1 Corintio 9:27 - Tachi Ak'õre Pedea

²⁷ Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

1 Corintio 9:27 Referans Kwoze

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

1 Corintio 9:25

P'irapataɨrãpa ãchi k'ak'ua pia ak'ɨpatama chaarea p'ananai k'orea. Mãɨya oopatama waapẽarã k'aepẽra pia p'iradak'ari poro jũra jɨ̃parí jitadai k'orea. Mãɨ poro jũra jɨ̃parí isapea pɨɨparima. Maamina tachia nejõma pia oopatama Tachi Ak'õrepa teai jarada pɨɨk'apɨ́ atadai k'orea.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

1 Corintio 8:13

Mãɨ k'orea mɨa nek'o bɨdepa mɨ ũpẽa k'achiade baepipɨra, waa nek'oiwẽma.

Luca 9:25

Minachia k'ɨ̃risiat'ɨ: ẽpẽra nãɨ ĩjũane ne ãarea uru bɨde piuk'ari t'ɨpɨ uruadea wãipɨra, ¿ichia uru badapa ichi k'aripaik'ãra?

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Pedro 2:15

Tachi Ak'õre o jĩp'a bɨ itu bɨdak'ari o ãyá wãsidama. Beor warra Balaampa ooda jĩra oopatama. Balaam erreara awaa bada pẽra erreara k'orea nemietá ooi k'ɨ̃risiasima.

Hecho 1:25

chi pɨa peedapa ooparit'a oomẽrá. Judapa mãɨ ooi badat'a itu bɨsima, chi ichi wãi bɨmá wãi k'orea.