1 Corintio 9:21 - Tachi Ak'õre Pedea

²¹ Mãɨnepa Tachi Ak'õrepa chi Moisepa bɨda atua berã t'ãena bɨde mɨ ãchi jĩra baparima mɨnepa Jesucristode ĩjãanamẽrá. Maamina mɨa Moisepa bɨda itu bɨk'ama. Jõma Cristopa oopi k'ɨ̃ria bɨ jĩra ooparima.

1 Corintio 9:21 Referans Kwoze

Romano 2:12

Chi Moisepa bɨda atua berãpa nemietá oopata pẽra mãɨ Moisepa bɨda atua p'anɨmina Tachi Ak'õrepa ɨtɨaipɨ. Mãɨnepa mãɨ Moisepa bɨda k'awa berãpa nemietá oopata pẽra Tachi Ak'õrepa ara mãɨ Moisepa bɨdadepa ãchi nepɨra ak'ɨipɨ.

Gálata 3:2

Mɨa nãɨ mãrá idiruma: Tachi Ak'õre Jaore jitasidaɨde, ¿mãrapa Moisepa bɨda oo p'anasidak'ãra? Wa ¿chi pedea Jesú k'orea ũrinak'ari ĩjãasidak'ãra?

Romano 2:14

Judiorãwẽpa mãɨ Moisepa bɨda atua p'anɨmina ãchi k'ɨ̃risiadepa mãɨ Moisepa bɨdade jara bɨ jĩra edaɨde oopatama. Mãɨya ooutade, unupipatama ãchia k'awa p'anɨt'a k'ãret'u pia wa k'ãret'u nemietá.

Romano 8:4

Ichia mãɨya oosima tachia p'ue jĩp'a oodamẽrá Moisepa bɨdade jara bɨ jĩra. Naapae tachi jĩp'a nipadaipɨ nãɨ k'ak'uapa oo k'ɨ̃ria bɨdepa nipadawẽ pẽra, mãɨpari Tachi Ak'õre Jaoredepa nipapata pẽra.

Romano 7:25

Aba Tachi Ak'õrepuru Tachi Chipari Jesucristodepa mɨ k'aripaipɨ. Mãɨ k'orea mɨa ichiá pia bɨade aruma. Piarã mɨ k'ɨ̃risiade Moisepa bɨda oo k'ɨ̃ria bɨma, maamina nãɨ k'ak'uade bɨ pẽra nemietá mɨ sõne bɨpa nemietá oopiparima.

Romano 7:22

Piarã mɨa sõnepa Moisepa bɨda minachia pia unu bɨma.

Hecho 21:25

Maamina judiorãwẽ Jesude ĩjãapataɨrãpa oodai p'anɨt'a taipa k'awa jaradak'ari k'art'ade bɨsidama: ãchia juapa oodada sãdoa teadada k'odaiwẽa p'anɨma, oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa awaraɨ ome nemietá oodaiwẽa p'anɨma.

Hecho 16:4

Ãchi wãuta p'uurucha jarasidama Jesupa peedaɨrã mãɨnepa ũpẽarã ak'ɨpataɨrã Jerusalene berãpa k'art'ade bɨdada ũpẽarãpa ĩjãa p'ananamẽrá.

Hebreo 8:10

Mãɨnepa Tachi Chiparipa nãɨya jara bɨma: K'aadeapema ewaride mɨa nãɨ pedea chiwidi auipɨ israel ĩjũanepemarã ome: Mɨa Moisepa bɨda ãchi k'ɨ̃risiade mãɨnepa ãchi sõne bɨipɨ. Mɨ ãchi Tachi Ak'õre paipɨ, mãɨnepa ãchi mɨ p'uuru padaipɨ.

Hecho 15:28

Tachi Ak'õre Jaoremá mãɨnepa taimá pia bɨma ne chi t'aju be mãrá oopidaiwẽt'a. Abapuru nãɨ oodai p'anɨma:

Gálata 6:2

Nepɨrade p'anɨne chi k'aripat'ɨ. Mãɨya Cristopa oopi bɨt'a mãrapa jõma oodaipɨ.