1 Juan 4:6 - Tachi Ak'õre Pedea

⁶ Maamina tachi Tachi Ak'õrenepɨ. Chi Tachi Ak'õre k'awa bɨpa tachia jaratea p'anɨt'a ĩjãaparima. Chi Tachi Ak'õre atua bɨpa tachia jaratea p'anɨt'a ĩjãak'ama. Mãɨnepa tachia k'awa p'anɨma k'aipa Tachi Ak'õre Jaoredepa piarã pedea jaratea bɨt'a mãɨnepa k'aipa awaraɨ jaoredepa sea jaratea bɨt'a.

1 Juan 4:6 Referans Kwoze

Juan 14:17

Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.

Juan 10:27

Mɨ ovejarãpa mɨ pedea k'awa p'anɨma. Mɨa ãchi k'awa bɨma. Mãɨpuru ãchi mɨ k'aade wãpatama.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

1 Juan 4:1

Ũpẽarã, Tachi Ak'õre Jaoredepa pedea p'anɨane apataɨrã jõma ĩjãarãt'ɨ, mãɨpari jĩrak'aua ak'ɨt'ɨ ãchia piarã Tachi Ak'õre Jaoredepa wa waapẽarãnepa pedea p'anɨ k'awadai k'orea. Mãɨya oot'ɨ chi seapataɨrã nãɨ ĩjũane minachia p'anɨ pẽra.

1 Juan 4:4

Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

Juan 18:37

Mãɨpuru Pilatopa jarasima: —¿Mãɨya bɨpɨra piarã pɨ poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara k'ɨ̃ria bɨpɨra, mɨ ẽpẽerã ãchi poro jũra jɨ̃parí jɨ̃ bɨpɨ. Maamina mɨ nãɨ ĩjũanea chesima chi piarãpẽa pedea jarateai k'orea. Jõma chi piarãpẽa k'ɨ̃ria p'anɨpa mɨ pedea ĩjãapatama.

1 Corintio 14:37

Abaɨpa Tachi Ak'õre pari pedeaparí k'ɨ̃risia bɨpɨra, wa Tachi Ak'õre Jaoredepa ne oo bɨ k'ɨ̃risia bɨpɨra, mãɨ ẽpẽrapa k'awai bɨma mɨa nãɨ k'art'ade bɨrude Tachi Chiparipa oopi bɨt'a.

Juan 16:13

Maamina Tachi Ak'õre Jaorepa piarã pedea k'awapipari pẽra ichi cherude mãrá jarateaipɨ chi piarã pedea Tachi Ak'õrenepa che bɨt'a jõma k'awadamẽrá. Ichi ara ichi k'ɨ̃risiadepa pedeawẽma, mãɨpari ãarea mɨnepa ũri bɨt'a jaraipɨ. Ichia mãrá k'awapiipɨ mãɨ sãait'a.

1 Juan 4:8

Tachi Ak'õrepa ne ãareaɨne k'ɨ̃ria bɨ pẽra mãɨ chi abaɨ k'ɨ̃riawẽa bɨpa Tachi Ak'õre atua bɨma.

1 Timoteo 4:1

Tachi Ak'õre Jaorepa arí jara bɨma nãɨ k'aadeapema ewaride waapẽarãpa Cristode ĩjãa p'anana itu bɨdak'ari jaore mietá seapataɨrã, mãɨnepa ãchia jarateapataɨ ĩjãanaipɨ.

Juan 13:20

Mɨa piarã jararuma: chi mɨa peedá pia pedea bɨpa mɨá pia pedea bɨma. Ichiaba chi mɨá pia pedea bɨpa chi mɨ Peedá pia pedea bɨma».

Juan 8:19

Mãɨne ãchia Jesua idisidama: —Mãɨya bɨpɨra pɨ ak'õre ¿sãma bɨma? Jesupa p'anoosima: —Mãrapa mɨ atua p'anɨma mãɨnepa mɨ Ak'õre atua p'anɨma. Mãrapa mɨ piarã k'awautapara, mɨ Ak'õre sida k'awadai pasima.

Luca 10:22

»Mɨ Ak'õrepa mɨá ara ichidepema ne ãarea k'awapisima. Abaɨ pida atua p'anɨma mɨ, chi Warra sãmaasã́ bɨ; aba mɨ Ak'õrepuru mãɨ k'awa bɨma. Ara mãɨ jĩra abaɨ pida atua p'anɨma mɨ Ak'õre sãmaasã́ bɨ; abapuru mɨ, chi Warrapuru mãɨ k'awa bɨma. Mɨa abaɨa mɨ Ak'õre k'awapisira, mãɨ ẽpẽra pida k'awaipɨ».

Juda 1:17

Maamina ũpẽarã, chi Tachi Chipari Jesucristopa peedaɨrãpa naena jaradada k'ɨ̃risiat'ɨ.

2 Pedro 3:2

Mɨa k'ɨ̃ria bɨma Tachi Ak'õre pari pedeapataɨrãpa naena jaradaadade mãrapa k'ɨ̃risiadamẽrá. Mãɨnepa k'ɨ̃ria bɨma Jesucristo Tachi Chipari mãɨnepa Tachi K'aripaparipa jarateadade k'ɨ̃risiadamẽrá. Mãɨ ichia peedaɨrãpa mãrá jarateasidama.

2 Corintio 10:7

Mãrapa chi ɨ̃rɨpema ak'ɨ p'anɨma. Abaɨpa piarã Cristodé k'ɨ̃risia bɨpɨra, k'awa bai bɨma tai sida Cristoderã.

Romano 11:8

Tachi Ak'õre pedeade nãɨya bɨ bɨma: «Tachi Ak'õrepa ãchi k'ãi p'anɨ jĩra bɨsima p'ue k'awapidaemaapa, ãchi taupa ununa p'ue k'awapidaemaapa, mãɨnepa ãchi k'ɨɨrɨpa ũrina p'ue k'awapidaemaapa. Wapida ara mãɨya p'anɨma».

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Juan 8:23

Mãɨne Jesupa jarasima: —Mãra nãɨ ĩjũanepemarãpɨ, maamina mɨ pajãnepemapɨ. Mɨ nãɨ ĩjũanepemawẽma.

Juan 10:3

Mãɨ pae k'ãipataɨ ak'ɨparipa chi eda wãpataɨ ewaparima. Ovejapa ãchi ak'ɨparí pedea k'awa p'anɨma. Ãchicha t'ɨ̃k'oak'ari tajatá ateewãparima.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.