'ɨ. Ichi pedea jubaara jĩra bɨma. Mãɨ chi pedea k'awa p'ananaipɨra, waridaipɨ ichia mãra k'ariparudea.

1 Pedro 2:2 Referans Kwoze

Ep'esio 4:15

Mãɨpari k'ɨ̃rianepa chi piarã pedea ĩjãanai p'anɨma ne ãareaɨne Tachi Chipari Cristo jĩra p'ananai k'orea.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

Marco 10:15

Mɨa piarã jararuma: warra chak'e ichi ak'õre k'aade wãpari jĩra abaɨ pida Tachi Ak'õre k'aade wãepɨra, mãɨ ẽpẽra Tachi Ak'õre juade baiwẽma ichidirã paara.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

Mateo 18:3

Nãɨya jarasima: —Mɨa piarã jararuma: mãrapa awara k'ɨ̃risiadaepɨra mãɨnepa nãɨ warra chae jĩra p'ananaepɨra, Tachi Ak'õre Pajãne Bɨpa ichidirã ichi juade ua bɨde p'ananaiwẽma.

Ep'esio 2:21

Ichidepa, mawara ará p'ã bɨ jĩra, te pia oopodopatama, Tachi Chipari pae pia beemẽrá.

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

Mateo 19:14

Mãɨpuru Jesupa jarasima: —Warrarã mɨmá itu chepit'ɨ, Pajãne Bɨpa ichidirã ichi juade ua bɨ jĩra p'anɨ pẽra.

Luca 18:17

Mɨa piarã jararuma: warra chak'e ichi ak'õre k'aade wãpari jĩra abaɨ pida Tachi Ak'õre k'aade wãepɨra, mãɨ ẽpẽra Tachi Ak'õre juade baiwẽma ichidirã paara.