1 Corintio 5:10 - Tachi Ak'õre Pedea

¹⁰ Maamina mãɨpa jara bɨwẽma chi nãɨrã ome p'ananaiwẽa p'anɨ: chi nãɨ ĩjũanepema awaraɨ ome k'ãi berã ome, erreara awaa berã ome, nechɨapataɨrã ome, mãɨnepa juapa oodada sãdo k'ĩrari ɨt'aa chiidipataɨrã. Ãchi ome p'ana k'ɨ̃rianaepɨra, nãɨ ĩjũanepema ãyá wãnai p'anɨma.

1 Corintio 5:10 Referans Kwoze

1 Corintio 10:27

Chi Jesude ĩjãawẽa bɨpa mãra nek'odamẽrá t'ɨ̃ipɨra, mãɨne wã k'ɨ̃rianaipɨra, wãt'ɨ. Ichia tearut'a k'ot'ɨ. Idirãse mãɨ chik'o sãdoa teadada pada k'awai k'orea, mãɨ pia bɨwẽane a k'ɨ̃risia bɨ pẽra.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

1 Juan 4:5

Mãɨrã nãɨ ĩjũa nemietaadepemarãpɨ. Mãɨpuru nãɨ ĩjũanepema k'ɨ̃risia jarateapatama mãɨnepa ãchia jaratea p'anɨ nãɨ ĩjũane Tachi Ak'õrene ĩjãanak'a berãpa ĩjãapatama.

P'ilipense 2:15

Mãɨya mãra k'orea k'achia pedeadawẽa p'ananaipɨ mãɨnepa jĩp'a p'ananaipɨ. Ẽpẽrarã minachia nemietá oopataɨrã t'ãena p'anɨmina nemietá newẽa p'anat'ɨ. Tachi Ak'õre warrarã pẽra ãchi t'ãena k'ãk'ãi uchuchoapataɨ jĩra p'anɨma.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

1 Corintio 1:20

Piarã Tachi Ak'õrepa nãɨ ĩjũanepema k'ɨ̃risia piawẽa bɨ k'awapisima. Mãɨpuru ¿chi minachia k'awa berã k'ãasãasidama? ¿Chi Moisepa bɨda jarateapataɨrã k'ãasãasidama? ¿Chi nãɨ ewaride k'ɨ̃risiadepa pedeapataɨrã k'ãasãasidama?

Juan 8:23

Mãɨne Jesupa jarasima: —Mãra nãɨ ĩjũanepemarãpɨ, maamina mɨ pajãnepemapɨ. Mɨ nãɨ ĩjũanepemawẽma.

1 Juan 4:7

Ũpẽarã, tachi chi k'ɨ̃ria p'ananai p'anɨma, Tachi Ak'õrepa tachiá tachi ũpẽarã piarã k'ɨ̃riapipari pẽra. Jõma chi k'ɨ̃ria uru be Tachi Ak'õrenepa t'õnaanarãpɨ mãɨnepa Tachi Ak'õre k'awa p'anɨma.

Juan 17:9

»Mɨa pɨá ɨt'aa chiidiruma ãchi k'aripamẽrá. Mɨa pɨá ɨt'aa chiidi bɨwẽma nãɨ ĩjũanepemarã k'orea. Mãɨpari chi pɨa mɨá teadaɨrã k'orea ɨt'aa chiidi bɨma, ãchi pore pẽra.

Juan 17:6

»Pɨa mɨá ẽpẽerã nãɨ ĩjũanepemarã teasima. Mɨa mãɨrã́ pɨ k'awapisima. Ãchi poremina, pɨa mɨá ãchi teasima. Ãchia pɨ pedea ĩjãa p'anɨma.

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Luca 18:11

P'ariseo bai nɨbɨpa ara ichia nãɨya ɨt'aa chiidisima: “Tachi Ak'õre, mɨ sõpia bɨade pɨá aipɨ mɨ waapẽarã jĩra bak'a pẽra. Ãchi nechɨapatama, nemietá oopatama, wẽra awaraɨ ome k'ãipatama. Ichiaba mɨ jãɨ Romanepema pae erreara jɨrɨp'eparí jĩra bɨwẽma.

1 Corintio 5:9

Naena mɨa awaraɨ k'art'ade bɨsima mãra chi awaraɨrã ome k'ãipataɨrã ome ará p'ananaiwẽa p'anɨt'a.

1 Corintio 5:11

Mãɨpari mɨa mãrá bɨsima parituapa ara ichi ũpẽaane aipɨra, maamina awaraɨ ome k'ãipataɨde nipaipɨra, erreara awaa baipɨra, juapa oodada sãdo k'ĩrari ɨt'aa chiidi baipɨra, seadepa waapẽarã k'orea k'achia pedea baipɨra, piu nipaipɨra, wa nechɨaparí baipɨra, makɨɨ ẽpẽra ome ará p'ananaiwẽa p'anɨ mãɨnepa ará nek'odaiwẽa p'anɨ.