1 Juan 3:23 - Tachi Ak'õre Pedea

²³ Mãɨ oopi bɨ pedea nãɨpɨ: ichi Warra Jesucristode ĩjãanait'a mãɨnepa chi k'ɨ̃ria p'ananait'a ichia tachiá jarada jĩra.

1 Juan 3:23 Referans Kwoze

Juan 13:34

»Mɨa oopi bɨ pedea chiwidi mãrá jararuma: minachia chi k'ɨ̃ria p'anat'ɨ. Mɨa mãra minachia k'ɨ̃ria bɨ jĩra mãra sida abarik'a chi k'ɨ̃riat'ɨ.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Juan 15:12

Mɨa oopi bɨ pedea nãɨpɨ: mãra chi k'ɨ̃ria p'anat'ɨ mɨa mãra k'ɨ̃ria bɨ jĩra.

Juan 6:29

Jesupa p'anoosima: —Tachi Ak'õrepa oopi bɨ nãɨpɨ: chi ichia Peedade ĩjãanai p'anɨma.

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.

1 Juan 3:11

Chi mãrapa ĩjãasidaedapema ũri p'anɨ pedea nãɨpɨ: tachi chi k'ɨ̃ria p'ananai p'anɨma.

1 Juan 4:21

Jesucristopa chi tachi pae oopi bɨ pedea nãɨpɨ: Tachi Ak'õre k'ɨ̃ria bɨpa ichi ũpẽa k'ɨ̃ria bai bɨma.

1 Tesalonicense 4:9

Mãɨ awara mãra sãmaasã́ ũpẽarã ome chi k'ɨ̃ria p'ananai p'anɨ k'orea, mɨa nãɨ k'art'ade ¿k'ãre bɨima? Ara Tachi Ak'õrepa mãrá mãɨ jarateasima.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

Marco 9:7

Mãɨya bɨde jɨ̃arapa ãchi ãarea t'ausima. Mãɨ jɨ̃aranepa nãɨ pedea jĩk'ua ũrisidama: «Nãɨ mɨ Warrapɨ. Ichi mɨa minachia k'ɨ̃ria bɨma. Ichia jara bɨt'a ũrit'ɨ».

Mateo 22:39

Mãɨnepa ara mãɨ ɨ̃aripema nãɨ jĩra bɨma. Nãɨya jara bɨma: “Abaɨ k'ɨ̃riase ara pɨchi k'ɨ̃ria bɨ jĩra”.

Hecho 16:31

Ãchia p'anoosidama: —Pɨa mãɨnepa pɨ ẽpẽerãpa Tachi Chipari Jesucristode ĩjãanaipɨra, ichia mãra k'aripaipɨ.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 14:1

»K'ĩra piawẽa p'anarãt'ɨ. Tachi Ak'õrepa oorude mãɨnepa chi mɨa oorude ĩjãat'ɨ.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

Juan 1:12

Maamina chi ichi jitadaadarãpa ichide ĩjãasidama. Mãɨpuru ichia ãchi bɨsima Tachi Ak'õre warrarã p'ananamẽrá.

Juan 2:23

Judiorã Egitodepa wãnana k'ɨ̃risiapataɨ ewaride Jesú Jerusalene basima. Mãɨne minachia ẽpẽerãpa ne p'ue oodak'apɨ́ ichia ooside chok'araɨrãpa ichide ĩjãasidama.

Juan 3:18

Tachi Ak'õrepa chi ichi Warrade ĩjãa bɨt'a nepɨra pará bɨade a bɨwẽma. Maamina chi ichi Warrade ĩjãawẽa bɨt'a Tachi Ak'õrepa mãɨ nepɨra pará bɨade aparima, ichi Warra aba bɨt'a itu bɨda pẽra.

1 Juan 2:7

Ũpẽarã, mɨa mãra pae bɨwẽa bɨma, chi Tachi Ak'õrepa oopi bɨ pedea chiwidit'a, mãɨpari bɨ bɨma ichia naena jara bɨeda. Mãɨ jara bɨeda mãrapa Cristode ĩjãasidaedapema k'awa p'anɨma. Mãɨ naena jara bɨeda chi mãrapa ichi k'orea ũrinaanapɨ.

1 Juan 4:15

Abaɨpa Jesú piarã Tachi Ak'õre Warraade aipɨra, Tachi Ak'õre ichi ome bɨma mãɨnepa ichi Tachi Ak'õre ome bɨma.

1 Juan 5:13

Mɨa nãɨ k'art'a mãra chi Tachi Ak'õre Warrade ĩjãa be pae bɨruma k'awadamẽrá ewaricha Tachi Ak'õre ome chok'ae p'ananait'a.