1 Corintio 6:9 - Tachi Ak'õre Pedea

^9-10 ¿Mãrapa atua p'anɨk'ãra chi nemietá oopataɨrã Tachi Ak'õre juade p'ananaiwẽt'a, ichidirã paara? ¡Ara machi tuaba searãt'ɨ! Chi k'ak'uadepa nemietá oopataɨrã, juapa oodada sãdo k'ĩrari ɨt'aa chiidi berã, k'ima awaraɨ ome k'ãipataɨrã, ɨmɨk'ĩra wẽra jĩra beapataɨrã, ɨmɨk'ĩra abarik'aɨ ome beapataɨrã, nechɨapataɨrã, erreara awaa berã, piu nipapataɨrã, seadepa waapẽarã k'orea k'achia pedeapataɨrã mãɨnepa waapẽarã seapataɨrã sida Tachi Ak'õre p'uurude p'ananaiwẽma.

1 Corintio 6:9 Referans Kwoze

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

1 Corintio 5:10

Maamina mãɨpa jara bɨwẽma chi nãɨrã ome p'ananaiwẽa p'anɨ: chi nãɨ ĩjũanepema awaraɨ ome k'ãi berã ome, erreara awaa berã ome, nechɨapataɨrã ome, mãɨnepa juapa oodada sãdo k'ĩrari ɨt'aa chiidipataɨrã. Ãchi ome p'ana k'ɨ̃rianaepɨra, nãɨ ĩjũanepema ãyá wãnai p'anɨma.

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

1 Corintio 15:33

Itu seapirãt'ɨ. Mãra nemietá oopataɨrã ome ará nipadaipɨra, ãchia mãra pia nipapataɨ waa pia nipapidaiwẽma.

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

Hebreo 12:16

Jĩrak'aua p'anat'ɨ mi ãpia pida wẽra awaraɨ ome k'ãipataɨ mãɨnepa chi Esaú jĩra Tachi Ak'õrene piawẽa k'ɨ̃risiapataɨ mãra paara p'anapidaemaapa. Esaú Jacó warra ĩwini pẽra chi ak'õrepa uru bɨdepema neet'á minachia jitai basima. Maamina ichi ũpẽapa barimama chik'o k'opida k'orea, ichia ichi ak'õre neet'á jitai badat'a ãarea chi ũpẽá teasima.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

1 Corintio 5:1

Ẽpẽrarãpa jara p'anɨma mãra t'ãena chi aba bɨpa k'ima awaraɨ ome k'ãiyá bɨpɨ. Jara p'anɨma mãɨpa chi ak'õre k'ima chi k'ima jĩra uru bɨt'a. Piarã chi Jesucristode ĩjãanak'apɨɨrã pida mãɨya oodak'ama.

Santiago 1:16

Ũpẽarã mɨa k'ɨ̃ria berã, ara mãra tuaba nãɨ k'orea searãt'ɨ:

1 Corintio 9:24

Mãrapa k'awa p'anɨma ẽpẽrarã p'irapatama k'ai chi atepe ɨbɨa p'ira bɨt'a k'awadai k'orea. Mãɨne chok'ará p'irapatamina chi naa chedapuru ne jitaparima. Mãra sida isapea p'irauta jĩra jõma pia oot'ɨ Tachi Ak'õrepa teai jarada jitadai k'orea.

Mateo 19:29

Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Hecho 24:25

Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».

Luca 21:8

Jesupa p'anoosima: —Jĩrak'aua nipat'ɨ abaɨa pida mãra seapiemaapa. Chok'araɨrãpa jaradaipɨ “mɨ Tachi Ak'õrepa Tachi K'aripaparí teai jara bada”. Mãɨ awara chi ewari arí payade adaipɨ. Maamina ãchi ome wãrãt'ɨ.

Hecho 20:32

»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.

1 Corintio 5:11

Mãɨpari mɨa mãrá bɨsima parituapa ara ichi ũpẽaane aipɨra, maamina awaraɨ ome k'ãipataɨde nipaipɨra, erreara awaa baipɨra, juapa oodada sãdo k'ĩrari ɨt'aa chiidi baipɨra, seadepa waapẽarã k'orea k'achia pedea baipɨra, piu nipaipɨra, wa nechɨaparí baipɨra, makɨɨ ẽpẽra ome ará p'ananaiwẽa p'anɨ mãɨnepa ará nek'odaiwẽa p'anɨ.

1 Corintio 6:18

Awaraɨ ome mi ãpia pida k'ãirãt'ɨ. Nemietá awara ooipɨra, mãɨpa tachi k'ak'ua mietá beepiiwẽma. Maamina k'ak'uadepema nemietá ooipɨra, tachi k'ak'ua piawẽa beeipɨ.

2 Corintio 12:21

Mɨa wap'ea bɨma mãramá mãicha cherude Tachi Ak'õrepa mɨ mãra k'orea k'ĩra p'erapiit'a. Mãɨne chok'ará mãrapa naena nemietá oo p'anana wapida oo p'anɨ pẽra mɨ jẽaipɨ. Mãrapa chi Tachi Ak'õremá piawẽa oopataɨ, awaraɨ ome k'ãipataɨ mãɨnepa waapẽarã taade ne k'ĩra p'era oopataɨ wapida mãɨ itu bɨdawẽa p'anɨ pẽra jẽaipɨ.

Gálata 6:7

Ara mãra tuaba searãt'ɨ. Abaɨ pida Tachi Ak'õre p'ue seaiwẽma. K'ɨ̃risiat'ɨ: chi ne uurupa ichia uuda jĩra ara mãɨya baaipɨ.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

1 Juan 3:7

Mɨ warrarã, abaɨa itu seapirãt'ɨ. Chi jĩp'a oo bɨ Tachi Ak'õre k'ĩrari jĩp'a bɨma Cristo jĩp'a bɨ jĩra.