1 Corintio 9:18 - Tachi Ak'õre Pedea

¹⁸ Mãɨyara ¿mɨa jaratea bɨ k'orea, k'ãre jitaima? Ne jitaiwẽma. Sõ arapá bɨma chi pedea pia Cristo k'orea pari jaratea bɨ pẽra. Mɨa jaratea bɨ k'orea ne jitai bɨmina, ne idik'ama.

1 Corintio 9:18 Referans Kwoze

1 Tesalonicense 2:6

Taipa jɨrɨdaé pasima mãrapa, waapẽarã pida tai k'orea pia jaradamẽrá. Mãɨ awara tai Cristopa peedaɨrã pẽra tai jua chaareadepa p'ananai p'anasima mãra t'ãena. Maamina mãɨya oodaé pasima.

1 Corintio 8:9

Piarã tachia k'o k'ɨ̃ria p'anɨt'a p'ue k'odai p'anɨma. Maamina jĩrak'aua p'anat'ɨ mãrapa ne paritua k'o p'anɨnepa machi ũpẽa pia atua bɨt'a k'achiade baepidaemaapa.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

1 Corintio 10:33

Ara mãɨ jĩra mɨa oo bɨdepa jõmãɨrã́ pia k'ɨ̃risiapi k'ɨ̃ria bɨma. Mɨt'a pia bai k'oreapuru jɨrɨk'ama, mãɨpari ẽpẽrarã chok'ará pia p'ananamẽrá jɨrɨparima. Mãɨya mɨa oo bɨdepa ãchia Cristode ĩjãanaipɨ Tachi Ak'õrepa k'aripamẽrá.

1 Corintio 7:31

Chi nãɨ ĩjũane tachia unu p'anɨ ãarea jõpodo pẽra chi ne pará bepa chi nenea bɨ jĩra k'ɨ̃risia p'ananai p'anɨma.

Romano 14:15

Mãɨpuru pɨa k'o bɨdepa pɨ ũpẽa ichi sõpiawẽa beepiipɨra, pɨa ichi k'ɨ̃riawẽma. Pɨa k'o bɨdepa pɨ ũpẽa sõk'achiapirãse Cristo ichi k'orea piuda pẽra.

Juan 4:36

Ne uu ĩjũa baadai ewari chesima. Ne uu ĩjũa baauta jĩra mãra mimianaipɨ ẽpẽerãpa mɨne ĩjãanamẽrá. Mãɨya ãchi Tachi Ak'õre ome ewaricha chok'ae p'ananaipɨ. Chi ne uu ĩjũa baaparí arapaaparima ichia erreara jitai bɨ pẽra. Ara mãɨ jĩra mãra arapaadaipɨ ẽpẽerãpa mɨne ĩjãauta k'orea. Chi ne uu ĩjũa baaparí chi ne uuparí ome arapá p'ananaipɨ.

1 Corintio 3:8

Chi ne uuparí mãɨnepa chi pania p'oparí sida Tachi Ak'õre k'ĩrari abarik'a p'anɨma. Ichia tachicha nepia teaipɨ, tachia oo p'anana jĩra.

1 Corintio 9:12

Waapẽarã jarateapataɨrãpa mãranepa ne jitadai p'anɨpɨra, taipa ãchi k'aepẽra ne atepe jitadai p'anɨma. Maamina ne ididak'ama. Mãɨpari jõma choa p'anɨma ẽpẽrarãpa chi pedea pia Cristo k'orea piawẽa k'ɨ̃risiapidaemaapa.

1 Corintio 9:15

Maamina mɨa mãɨ jitak'ama. Mãɨ k'orea nãɨ k'art'ade mɨa bɨwẽma mãrapa ne teadamẽrá. Mɨa jaratea bɨdepa ne jitak'a pẽra arapá bɨma. Mɨa k'ɨ̃riawẽma mi ãpia pida ne tea bɨdepa mãɨ arapá jõpiit'a. Mɨmá, mãranepema ne jitai k'aepẽra piui pia bɨma.

1 Corintio 9:17

Mɨchia k'ɨ̃ria bɨdepa jarateadapara, ne jitai pasima. Maamina mɨchia k'ɨ̃ria bɨdepa jarateawẽa bɨma. Tachi Ak'õrepuru mɨá jarateapisi pẽra, mɨa mãɨya bai bɨma.