1 Corintio 9:22 - Tachi Ak'õre Pedea

²² Chi ũpẽarã chi piarãpẽa pedea ãpia k'awa k'ede t'ãena bɨde ãchi jĩra baparima mɨnepa Jesucristo k'orea pia k'awadamẽrá. Mɨ wãrucha ẽpẽrarã t'ãena bɨde ãchi jĩra baparima mɨnepa waapẽarãpa Cristode ĩjãanak'ari mɨa ãchi nemietaadepema k'aripamẽrá.

1 Corintio 9:22 Referans Kwoze

1 Corintio 10:33

Ara mãɨ jĩra mɨa oo bɨdepa jõmãɨrã́ pia k'ɨ̃risiapi k'ɨ̃ria bɨma. Mɨt'a pia bai k'oreapuru jɨrɨk'ama, mãɨpari ẽpẽrarã chok'ará pia p'ananamẽrá jɨrɨparima. Mãɨya mɨa oo bɨdepa ãchia Cristode ĩjãanaipɨ Tachi Ak'õrepa k'aripamẽrá.

1 Corintio 9:19

Mɨ chi waapẽarã pae pari mimiapariwẽ pẽra, chi jõmãɨrã pae pari mimiaparí beesima chok'araɨrãpa mɨnepa Jesucristode ĩjãanamẽrá.

Romano 15:1

Tachia ĩjãa p'anɨ k'orea minachia k'awa berãpa tachia k'ɨ̃ria p'anɨ k'aepẽra, chi pia atua k'ede k'aripadai p'anɨma.

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

Gálata 6:1

Ũpẽarã, mãranepema k'awawẽa nemietaade baesira, mãra chi Tachi Ak'õre Jaoredepa p'ɨrrɨa p'anɨpa, waapẽarã k'aepẽra piipará be jĩra k'ɨ̃risiadak'aɨdepa, mãɨ k'aripadai p'anɨma mãicha jĩp'a nipamẽrá. Maamina jĩrak'aua p'anat'ɨ mãra sida abarik'a nemietaade baedaemaapa.

1 Corintio 8:13

Mãɨ k'orea mɨa nek'o bɨdepa mɨ ũpẽa k'achiade baepipɨra, waa nek'oiwẽma.

1 Corintio 7:16

Ũpẽawẽra, pɨa atua bɨma Tachi Ak'õrepa pɨ k'ima pɨ k'orea nemietaadepema k'aripait'a. Ũpẽa, pɨa pida atua bɨma Tachi Ak'õrepa pɨ k'ima pɨ k'orea nemietaadepema k'aripait'a.

2 Corintio 11:29

Aba k'ɨdade beeipɨra, mɨ sida k'ɨdade bee jĩra baparima. Abaɨpa waapẽarã ũpẽa nepɨrade baepiipɨra, mɨ mãɨ ẽpẽra ome k'ĩruuparima.

Romano 14:1

Ũpẽa abaɨ pida tachia Jesucristode ĩjãa p'anɨ k'orea wapida pia atua bɨpɨra, ichi pia jitat'ɨ. Maamina ichia atua bɨ k'orea ichi ome k'ĩruu pedearãt'ɨ.

Romano 14:2

Mɨa nãɨ jara bɨma: waapẽarã ũpẽarãpa k'awa p'anɨma nejõma k'odai p'anɨ. Maamina chi eda ũpẽarãpa tachia Jesucristode ĩjãa p'anɨ k'orea wapida pia atua p'anɨ pẽra k'ɨ̃risia p'anɨma abapuru ne uu ĩjũanepema k'odai p'anɨ.

Romano 15:2

Mãɨpari waapẽarãpa k'ɨ̃ria p'anɨt'a oodai p'anɨma ãchi pia p'ananamẽrá mãɨnepa pia ĩjãanamẽrá.

1 Corintio 9:23

Mɨa jõma mãɨ jĩra ooparima chi pedea pia Cristo k'orea k'awapii k'orea. Mãɨya mɨa pida Tachi Ak'õrenepa nepia jitaipɨ.