1 Corintio 9:12 - Tachi Ak'õre Pedea

¹² Waapẽarã jarateapataɨrãpa mãranepa ne jitadai p'anɨpɨra, taipa ãchi k'aepẽra ne atepe jitadai p'anɨma. Maamina ne ididak'ama. Mãɨpari jõma choa p'anɨma ẽpẽrarãpa chi pedea pia Cristo k'orea piawẽa k'ɨ̃risiapidaemaapa.

1 Corintio 9:12 Referans Kwoze

2 Corintio 11:12

Ara mɨchia oopari jĩra oopodoipɨ. Chi tai jĩra oo p'anɨane apataɨrãpa mãɨya pedeapatama waapẽarã k'aepẽra atepe p'anɨane a k'ɨ̃risia p'anɨẽra. Maamina mi ãpia pida p'ue jaradaiwẽma tai jĩra oo p'anɨt'a.

1 Corintio 9:18

Mãɨyara ¿mɨa jaratea bɨ k'orea, k'ãre jitaima? Ne jitaiwẽma. Sõ arapá bɨma chi pedea pia Cristo k'orea pari jaratea bɨ pẽra. Mɨa jaratea bɨ k'orea ne jitai bɨmina, ne idik'ama.

1 Corintio 9:15

Maamina mɨa mãɨ jitak'ama. Mãɨ k'orea nãɨ k'art'ade mɨa bɨwẽma mãrapa ne teadamẽrá. Mɨa jaratea bɨdepa ne jitak'a pẽra arapá bɨma. Mɨa k'ɨ̃riawẽma mi ãpia pida ne tea bɨdepa mãɨ arapá jõpiit'a. Mɨmá, mãranepema ne jitai k'aepẽra piui pia bɨma.

1 Corintio 9:2

Waapẽarã ũpẽarãpa mɨ Jesucristopa peeda k'ɨ̃risiadawẽa p'anɨmina mãrapa k'awadai p'anɨma mɨ piarã ichia peedapɨ. Mɨa jarateadadepa mãrapa Tachi Chiparide ĩjãasida pẽra mãɨ unupi bɨma.

2 Corintio 11:20

Mãra ãchi pae pari mimiapataɨrã jĩra p'aneepiutade, mãra ik'á barik'outade, itu ne ãarea oopiutade, mãra k'aepẽra atepe p'anɨane a k'ɨ̃risiautade, mãɨyawẽpɨra mãra k'ĩtarramá p'eutade mãrapa itu mãɨya oopipatama.

2 Corintio 6:3

Tai k'orea abaɨa piawẽa unupidawẽa p'anɨma, mi ãpia pida piawẽa pedeapidaemaapa taipa jarateapataɨ k'orea.

1 Corintio 6:7

Piarã waapẽarã mãranepema nepɨra uru p'anapata pẽra unupii p'anɨma machi jĩp'a nipadak'at'a. ¿Piipará bɨwẽk'ãra chi pɨ piawẽa ooda choait'a, chi nepɨra ak'ɨparimá wãi k'aepẽra? ¿Piipará bɨwẽk'ãra pɨa uru bɨ itu chɨapiit'a, pɨ ũpẽa chi nepɨra ak'ɨparimá ateewãi k'aepẽra?

Romano 15:22

Mãɨ k'orea bari k'ak'o minachia mɨ mãramá wã k'ɨ̃ria bɨmina, p'ue wãwẽa bɨma.

Luca 11:52

»¡Moisepa bɨda jarateapataɨrã, mãra chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Tachi Ak'õre piarã itu k'awapidak'ama. Mãrapa atua p'anɨma Tachi Ak'õre piarã sãmaasã́ bɨ. Mãɨ awara waapẽarãpa k'awa k'ɨ̃ria p'anɨ sida mãrapa itu k'awapidak'ama.

1 Corintio 9:14

Ara mãɨ jĩra Tachi Chiparipa jarasima chi pedea pia ichi k'orea jaratea nipapataɨrãpa chi mãɨnepema jitadai p'anɨ k'odai k'orea.

1 Corintio 9:16

Mɨa chi pedea pia Cristo k'orea jaratea bɨmina mɨ chi atepe bɨ jĩra k'ɨ̃risiak'ama, Tachi Ak'õrepuru jarateapi bɨ pẽra. Chi mãɨ pedea pia jarateaepɨra, mɨ mĩa chupuria beeipɨ.

1 Corintio 13:7

Chi waapẽarã k'ɨ̃ria uru bɨpa waapẽarãpa piawẽa oodada jõma choaparima, ne ãarea pia ĩjãaparima, chi abaɨpa nejõma pia oomẽrá nɨparima, mãɨnepa ne ãareaɨne choa baparima.

2 Corintio 2:12

Mɨ Troa p'uurudea wãsima chi pedea pia Cristo k'orea jarateai k'orea. Mãma Tachi Chiparipa eda wãpataɨ ewaru jĩra oosima ẽpẽrarãpa ũri k'ɨ̃rianamẽrá.