1 Juan 2:14 - Tachi Ak'õre Pedea

¹⁴ Ak'õrerã, mɨa nãɨ k'art'a mãrá bɨruma chi naenaena bada wapida bɨt'a mãɨ mãrapa k'awa p'anɨ pẽra. K'ũtãarã, mɨa nãɨ k'art'a mãrá bɨruma minachia ĩjãa p'anɨ pẽra, Tachi Ak'õre pedea mãra sõne bɨ pẽra, mãɨnepa tiore p'uedada pẽra.

1 Juan 2:14 Referans Kwoze

1 Juan 2:13

Chõarã, mɨa nãɨ k'art'a mãrá bɨruma chi naenaena bada wapida bɨt'a mãɨ mãrapa k'awa p'anɨ pẽra. K'ũtãarã, mɨa nãɨ k'art'a mãrá bɨruma tiore p'uedada pẽra. Warrarã, mɨa nãɨ k'art'a mãrá bɨruma Tachi Pajãnepema Ak'õre k'awasida pẽra.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Ep'esio 6:10

Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ.

Juan 8:31

Maapae Jesupa judiorã ichide ĩjãautarã́ jarasima: —Mãrapa mɨ pedea ĩjãa p'ananaipɨra, piarã mɨ ome p'ɨrrɨapataɨrã p'ananaipɨ.

Juan 5:38

Mãɨnepa ichi pedea mãra sõne newẽma, mɨ, chi ichia Peedade ĩjãanak'a pẽra.

Apocalipsi 2:7

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa pak'uru chok'ae bapiparidepema nejõ itu jõpiipɨ. Mãɨ pak'uru bɨɨrɨ Tachi Ak'õre ĩjũa auk'ará bɨde bɨma.

3 Juan 1:3

Mɨ minachia arapaasima, waapẽarã ũpẽarã mɨmá chedaadapa nepɨrɨsida pẽra pɨa chi piarã pedea ĩjãa bɨt'a.

2 Juan 1:2

Mãɨya k'ɨ̃ria p'anɨma, chi piarã pedea tachi sõne bɨ pẽra. Mãɨnepa tachi sõne ewaricha baipɨ.

Hebreo 8:10

Mãɨnepa Tachi Chiparipa nãɨya jara bɨma: K'aadeapema ewaride mɨa nãɨ pedea chiwidi auipɨ israel ĩjũanepemarã ome: Mɨa Moisepa bɨda ãchi k'ɨ̃risiade mãɨnepa ãchi sõne bɨipɨ. Mɨ ãchi Tachi Ak'õre paipɨ, mãɨnepa ãchi mɨ p'uuru padaipɨ.

Colosense 1:11

Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ.

2 Timoteo 2:1

Warra, Jesucristo sõpiadepa chaarea base.

P'ilipense 4:13

Cristodepa jõma p'ue ooipɨ ichia mɨ chaareapii bɨ pẽra.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.

1 Juan 1:10

Tachia nemietá oodak'aade adaipɨra, Tachi Ak'õre chi sea bɨade a p'anɨma mãɨnepa ichi pedea ĩjãanawẽa p'anɨma.

Juan 8:37

Mɨa k'awa bɨma mãra Abrahanepa ununaanat'a, maamina mɨ pea k'ɨ̃ria p'anɨma mɨ pedea ĩjãanawẽa p'anɨ pẽra.

1 Juan 1:1

Jua chiwidieda chi Chok'ae Bapiparí Pedea apataɨ basima mãɨnepa wapida bɨma. Ichia jarateada taipa ũrisidama. Ichi tai taupa unusidama mãɨnepa juapa t'õmarisidama. Ichia ooda pia ak'ɨsidama. Ichi k'orea taipa nãɨ k'art'ade bɨutama.