1 Pedro 1:22 - Tachi Ak'õre Pedea

²² Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 1:22 Referans Kwoze

1 Timoteo 1:5

Mɨa mãɨya jara bɨma ũpẽarãpa k'ɨ̃risia piadepa, sõpiadepa, piarã Tachi Ak'õrene ĩjãa p'anɨnepa chi k'ɨ̃ria tuananamẽrá.

Hebreo 13:1

Mãra ũpẽarã pẽra ara chi k'ɨ̃ria p'anat'ɨ.

1 Juan 4:12

Abaɨ pida Tachi Ak'õre taupa ununak'ama. Maamina tachi chi k'ɨ̃ria p'anɨpɨra, Tachi Ak'õre tachi ome bɨma mãɨnepa ichi k'ɨ̃rianepa tachia piarã jõmãɨrã k'ɨ̃ria p'anɨma.

1 Juan 4:7

Ũpẽarã, tachi chi k'ɨ̃ria p'ananai p'anɨma, Tachi Ak'õrepa tachiá tachi ũpẽarã piarã k'ɨ̃riapipari pẽra. Jõma chi k'ɨ̃ria uru be Tachi Ak'õrenepa t'õnaanarãpɨ mãɨnepa Tachi Ak'õre k'awa p'anɨma.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

Santiago 4:8

Tachi Ak'õre k'ait'a chet'ɨ, mãɨyara ichi mãra k'ait'a cheipɨ. Mãra chi nemietá oopataɨrã, ¡machi jua sɨɨuta jĩra waa nemietá oorãt'ɨ! Mãra chi k'ɨ̃risia ume uru be, ¡k'ɨ̃risia mietá itu bɨdak'ari aba Tachi Ak'õret'u k'ɨ̃risiat'ɨ!

1 Juan 3:23

Mãɨ oopi bɨ pedea nãɨpɨ: ichi Warra Jesucristode ĩjãanait'a mãɨnepa chi k'ɨ̃ria p'ananait'a ichia tachiá jarada jĩra.

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

1 Juan 4:20

Abaɨpa Tachi Ak'õre k'ɨ̃ria bɨade a bɨpɨra, mãɨne ichi ũpẽa unuemaa bɨpɨra, ichia sea jara bɨma. Ichi ũpẽa unu bɨt'a k'ɨ̃riawẽa bɨpɨra, ¿sãmaasã́ Tachi Ak'õre unuwẽa bɨt'a k'ɨ̃ria baima?

1 Pedro 2:17

Jõmãɨrã wap'eat'ɨ. Ũpẽarã minachia k'ɨ̃riat'ɨ. Tachi Ak'õre wap'eat'ɨ. Nãɨ ĩjũanepema chi minachia k'awa bɨ wap'eat'ɨ.

Hecho 15:9

Tachi Ak'õrepa tachi ãchi ome k'ĩra awara ooé pasima. Ãchia ĩjãasidaɨde ãchi sõ sɨɨsima.

1 Juan 3:11

Chi mãrapa ĩjãasidaedapema ũri p'anɨ pedea nãɨpɨ: tachi chi k'ɨ̃ria p'ananai p'anɨma.

2 Pedro 1:7

Tachi Ak'õrepa k'ɨ̃ria bɨ jĩra p'anɨne ũpẽarã k'ɨ̃rianai k'orea jɨrɨt'ɨ; ũpẽarã k'ɨ̃ria p'anɨne jõmãɨrã k'ɨ̃rianai k'orea jɨrɨt'ɨ.

P'ilipense 1:9

Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

Ep'esio 4:3

Tachi Ak'õre Jaorepa mãra ne k'ɨ̃risiawẽa p'anapi bɨdepa nejõma oot'ɨ piarã ará p'ananamẽrá.

Gálata 5:5

Maamina tachia Cristode ĩjãa p'anɨ pẽra Tachi Ak'õre Jaoredepa piarã k'awa p'anɨma Tachi Ak'õrepa tachi chi jĩp'a berã paara bɨit'a.

Apocalipsi 2:4

Maamina mɨa mãra k'orea ne ãpia jarai bɨma: mãra naena chi k'ɨ̃ria p'anapatat'a mãɨ waa idi chi k'ɨ̃ria p'anɨwẽma.

1 Pedro 4:17

Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.

Hebreo 11:8

Tachi Ak'õrepa Abrahaná jarasima ichia teai jaradamá wãmẽrá. Abrahanpa Tachi Ak'õrene ĩjãana pẽra, sãmá wãit'a atua bɨmina ichi tua ameek'ari wãsima.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

2 Corintio 6:6

Tai jĩp'a nipadadepa, piarã k'ɨ̃risia k'awaadepa, jõma choa p'anɨnepa, sõpiadepa, Tachi Ak'õre Jaore tai sõne bɨdepa, piarã k'ɨ̃rianepa, chi piarã pedea jaratea p'anɨnepa, mãɨnepa Tachi Ak'õre jua chaareadepa mãɨya unupi p'anɨma. Tai jĩp'a p'anɨnepa nemietá p'uepatama mãɨnepa ara mãɨ jĩp'a p'anɨnepa taipa chi nemietá itu p'uepidakama.

Juan 15:17

Mãicha mɨa mãrá jararuma: abarik'a chi k'ɨ̃riat'ɨ.

1 Pedro 3:1

Mãra wẽra k'ima pará berã, mãra k'ima pedea ũrit'ɨ. Mãɨya chi eda wẽerã k'imanepemarãpa Tachi Ak'õre pedea ĩjãanawẽa p'anɨmina mãra jĩp'a be mãɨnepa Tachi Ak'õre wap'ea be ununak'ari ĩjãanaipɨ. Mãrapa ãchiá ĩjãanamẽrá jaradawẽmina, pia oo p'anɨ k'orea ĩjãapidaipɨ.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

2 Timoteo 1:14

Tachi Ak'õre Jaore tachi sõne baparima. Mãɨneepuru, chi pedea piarã Tachi Ak'õrepa pɨá teada minachia ak'ɨ base.

1 Timoteo 5:2

Chõtãarã́ pedease pɨ nae ome pedeapari jĩra. Ãwẽrarã́ k'ɨ̃risia piadepa pedease pɨ ũpẽawẽra ome pedeapari jĩra.

1 Timoteo 4:12

Pɨ k'ũtã́ bɨmina abaɨa itu k'aepe bɨ jĩra k'ɨ̃risiapirãse. Mãɨpari pɨa pedearudepa, ne oo bɨdepa, awaraɨrã piarã k'ɨ̃ria bɨdepa, k'ĩra jĩp'a bɨdepa mãɨnepa Cristode ĩjãa bɨdepa ũpẽarã́ unupise sãmaasã́ p'ananai p'anɨt'a.

1 Timoteo 1:3

Mɨa pɨá chichupuria idida jĩra Macedonia tuadea wãside, aba mãicha jararuma: Ep'esode beese, chi ne awara jarateapataɨrã́ waa jarateapidaemaapa.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.

Gálata 5:7

Mãrapa piarã chi pedea pia ĩjãa p'anasidama. ¿K'aipa mãra oosima mãɨ pedea itu bɨdamẽrá?

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

Romano 2:8

Maamina chi eda waapẽarãpa waapẽarã k'aepẽra pia p'ananai k'orea jɨrɨpatama. Mãɨpuru chi piarãpẽa pedea ĩjãanai k'ɨ̃rianak'ama mãɨnepa nemietaade p'anapatama. Mãɨ ẽpẽrarã Tachi Ak'õrepa ichi k'ĩruupidepa minachia ɨtɨaipɨ.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Juan 17:17

Pɨ pedeapa pɨ piarã k'awapi bɨma. Mãɨpa ãchi aba pɨ pae pia bɨse.

Juan 15:3

Mɨ pedea ĩjãa p'anɨ pẽra mãra pak'uru jua jĩrak'aua t'ɨat'uda jĩra pia p'anɨrãpɨ.

Hecho 6:7

Mãɨne ũpẽarãpa Tachi Ak'õre pedea minachia pedeapachidama. Mãɨya chi Jesude ĩjãapataɨrã Jerusalene atepe waripodosidama. Mãɨ awara minachia p'aarerã pida ĩjãasidama.

Juan 17:19

Ãchi k'orea ara mɨ pɨ pae awara beeruma, ãchi sida pɨ pae awara p'ananamẽrá pɨ piarãt'a k'awa p'anɨnepa.

Santiago 1:21

Mãɨpuru nejõma nemietá mãɨnepa nejõma jĩp'awẽa bɨ itu bɨt'ɨ. Maapae Tachi Ak'õrepa ichi pedea mãra sõne bɨda k'ɨ̃risia piadepa ĩjãat'ɨ. Ara mãɨ pedeapa mãra Tachi Ak'õrepa ɨtɨai pada p'ue k'aripaipɨ.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

1 Pedro 3:20

Mãɨrã jaorepa Noé ewaride Tachi Ak'õre pedea ĩjãanaé pasima. Mãɨne Noepa p'ãp'orro nepalá oo bɨmisa Tachi Ak'õrepa jõma choa bɨdepa nɨ basima ãchia ĩjãanamẽrá. Maamina ẽpẽra chok'araawẽa to minachia cheside k'aripasima. Pia jaradaipɨra, ocho k'aripasima.