1 Pedro 2:19 - Tachi Ak'õre Pedea

¹⁹ Edaɨde nepia oo bɨ k'orea tachi minachia mĩapatama. Maamina Tachi Ak'õrepa tachi mĩa p'anɨt'a k'awa bɨma. Tachia mãɨne k'ɨ̃risiadak'ari, mãɨ jõma choadaipɨra, Ichia pia unuipɨ.

1 Pedro 2:19 Referans Kwoze

1 Pedro 2:20

Mãrapa nemietá oo p'anɨ k'orea chi chiparipa mãra ɨtɨaipɨra, mãrapa choautamina ¿k'aipa mãra k'orea pia pedeaima? Maamina pia oo p'anɨ k'orea nepɨrade p'anɨne choadaipɨra, Tachi Ak'õrepa pia unuipɨ.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

Luca 6:32

»Abapuru mãra k'õp'ãerorãt'a k'ɨ̃ria p'ananaipɨra, ¿k'aipa mãra k'orea pia pedeaima? K'achia oopataɨrã pida ãchi k'õp'ãerorã k'ɨ̃riapatama.

Romano 13:5

Mãɨpuru mãra nãɨ ĩjũanepema minachia k'awa berã juade p'ananai p'anɨma ɨtɨapidaemaapa. Mãɨ awara ãchi juade p'ananai p'anɨma, k'awa p'anɨ pẽra mãɨya p'ananai mãɨ jĩp'a bɨt'a.

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

2 Corintio 8:1

Mãɨ awara ũpẽarã, taipa k'awapii k'ɨ̃ria p'anɨma Tachi Ak'õrepa ichi sõpiadepa ũpẽarã Macedonia tuadepema k'aripa bɨt'a.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

Hecho 11:23

Mãɨ Bernabé ẽpẽra jĩp'a basima. Jesude minachia ĩjãa basima; Tachi Ak'õre Jaoredepa pia basima. Bernabé Antioquiade cheside unusima Tachi Ak'õrepa ichi sõpiadepa ũpẽarã k'aripa bɨt'a. Mãɨpuru minachia sõ arapaasima. Mãɨne ãareaɨrã́ jarapachima sõnepa ewaricha Tachi Chiparide piarã ĩjãanamẽrá. Mãɨya bɨde minachia p'anɨrãpa chi Tachi Chiparide ĩjãasidama.

Hebreo 10:2

Moisepa bɨdapa ãchi piarã jĩp'a bɨdapara, waa ãnimara paateade wãnaiwẽ pasima. Ãnimara paatea p'anɨnepa piarã nemietá newẽa p'aneenaipara, waa ãchi nepɨra pará p'anɨ jĩra k'ɨ̃risiadaiwẽ pasima.

1 Pedro 4:15

Mãra minachia mĩanaimina, nãɨnepa mĩanai pia bɨwẽma: mĩa peada k'orea, nechɨada k'orea, nemietá ooda k'orea wa waapẽarã nepɨrade bada k'orea.