1 Juan 2:16 - Tachi Ak'õre Pedea

¹⁶ Nãɨ ĩjũanepema nemietá nãɨpɨ: nãɨ k'ak'uapa nemietá oo k'ɨ̃riapari, tachi taupa unu bɨt'a k'ɨ̃riapari, mãɨnepa tachia uru p'anɨ k'orea wa oo p'anɨ k'orea ara tachi waapẽarã k'aepẽra atepe p'anɨ jĩra k'ɨ̃risiapari. Jõma mãɨ Tachi Pajãnepema Ak'õrenepemawẽma, mãɨpari nãɨ ĩjũa nemietaadepemapɨ.

1 Juan 2:16 Referans Kwoze

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Gálata 5:17

Nãɨ k'ak'uapa nemietá oo k'ɨ̃ria bɨt'a Tachi Ak'õre Jaorepa k'ɨ̃riak'ama. Mãɨnepa Tachi Ak'õre Jaorepa oopi k'ɨ̃ria bɨ nãɨ k'ak'uapa k'ɨ̃riak'ama. Ãchi ará pia p'ananak'a pẽra mãrapa oo k'ɨ̃ria p'anɨ p'ue oodaiwẽma.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Santiago 3:15

Mãra k'ɨ̃risiadepa mãɨya k'ɨ̃risia p'anɨpɨra, mãɨ k'ɨ̃risia Tachi Ak'õrenepa chek'ama, mãɨpari nãɨ ĩjũanepa, ẽpẽranepa, mãɨnepa tioredepa cheparima.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

2 Pedro 2:10

Chi nãɨ k'ak'uapa nemietá oo k'ɨ̃ria bɨ oopataɨrã mãɨnepa chi Tachi Ak'õre ãchi Chipari papidayá k'ɨ̃rianak'aɨrã atepe ɨtɨaipɨ. Sea jarateapataɨrã nemietá oodai k'orea p'eradak'ama. Minachia k'awa be jĩra p'anapatama. Jaore chi minachia berã k'orea, k'achia pedeadai k'orea wap'eadak'ama.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Mateo 5:28

Maamina mɨa mãrá jararuma: abaɨpa wẽra ak'ɨk'ari k'ɨ̃riasira abaeda mãɨ wẽra ome ichi sõnepa nemietá oosima.

Luca 4:5

Mãɨya bak'ari tiorepa Jesú eya ɨt'ɨ bɨdea ateesima. Mãmãɨpa nãɨ ĩjũane be p'uuru ãarea ak'ɨpisima.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Mateo 4:8

Mãɨya bak'ari tiorepa Jesú eya ɨt'ɨ bɨdea ateewãsima. Mãmãɨpa Jesua jõma nãɨ ĩjũane be p'uuru mãɨnepa p'uurucha ne auk'ará k'ede ak'ɨpisima.

1 Corintio 10:6

Mãɨ ewaride mãɨyanapa tachiá k'awapi bɨma nemietá k'ɨ̃rianaiwẽa p'anɨ, ãchia k'ɨ̃rianana jĩra.

Santiago 4:16

Maamina mãrapa mãɨya oodak'ama. Mãɨpari chi atepe p'anɨrã k'ɨ̃risia p'anɨ pẽra jarapatama machia oo k'ɨ̃ria p'anɨt'a p'ue oodait'a. Piarã mãɨ k'achiapɨ.