37 Maamina chi atadai k'orea pedeak'ari, ichi sõne mãɨ wẽra ataiwẽane a k'ɨ̃risiaipɨra, mãɨnepa ichi k'ak'uapa k'ɨ̃ria bɨ p'ue choaipɨra, mãɨ wẽra atai pia bɨwẽma.
Ɨmɨk'ĩra abaɨpa chi ãwẽra pada ome pedeak'ari atai k'orea, mãɨne atai naena p'ue choawẽa k'ɨ̃risiaipɨra mãɨnepa isapea ata k'ɨ̃riaipɨra, atai pia bɨma. Mãɨ nemietaawẽma.
Piarã chi k'ima atarupa pia oo bɨma. Maamina mɨmá chi k'ima ataiwẽa bɨpa atepe piipará oo bɨma.
Ẽpẽracha teai bɨma ichi sõne k'ɨ̃risia bɨ jĩra. Teaemaa bɨdepa teaiwẽa bɨma, mãɨyawẽpɨra teapade a p'anɨ k'orea teaiwẽa bɨma. Chi arapá bɨdepa tea bɨt'a Tachi Ak'õrepa k'ɨ̃ria bɨma.
Tachi Ak'õrepa ũpẽarã mãra juade bɨda minachia ak'ɨt'ɨ. Mãɨya oorãt'ɨ waapẽarãpa mĩesa oopi p'anɨ pẽra. Mãɨpari ak'ɨ k'ɨ̃ria p'anɨ pẽra mãɨya oot'ɨ. Erreara awaa p'anɨnepa mãɨ oorãt'ɨ, mãɨpari sõnepa ak'ɨ k'ɨ̃ria p'anɨ pẽra mãɨya oot'ɨ.
Naapae, mãrapa k'art'ade ididada mɨa p'anooruma. Nãɨya bɨsidama: «Piarã pia bɨma ɨmɨk'ĩrapa wẽra ataiwẽa bɨt'a».