1 Corintio 6:13 - Tachi Ak'õre Pedea

¹³ Mãɨnepa waapẽarãpa jarapatama: «Chik'o tachi bi pae bɨma, mãɨnepa tachi bi chik'o pae bɨma». (Mãɨya bɨmina Tachi Ak'õrepa mãɨ umea jõpiipɨ). Maamina tachi k'ak'ua bɨwẽma nemietá oo bamẽrá, mãɨpari Tachi Chipari pae bɨma. Mãɨnepa Tachi Chipari tachi k'ak'ua ak'ɨi k'orea bɨma.

1 Corintio 6:13 Referans Kwoze

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

Romano 6:12

Mãɨpuru nemietá itu mãra chipari papirãt'ɨ. Mãɨya mãra k'ak'ua piui bɨpa nemietá oo k'ɨ̃ria bɨt'a mãrapa waa oodaiwẽma.

1 Corintio 6:15

¿Mãrapa atua p'anɨk'ãra mãra k'ak'ua Cristodé? Mãɨyara ¿mɨa ará ãpua bɨik'ãra chi Cristodé, wẽra k'achia bɨ ome? ¡Mãɨyawẽma!

Ep'esio 5:23

Ɨmɨk'ĩra ichi k'ima chiparipɨ. Ara mãɨ jĩra Cristo ichi ẽpẽrarã Chiparipɨ mãɨnepa ichi ẽpẽrarã ichi k'ak'ua jĩra p'anɨma. Ichi ãchi K'aripaparipɨ.

Mateo 15:17

Ne ãarea ẽpẽra it'aede wãna bidea wãparima, mãɨya bak'ari amaaparima. ¿Mãɨ k'awadawẽa p'anɨk'ãra?

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

2 Corintio 11:2

Tachi Ak'õrepa ak'ɨpi bɨ jĩra mɨa mãra minachia ak'ɨ k'ɨ̃ria bɨma. Ẽpẽrapa ichi k'au k'ima tearu jĩra mɨa mãra Cristoa tea k'ɨ̃ria bɨma abapuru ichidirã p'ananamẽrá. Mɨa k'ɨ̃ria bɨma mãra ichi pae minachia pia p'ananait'a ãwẽra ɨmɨk'ĩra atua bɨ jĩra.

2 Corintio 5:15

Piarã Cristo jõmãɨrã k'orea piuk'ari chok'ae p'irabarisima tachi chok'ae berãpa ara tachia oo k'ɨ̃ria p'anɨ jĩra waa oopidaemaapa, mãɨpari ichia k'ɨ̃ria bɨ jĩra oo p'ananamẽrá.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

Juan 6:49

Mãra chõarãenapemarãpa ĩjũa pania newẽa bɨde maná k'o p'anasidamina, mãɨrã piusidama.

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Marco 7:19

tachi sõne eda wãwẽa bɨ pẽra. Mãɨpari bide wãk'ari tajatá amaaparima. Mãɨya jara bɨdepa Jesupa k'awapisima ne ãarea k'odai pia bɨt'a.

Mateo 15:20

Jõma makɨɨpa ẽpẽra Tachi Ak'õre k'ĩrari mietá beepiparima, maamina jua sɨɨwẽa nek'orupa tachi mietá beepik'ama.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.