1 Pedro 1:21 - Tachi Ak'õre Pedea

²¹ Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Pedro 1:21 Referans Kwoze

Hecho 2:24

Jesú minachia mĩak'ari piusima. Maamina Tachi Ak'õrepa ichi chok'ae p'irabaripida pẽra chi piudapa ichi p'ue uru baiwẽa basima.

Hebreo 2:9

Maamina Jesú k'orea k'awa p'anɨma. Tachi Ak'õrepa ichit'u nãɨ ĩjũane k'aepe bɨsima chi ɨt'aripa peedaɨrã k'aepẽra. Tachi Ak'õrepa ichi sõpiadepa mãɨya oosima Jesú jõmãɨrã k'orea piumẽrá. Minachia mĩak'ari piuda pẽra Tachi Ak'õrepa ichi pia bɨsima mãɨnepa chi atepe bɨsima.

Juan 12:44

Maapae Jesupa jĩk'ua jarasima: «Chi mɨne ĩjãa bɨpa mɨ Peedade pida ĩjãa bɨma.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Ep'esio 1:15

Mãɨpuru mãrapa Tachi Chipari Jesude ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a mɨa k'awasiedapema,

1 Timoteo 1:1

Mɨ Pablopɨ, Jesucristopa peedapɨ. Tachi Ak'õre tachi K'aripaparipa mãɨnepa Tachi Chipari Jesucristopa mɨ nãɨya bɨsidama. Tachia Jesucristode ĩjãapatama mãɨnepa ichi k'orea pia p'ananait'a k'awapatama.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Romano 10:9

pɨ it'aedepa Jesú jõmãɨrã Chipariade aipɨra, mãɨnepa Tachi Ak'õrepa ichi chok'ae p'irabaripisit'a pɨ sõnepa ĩjãaipɨra, Tachi Ak'õrepa k'aripaipɨ.

Romano 4:24

Mãɨpari tachi k'orea pida pedea bɨma, tachia ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra. Tachi Ak'õrepa Tachi Chipari Jesú piu bada chok'ae p'irabaripisima. Ara mãɨne tachia ĩjãa p'anɨma.

Hecho 4:10

Mãɨya bɨpɨra, taipa ãarea ará p'anoonaipɨ mãrapa mãɨnepa ãarea israel ĩjũanepemarãpa mãɨ ãarea k'awadamẽrá. Nãɨ ẽpẽra ara mãra k'ĩrari bɨt'a Jesucristo Nazaredepema jua chaareadepa jɨpa beesima. Mãɨ Jesucristo mãrapa k'urusude barijira bɨk'ari peasidama, maamina Tachi Ak'õrepa ichi chok'ae p'irabaripisima.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.

Juan 17:1

Jesupa mãɨya jarak'ari pajãnea ak'ɨk'ari jarasima: «Ak'õre, mɨ ewari ará pasima. Pɨ Warra chi choma bɨt'a unupise pɨ Warrapa pɨ piarã chi choma bɨt'a unupimẽrá.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 14:1

»K'ĩra piawẽa p'anarãt'ɨ. Tachi Ak'õrepa oorude mãɨnepa chi mɨa oorude ĩjãat'ɨ.

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Hebreo 6:1

Mãɨpuru naa wãtɨma Cristo k'orea pia k'awadayá. Tachia chi ichi k'orea naa k'awadaadat'a mãicha waa minachia jarateadaiwẽma, mãɨpari nãɨ k'orea jarateadai p'anɨma: nemietá oo p'anɨ k'orea piudai p'anɨt'a, nemietá itu bɨdak'ari Tachi Ak'õremá chedai p'anɨt'a, Tachi Ak'õrene ĩjãanai k'orea,

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

2 Corintio 6:15

¿Cristo sãmaasã́ tiore ome pia baima? ¿Cristode ĩjãa bɨ sãmaasã́ Cristode ĩjãak'apɨ́ ome pia nipaima?

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma