1 Juan 3:19 - Tachi Ak'õre Pedea

^19-20 Mãɨnepa k'awa p'anɨma tachi piarã Tachi Ak'õrenet'a. Mãɨnepa ara tachi sõne nemietá oo p'anɨane a k'ɨ̃risiadaipɨra, Tachi Ak'õre k'ĩrari p'ue ne k'ɨ̃risiawẽa p'ananaipɨ. Tachi Ak'õrepa tachi k'orea pia k'awa bɨma chi tachi sõne k'ɨ̃risia p'anɨ k'aepẽra. Ichia jõma k'awa bɨma.

1 Juan 3:19 Referans Kwoze

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

1 Juan 3:21

Ũpẽarã, tachi sõne nepɨra newẽa p'anɨ jĩra a k'ɨ̃risiadaipɨra, ne wap'eadawẽa Tachi Ak'õrea p'ue ɨt'aa chiididaipɨ.

Juan 18:37

Mãɨpuru Pilatopa jarasima: —¿Mãɨya bɨpɨra piarã pɨ poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara k'ɨ̃ria bɨpɨra, mɨ ẽpẽerã ãchi poro jũra jɨ̃parí jɨ̃ bɨpɨ. Maamina mɨ nãɨ ĩjũanea chesima chi piarãpẽa pedea jarateai k'orea. Jõma chi piarãpẽa k'ɨ̃ria p'anɨpa mɨ pedea ĩjãapatama.

1 Juan 1:8

Tachi nemietaawẽa p'anɨane a p'anɨpɨra, ara tachi tuaba sea p'anɨma mãɨnepa chi piarã pedea atua p'anɨma.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

Romano 4:21

K'awa basima Tachi Ak'õrepa ooi jarada piarã jõma p'ue ooit'a.

Juan 13:35

Mãɨya chi k'ɨ̃ria p'ananaipɨra, ãareaɨrãpa k'awadaipɨ mãra mɨ ome p'ɨrrɨapataɨrãt'a».

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.

Hebreo 11:13

Mãɨrã ãarea Tachi Ak'õrene ĩjãa p'anɨ piusidama. Maamina Tachi Ak'õrepa teai jarada ãchia nãɨ ĩjũane jitadaé pasima. Maamina k'awasidama k'aadeapema ewaride ichia ãarea teait'a. Mãɨ k'orea arapaasidama mãɨnepa waapẽarã́ pia pedeasidama nãɨ ĩjũane ãchi tua awaraɨdepemarãt'a mãɨnepa tua awaraɨde p'ɨrrɨa bet'a.

Romano 8:38

Mãɨ k'orea mɨa k'awa bɨma tachi piudaipɨra wa chok'ae p'ananaipɨra, Tachi Ak'õrepa k'ɨ̃ria bɨdepema awara p'ananaiwẽma. Nãɨ ewaride mãɨnepa nũpema ewaride pida awara p'ananaiwẽma. Mãɨnepa Tachi Ak'õrepa ɨt'aripa peedaɨrãpa, jaore mietaarãpa, chi atepe berãpa, chi ɨtɨpemarãpa, chi ek'aripemarãpa, wa mi ãpia pida Tachi Ak'õrepa oodadepema pida tachi ichia k'ɨ̃ria bɨdepema p'ue ãyá bɨdaiwẽma. Ara mãɨ tachi k'ɨ̃ria bɨt'a, Tachi Chipari Jesucristodepa unupisima.

1 Juan 2:21

Mɨa nãɨ k'art'a bɨwẽa bɨma mãrapa chi piarã pedea atua p'anɨ pẽra mãɨpari bɨruma k'awa p'anɨ pẽra. Mãɨnepa k'awa p'anɨma chi seat'a piarãpemawẽma.