1 Pedro 1:3 - Tachi Ak'õre Pedea

³ Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

1 Pedro 1:3 Referans Kwoze

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

1 Juan 5:4

Jõma Tachi Ak'õrenepa t'õnaanapa nãɨ ĩjũanepema nemietá itu bɨpatama. Piarã tachia Jesucristode ĩjãa p'anɨ pẽra mãɨ p'ue itu bɨdaipɨ.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

2 Corintio 1:3

Tachi Chipari Jesucristo Pajãnepema Ak'õrea pia pedeadai p'anɨma. Ichi chi tachi k'ĩra chupuriaparí Tachi Ak'õrepɨ mãɨnepa tachi sõpiapiparí Tachi Ak'õrepɨ.

1 Juan 3:3

Chi Cristo jĩra bai k'orea nɨ bɨt'a ara ichit'u ak'ɨ baparima nemietá ooemaapa, Cristo nemietá newẽa bɨ jĩra.

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

1 Juan 2:29

Mãrapa k'awa p'anɨma Jesucristo jĩp'a bɨt'a. Mãɨnepa k'awa p'anɨma jõma jĩp'a oo be Tachi Ak'õrenepa t'õnaanarãt'a.

Ep'esio 1:3

Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma.

Ep'esio 3:20

¡Tachi Ak'õre minachia pia bɨma! Ichi jua chaarea tachi sõne bɨdepa ne waibɨa p'ue ooipɨ, tachia k'ɨ̃risiapataɨ k'aepẽra wa ichiá ɨt'aa chiidipataɨ k'aepẽra.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

1 Timoteo 1:14

Tachi Chipari Jesucristopa ichi sõpiadepa mɨ minachia k'aripasima ichide ĩjãamẽrá mãɨnepa ichi k'ɨ̃ria uru bamẽrá.

Ep'esio 2:4

Maamina Tachi Ak'õrepa minachia k'ĩra chupuriaparima. Ichia tachi minachia k'ɨ̃ria bɨ pẽra

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

1 Corintio 15:20

Maamina Tachi Ak'õrepa piarã Cristo piu bada chok'ae p'irabaripisima. Piudaadadepema ichit'a chi naa chok'ae p'irabaridapɨ. Mãɨya Tachi Ak'õrepa unupisima jõma ichidirã sida piarã chok'ae p'irabaridait'a.

1 Corintio 13:13

Nãɨ ũpea p'anɨ jõk'ama: nejõma pia ĩjãa bai, jõma pia pamẽrá nɨ bai mãɨnepa waapẽarã k'ɨ̃ria bai. Mãɨ ũpeadepema waapẽarã k'ɨ̃ria bai chi atepe piipará bɨma.

1 Juan 3:9

Chi Tachi Ak'õrenepa t'õnapa nemietá oo bak'ama, Tachi Ak'õre chok'ae bɨ ichide bapari pẽra. Tachi Ak'õrenepa t'õna pẽra nemietá p'ue oo bak'ama.

1 Pedro 2:2

Tachi Chiparipa piadepa mãra k'aripaparit'a k'awasidama. Mãɨpuru warra chak'e chiwidi t'õnapa juto k'ɨ̃ria bapari jĩra, Tachi Ak'õre pedea pia k'awa k'ɨ̃riat'ɨ. Ichi pedea jubaara jĩra bɨma. Mãɨ chi pedea k'awa p'ananaipɨra, waridaipɨ ichia mãra k'ariparudea.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Romano 8:24

Tachi Ak'õrepa tachi k'aripada pẽra mãɨ nɨ p'anɨma. Chi tachia nɨ p'anɨt'a waidi nea p'anɨma. Uru badapara ¿k'ãre k'orea nɨ p'ananai p'anɨma? ¿K'aipa ichia uru bɨt'a, atai k'orea nɨ baima?

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Juan 1:13

Ãchi Tachi Ak'õre warrarã padaé pasima ãchi naepa t'õnanepa wa tachia k'ɨ̃ria p'anananepa. Mãɨpari Tachi Ak'õrepuru ichi warrarã papisima.

1 Juan 5:18

Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

Romano 4:25

Ichia Jesú bɨsima tachi nemietá k'orea piumẽrá. Maapae piu badadepa chok'ae p'irabaripisima tachi chi ichidirã jĩp'a berã paara bɨi k'orea.

1 Juan 4:7

Ũpẽarã, tachi chi k'ɨ̃ria p'ananai p'anɨma, Tachi Ak'õrepa tachiá tachi ũpẽarã piarã k'ɨ̃riapipari pẽra. Jõma chi k'ɨ̃ria uru be Tachi Ak'õrenepa t'õnaanarãpɨ mãɨnepa Tachi Ak'õre k'awa p'anɨma.

1 Tesalonicense 4:13

Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

Gálata 6:16

Mɨa k'ɨ̃ria bɨma jõma mɨa jara bɨ jĩra ĩjãa be Tachi Ak'õrepa k'ĩra chupuria bai mãɨnepa ne k'ɨ̃risiawẽa bapiit'a. Mãɨ ẽpẽrarã Tachi Ak'õrenepemarãpɨ.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Pedro 3:5

Ara mãɨ jĩra chõarãenapema wẽrarã Tachi Ak'õre pae beada mip'it'á p'anasima. Tachi Ak'õrepa ooi jarada ãchia sõnepa piarã ĩjãa p'anapachidama mãɨnepa ãchi k'ima pedea ũripachidama.

1 Pedro 3:15

Cristo mãra Chipari pẽra sõnepa ichit'a wap'eat'ɨ. Chi Cristodepa ne atadai nɨ p'anɨ k'orea pia pedeadayá p'anat'ɨ. Mãɨya abaɨpa idisira, p'ue k'ĩruu pedeadawẽa pia p'anoonaipɨ.