1 Pedro 2:17 - Tachi Ak'õre Pedea

¹⁷ Jõmãɨrã wap'eat'ɨ. Ũpẽarã minachia k'ɨ̃riat'ɨ. Tachi Ak'õre wap'eat'ɨ. Nãɨ ĩjũanepema chi minachia k'awa bɨ wap'eat'ɨ.

1 Pedro 2:17 Referans Kwoze

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

Romano 13:7

Jõmãɨrã́ teat'ɨ mãrapa ãchicha teadai p'anɨ jĩra. Mãra minachia k'awa berã́ erreara teadai p'anɨt'a teat'ɨ. Mãrapa wap'eadai p'anɨ wap'eat'ɨ. Mãrapa chi pia jaradai p'anɨa pia jarat'ɨ.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».

Hebreo 13:1

Mãra ũpẽarã pẽra ara chi k'ɨ̃ria p'anat'ɨ.

P'ilipense 2:3

Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Timoteo 6:1

Cristode ĩjãa p'anɨ pae pari mimiapataɨrãpa ãchi chipari wap'ea p'ananai p'anɨma. Mãɨya waapẽarãpa k'achia pedeadaiwẽma Tachi Ak'õre mãɨnepa tachia jarateapataɨ k'orea.

2 Corintio 7:1

Ũpẽarã, Tachi Ak'õrepa tachiá mãɨ jõma ooyade ada pẽra nãɨ k'ak'uapa nemietá ooparí mãɨnepa tachi k'ɨ̃risiadepa nemietá k'ɨ̃risiaparí jõma itu bɨdai p'anɨma. Tachi Ak'õre minachia wap'ea p'anɨnepa ichi pae pia p'ananai p'anɨma.

Mateo 22:21

Ãchia p'anoosidama: —Romanepema chi atepe poro chaarea bɨdé. Maapae Jesupa jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.

Ep'esio 5:21

Cristo wap'ea p'anɨnepa ara mastu chi ĩjãat'ɨ.

Juan 13:35

Mãɨya chi k'ɨ̃ria p'ananaipɨra, ãareaɨrãpa k'awadaipɨ mãra mɨ ome p'ɨrrɨapataɨrãt'a».

1 Pedro 2:13

Tachi Chipari Jesucristo k'orea jõma nãɨ ĩjũanepema minachia berã pedea ĩjãat'ɨ. Nãɨ tuadepema minachia k'awa bɨpa jararu ĩjãat'ɨ ichi chi atepe bɨ pẽra.