1 Juan 4:7 - Tachi Ak'õre Pedea

⁷ Ũpẽarã, tachi chi k'ɨ̃ria p'ananai p'anɨma, Tachi Ak'õrepa tachiá tachi ũpẽarã piarã k'ɨ̃riapipari pẽra. Jõma chi k'ɨ̃ria uru be Tachi Ak'õrenepa t'õnaanarãpɨ mãɨnepa Tachi Ak'õre k'awa p'anɨma.

1 Juan 4:7 Referans Kwoze

1 Juan 4:20

Abaɨpa Tachi Ak'õre k'ɨ̃ria bɨade a bɨpɨra, mãɨne ichi ũpẽa unuemaa bɨpɨra, ichia sea jara bɨma. Ichi ũpẽa unu bɨt'a k'ɨ̃riawẽa bɨpɨra, ¿sãmaasã́ Tachi Ak'õre unuwẽa bɨt'a k'ɨ̃ria baima?

1 Juan 4:8

Tachi Ak'õrepa ne ãareaɨne k'ɨ̃ria bɨ pẽra mãɨ chi abaɨ k'ɨ̃riawẽa bɨpa Tachi Ak'õre atua bɨma.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Juan 2:10

Chi ichi ũpẽa k'ɨ̃ria bɨt'a ɨnaane bɨma mãɨnepa nemietaade baepik'ama.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

2 Timoteo 1:7

Tachi Ak'õrepa tachi sõne ne wap'ea p'anapié pasima, mãɨpari tachiá jua chaarea p'anapik'ari, waapẽarã k'ɨ̃ria uru p'anapik'ari tachi k'ak'ua jĩp'a ak'ɨ uru p'ananayá k'awapisima.

1 Juan 4:12

Abaɨ pida Tachi Ak'õre taupa ununak'ama. Maamina tachi chi k'ɨ̃ria p'anɨpɨra, Tachi Ak'õre tachi ome bɨma mãɨnepa ichi k'ɨ̃rianepa tachia piarã jõmãɨrã k'ɨ̃ria p'anɨma.

1 Juan 2:29

Mãrapa k'awa p'anɨma Jesucristo jĩp'a bɨt'a. Mãɨnepa k'awa p'anɨma jõma jĩp'a oo be Tachi Ak'õrenepa t'õnaanarãt'a.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Gálata 4:9

Maamina idiapae mãrapa Tachi Ak'õre k'awa p'anɨma. Jĩp'a jaraideepara, Tachi Ak'õrepa mãra k'awa bɨma. Mãɨya ¿k'ãre k'orea chi nãɨ ĩjũanepema jaore chaarearãne mãicha ĩjãa k'ɨ̃ria p'anɨma, chi chipari pae pari mimiapataɨrã jĩra? Mãɨpa k'aripak'ama.

Juan 13:34

»Mɨa oopi bɨ pedea chiwidi mãrá jararuma: minachia chi k'ɨ̃ria p'anat'ɨ. Mɨa mãra minachia k'ɨ̃ria bɨ jĩra mãra sida abarik'a chi k'ɨ̃riat'ɨ.

1 Corintio 8:3

Maamina abaɨpa Tachi Ak'õre k'ɨ̃ria bɨpɨra, Tachi Ak'õrepa ichi k'awa bɨma.

1 Juan 2:3

Tachi Ak'õrepa oopi bɨ pedeat'a tachia oo p'anɨpɨra, unupidai p'anɨma ichi piarã k'awa p'anɨt'a.

1 Juan 2:4

Abaɨpa jaraipɨra: «Mɨa ichi k'awa bɨma», mãɨne ichia oopi bɨt'a oowẽa bɨpɨra, mãɨpa sea jara bɨma. Chi piarãpẽa pedea atua bɨma.

1 Juan 2:7

Ũpẽarã, mɨa mãra pae bɨwẽa bɨma, chi Tachi Ak'õrepa oopi bɨ pedea chiwidit'a, mãɨpari bɨ bɨma ichia naena jara bɨeda. Mãɨ jara bɨeda mãrapa Cristode ĩjãasidaedapema k'awa p'anɨma. Mãɨ naena jara bɨeda chi mãrapa ichi k'orea ũrinaanapɨ.

1 Juan 3:9

Chi Tachi Ak'õrenepa t'õnapa nemietá oo bak'ama, Tachi Ak'õre chok'ae bɨ ichide bapari pẽra. Tachi Ak'õrenepa t'õna pẽra nemietá p'ue oo bak'ama.

1 Juan 4:11

Ũpẽarã, Tachi Ak'õrepa tachi mãɨya k'ɨ̃riana pẽra tachi sida chi k'ɨ̃ria p'ananai p'anɨma.

1 Juan 4:16

Tachia k'awa p'anɨma mãɨnepa ĩjãa p'anɨma Tachi Ak'õrepa tachi k'ɨ̃ria bɨt'a. Tachi Ak'õrepa ne ãareaɨne k'ɨ̃ria bɨma. Chi piarã k'ɨ̃ria uru bɨ Tachi Ak'õre ome bɨma mãɨnepa Tachi Ak'õre ichi ome bɨma.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.

2 Juan 1:5

Ũpẽawẽra, mɨa chichupuria idiruma tachi chi k'ɨ̃rianamẽrá. Mãɨ Tachi Ak'õrepa oopi bɨ pedea chiwidiwẽma, mãɨpari mãɨ tachia naenaena ũri p'anasima.