1 Pedro 1:7 - Tachi Ak'õre Pedea

⁷ mãɨ choa p'anɨnepa unupidaipɨ Jesucristode piarã ĩjãa p'anɨt'a. Mãrapa ĩjãa p'anɨt'a nee jĩra bɨma. Nee t'ɨpɨ taude tort'iiparima mãɨ wariara piipará beemẽrá. Ara mãɨ jĩra mãra minachia mĩautade, choa p'anɨnepa unupii p'anɨma Jesucristode piarã ĩjãa p'anɨt'a. Mãɨ nee k'aepẽra piipará bɨma, nee jõpari pẽra. Mãrapa Jesucristode piarã ĩjãa p'anɨt'a unupi p'anɨ pẽra, ichi unuutade Tachi Ak'õrepa mãra pia unuipɨ, mãra k'orea pia jaraipɨ mãɨnepa chi atepe k'awa p'anɨrã bɨipɨ.

1 Pedro 1:7 Referans Kwoze

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

1 Pedro 4:12

Ũpẽarã, mãra minachia mĩa p'anɨ k'orea minachia k'ɨ̃risia p'aneerãt'ɨ. Mãɨya p'anɨma Cristode minachia ĩjãanai k'orea. Mãɨpuru minachia mĩanaiwẽa p'anɨ k'ɨ̃risiarãt'ɨ.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

1 Corintio 3:13

Cristopa tachi nepɨra ak'ɨi ewaride tachicha oodada t'ɨpɨ uruapa chaa ajoroipɨ, choai k'awai k'orea. Mãɨpa k'awapiipɨ tachia oodada sãmaasã́ basit'a.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

1 Pedro 2:4

Tachi Chipari Jesucristomá chet'ɨ. Ichi chok'ae bɨma mãɨnepa mawara te oopataɨ jĩra bɨma. Ẽpẽrarãpa ichi itu bɨsidama, maamina Tachi Ak'õrepa mãɨ mawara pia, neepɨa k'ɨrɨt'a jɨrɨ atasima.

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

Hecho 8:20

Maamina Pedropa jarasima: —¿Mãɨyara pɨa k'ɨ̃risia bɨk'ãra Tachi Ak'õrepa pari tea bɨt'a mãɨ netopatat'a? ¡Pɨchi erreara ome t'ɨpɨ urua nɨbɨdea wãse!

Juan 12:26

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Juan 5:44

¿Sãmaasã́ mɨne ĩjãanaima? Abapuru k'ɨ̃ria p'anɨma waapẽarãpa mãra pia ununait'a. Maamina Tachi Ak'õre aba bɨpa mãra pia unuit'a mãɨ jɨrɨdawẽma.

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Mateo 25:23

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa pia ooda pẽra mɨa ne minachia pɨ juade bɨipɨ. Eda chese mɨ ome sõ arapaade”.

Mateo 19:28

Jesupa p'anoosima: —Mɨa piarã jararuma: Tachi Ak'õrepa ne ãarea chiwidi ooi ewaride mɨ, chi Ẽpẽra Warra mɨ poro jũra jɨ̃parí jɨ̃ bɨ suak'a beeparí auk'ará bɨde suak'abari beeipɨ. Mãɨne mãra mɨ ome p'ɨrrɨapataɨrã doce poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

1 Pedro 2:7

Mãra chi Cristode ĩjãapataɨrãmá, ichi minachia pia bɨma. Maamina chi ichi ĩjãanak'apɨɨrã k'orea Tachi Ak'õre pedeade nãɨya bɨ bɨma: «Chi te oopataɨrãpa mawara amaanana pada, mãɨ mawara chi atepe piipará beesima».

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

Romano 2:29

Mãɨyawẽapuru Tachi Ak'õremá, chi sõ jĩp'a bɨt'a mãɨt'u judio piarãpẽapɨ. Chi Moisepa bɨdade bɨ bɨ jĩra k'ak'ua tauchaa bɨade aparí judio piarãwẽpɨ, mãɨpari chi Tachi Ak'õre Jaorepa mãɨya sõne jĩp'a bɨparipɨ. Ẽpẽrarãpa chi sõ jĩp'a bɨ k'orea pia jaradak'amina Tachi Ak'õrepa mãɨ k'orea pia jaraparima.

Luca 17:30

»Mɨ, chi Ẽpẽra Warra cheru ewaride ara mãɨ jĩra mãɨyaipɨ.

Romano 2:10

Maamina jõma pia oo berã Tachi Ak'õrepa pia unuipɨ, pia jaraipɨ mãɨnepa ne k'ɨ̃risiawẽa bapiipɨ. Naa judiorã mãɨnepa judiorãwẽ sida mãɨya ooipɨ.

Romano 8:19

Nejõma Tachi Ak'õrepa ook'oada ãarea nɨ p'anɨma ichi warrarã pia p'aneeuta k'orea isapea unupimẽrá,

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.