1 Juan 1:8 - Tachi Ak'õre Pedea

⁸ Tachi nemietaawẽa p'anɨane a p'anɨpɨra, ara tachi tuaba sea p'anɨma mãɨnepa chi piarã pedea atua p'anɨma.

1 Juan 1:8 Referans Kwoze

Romano 3:23

Piarã jõmãɨrãpa nemietá oopata pẽra Tachi Ak'õre pia bɨdepema awara p'anɨma.

Santiago 3:2

Jõma tachia minachia piawẽa oopatama. Abaɨpa pedearude waapẽarã sõp'uapik'apɨra, ne ãareaɨne jĩp'a bɨma mãɨnepa ichi k'ak'ua jõma jĩp'a uru bɨma.

1 Juan 2:4

Abaɨpa jaraipɨra: «Mɨa ichi k'awa bɨma», mãɨne ichia oopi bɨt'a oowẽa bɨpɨra, mãɨpa sea jara bɨma. Chi piarãpẽa pedea atua bɨma.

1 Juan 1:10

Tachia nemietá oodak'aade adaipɨra, Tachi Ak'õre chi sea bɨade a p'anɨma mãɨnepa ichi pedea ĩjãanawẽa p'anɨma.

Gálata 6:3

Chi atepewẽa bɨpa ichi chi minachia k'awa bɨ jĩra k'ɨ̃risia bɨpɨra, ara ichi tuaba sea bɨma.

Santiago 1:26

Abaɨpa Tachi Ak'õrene ĩjãa bɨ k'ɨ̃risia bɨpɨra, maamina ichi k'ĩrame pia ak'ɨwẽpɨra, ara ichi tuaba sea bɨma. Piarã pari ĩjãa bɨma.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

1 Corintio 3:18

Ara machi tuaba searãt'ɨ. Abaɨpa chi nãɨ ĩjũanepema k'ɨ̃risia jĩra ne k'awa bɨ k'ɨ̃risia bɨpɨra, waa mãɨya k'ɨ̃risiaiwẽa bɨma. Mãɨpari chi piarã k'ɨ̃risiat'a uru bai k'orea nãɨ ĩjũanepemarã k'ĩrari ne atua bɨ jĩra bai bɨma.

2 Juan 1:2

Mãɨya k'ɨ̃ria p'anɨma, chi piarã pedea tachi sõne bɨ pẽra. Mãɨnepa tachi sõne ewaricha baipɨ.

1 Juan 1:6

Ichi ome ará pia p'anɨane a p'anɨpɨra, maamina p'ãrione nipadaipɨra, sea p'anɨma. Piarã pedea ĩjãanawẽa p'anɨma.

Santiago 1:22

Tachi Ak'õre pedea oo p'anat'ɨ. Abapuru mãɨ pedea ũripataɨrã p'anarãt'ɨ. Mãɨya p'ananaipɨra, ara mãra tuaba sea p'ananaipɨ.

2 Timoteo 3:13

Mãɨnepa ẽpẽra k'achiarãpa mãɨnepa awara seapataɨrãpa atepe nemietá oo p'ananaipɨ. Waapẽarã sea p'ananaipɨ mãɨnepa waapẽarãpa ãchi seadaipɨ.

3 Juan 1:3

Mɨ minachia arapaasima, waapẽarã ũpẽarã mɨmá chedaadapa nepɨrɨsida pẽra pɨa chi piarã pedea ĩjãa bɨt'a.

2 Pedro 2:13

Tachi Ak'õrepa ãchi minachia ɨtɨaipɨ ara ãchia oodada pari. Ãchi nek'oi awaa p'anapatama mãɨnepa it'ua awaa p'anapatama. Mãɨt'a ãchimá arapaapataɨpɨ. Teamasi, ãst'á pida mãɨya oopatama. Ũpẽarã ome ará nek'o p'anɨne mãɨya oopatama. Mãɨya mãra t'ãena p'aru jayoa mietá jĩra p'anɨma.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Romano 3:10

Mãɨ k'orea Tachi Ak'õre pedeade nãɨya bɨ bɨma: «Ẽpẽra jĩp'a bɨ aba pida newẽma.

1 Juan 4:20

Abaɨpa Tachi Ak'õre k'ɨ̃ria bɨade a bɨpɨra, mãɨne ichi ũpẽa unuemaa bɨpɨra, ichia sea jara bɨma. Ichi ũpẽa unu bɨt'a k'ɨ̃riawẽa bɨpɨra, ¿sãmaasã́ Tachi Ak'õre unuwẽa bɨt'a k'ɨ̃ria baima?