1 Pedro 1:25 - Tachi Ak'õre Pedea

²⁵ Maamina Tachi Chipari pedea jõk'ama». Mãɨ jõk'apɨ́ pedea pia Cristodepemapɨ. Mãɨt'a tachi ũpẽarãpa mãrá jarasidama.

1 Pedro 1:25 Referans Kwoze

Mateo 5:18

Mɨa piarã jararuma: pajã mãɨnepa nãɨ ĩjũa bɨmisa mãɨ Moisepa bɨdadepema letra aba mi ãpia pida jõiwẽma, aba mãɨne jara bɨ ãarea baerudea.

1 Juan 1:1

Jua chiwidieda chi Chok'ae Bapiparí Pedea apataɨ basima mãɨnepa wapida bɨma. Ichia jarateada taipa ũrisidama. Ichi tai taupa unusidama mãɨnepa juapa t'õmarisidama. Ichia ooda pia ak'ɨsidama. Ichi k'orea taipa nãɨ k'art'ade bɨutama.

2 Pedro 1:19

Mãɨ awara k'awa p'anɨma Tachi Ak'õre pari pedeapataɨrãpa jaradada piarãt'a. Mãɨ pedea ĩpira p'ãrione urua bɨ jĩra bɨ pẽra mãrapa minachia jĩrak'aua ũrinai p'anɨma. Ĩpira uruaparima aba ewari wãrunea, aba chi tap'edepema k'ãk'ãi ochiarudea. Ara mãɨ jĩra tachi nãɨ ĩjũa nemietaade p'anɨmisa mãɨ pedeapa tachi sõne k'awapi bɨma sãmaasã́ nipadai p'anɨt'a aba Cristo cherudea.

Luca 16:17

Maamina pajã mãɨnepa nãɨ ĩjũa jõi t'ajuwẽa bɨma Moisepa bɨda jõi k'aepẽra.

Ep'esio 2:17

Cristo chesima, chi pedea pia Tachi Ak'õre ome ne k'ɨ̃risiawẽa bai k'orea, mãrá jarai k'orea, chi Tachi Ak'õrenepema t'ɨmɨa p'ananamá mãɨnepa chi Tachi Ak'õre k'ait'a p'ananamá.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:1

Jua chiwidieda chi Pedea apataɨ basima. Mãɨ Pedea apataɨ Tachi Ak'õre ome basima. Piarã mãɨ Tachi Ak'õret'u ara mãɨya basima.

1 Juan 1:3

Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

1 Pedro 2:2

Tachi Chiparipa piadepa mãra k'aripaparit'a k'awasidama. Mãɨpuru warra chak'e chiwidi t'õnapa juto k'ɨ̃ria bapari jĩra, Tachi Ak'õre pedea pia k'awa k'ɨ̃riat'ɨ. Ichi pedea jubaara jĩra bɨma. Mãɨ chi pedea k'awa p'ananaipɨra, waridaipɨ ichia mãra k'ariparudea.

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

Tito 1:3

Maapae ichia bɨda ewaride mɨa jaratea bɨdepa ichi pedea Cristo k'orea pia k'awapisima. Mãɨ pedea Tachi Ak'õre chi K'aripaparipa mɨá jarateapisima.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

1 Corintio 2:2

Mãra t'ãena baside mɨa abapuru Jesucristo k'orea mãɨnepa ichi k'urusude peadada k'awapi k'ɨ̃ria basima.

Hebreo 6:5

ichi pedea minachia pia bɨ ũri p'ananak'ari mãɨnepa chi k'aadeapema ĩjũa chei bɨdepema ichi jua chaareadepa oo bɨt'a ẽpẽerãpa ne p'ue oodak'apɨ́ unu p'ananak'ari,

Apocalipsi 14:6

Mãɨya nak'ari mɨa aba chi Tachi Ak'õrepa ɨt'aripa peeda pajãne wãamari wã nɨbɨt'a unusima. Ichia chi pedea pia uru basima ãarea ẽpẽerã́ jarai k'orea: ĩjũanepemarãcha, ẽpẽerã awaraɨcha, pedeacha mãɨnepa p'uurucha. Mãɨ pedea ewaricha mãɨya baipɨ.