1 Pedro 1:23 - Tachi Ak'õre Pedea

²³ Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

1 Pedro 1:23 Referans Kwoze

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

Hebreo 4:12

Piarã Tachi Ak'õre pedea chok'ae bɨma mãɨnepa jua chaarea bɨma. Ichi pedea k'ĩruuparí nek'o k'ida ume era bɨ k'aepẽra p'eedea bɨma. Ichi pedeapa tachi k'ɨ̃risia mãɨnepa tachi sõpa oo k'ɨ̃ria bɨt'a ãarea pia k'awapiparima tachi k'ɨ̃risia, tachi jaore, tachi sõ sida eda k'õru jĩra.

Juan 3:3

Jesupa ichiá jarasima: —Piarã ara mɨa pɨá jararuma: ẽpẽra mãicha chiwidi t'õepɨra p'ue baiwẽma Tachi Ak'õre juade ichidirã ome.

Juan 1:13

Ãchi Tachi Ak'õre warrarã padaé pasima ãchi naepa t'õnanepa wa tachia k'ɨ̃ria p'anananepa. Mãɨpari Tachi Ak'õrepuru ichi warrarã papisima.

Juan 6:63

Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

1 Juan 5:18

Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.

Mateo 24:35

Pajã mãɨnepa nãɨ ĩjũa jõipɨ, maamina mɨ pedea jõiwẽma.

1 Juan 3:9

Chi Tachi Ak'õrenepa t'õnapa nemietá oo bak'ama, Tachi Ak'õre chok'ae bɨ ichide bapari pẽra. Tachi Ak'õrenepa t'õna pẽra nemietá p'ue oo bak'ama.

1 Pedro 1:25

Maamina Tachi Chipari pedea jõk'ama». Mãɨ jõk'apɨ́ pedea pia Cristodepemapɨ. Mãɨt'a tachi ũpẽarãpa mãrá jarasidama.

Juan 1:3

Ichidepa Tachi Ak'õrepa ne ãarea oosima. Ichiwẽa, Tachi Ak'õrepa mi ãpia pida ne ooé pasima.

Romano 1:23

Tachi Ak'õre piuk'apɨ́ pia bɨt'a itu bɨsidama. Maapae ẽpẽra piupari jĩra sãdo oodak'ari mãɨa pia pedea p'aneesidama. Ichiaba sãdo wawaria ook'oasidama: ĩpanarã, ãnimara bɨɨrɨ k'ĩmari berã mãɨnepa ãnimara ĩjũane urrujupataɨrã, mãɨrã́ pia pedeadai k'orea.

Luca 8:11

Mɨa nepɨrɨda nãɨya jara k'ɨ̃ria bɨma: chi net'a tau Tachi Ak'õre pedeapɨ.