1 Corintio 3:18 - Tachi Ak'õre Pedea

¹⁸ Ara machi tuaba searãt'ɨ. Abaɨpa chi nãɨ ĩjũanepema k'ɨ̃risia jĩra ne k'awa bɨ k'ɨ̃risia bɨpɨra, waa mãɨya k'ɨ̃risiaiwẽa bɨma. Mãɨpari chi piarã k'ɨ̃risiat'a uru bai k'orea nãɨ ĩjũanepemarã k'ĩrari ne atua bɨ jĩra bai bɨma.

1 Corintio 3:18 Referans Kwoze

Gálata 6:3

Chi atepewẽa bɨpa ichi chi minachia k'awa bɨ jĩra k'ɨ̃risia bɨpɨra, ara ichi tuaba sea bɨma.

Santiago 1:22

Tachi Ak'õre pedea oo p'anat'ɨ. Abapuru mãɨ pedea ũripataɨrã p'anarãt'ɨ. Mãɨya p'ananaipɨra, ara mãra tuaba sea p'ananaipɨ.

Luca 18:17

Mɨa piarã jararuma: warra chak'e ichi ak'õre k'aade wãpari jĩra abaɨ pida Tachi Ak'õre k'aade wãepɨra, mãɨ ẽpẽra Tachi Ak'õre juade baiwẽma ichidirã paara.

Mateo 18:4

Maamina abaɨ pida nãɨ warra jĩra waapẽarã k'aepẽra chupurii jĩra beeipɨra, Tachi Ak'õre Pajãne Bɨpa ichidirã ichi juade ua bɨde chi atepe minachia k'awa baipɨ.

Marco 10:15

Mɨa piarã jararuma: warra chak'e ichi ak'õre k'aade wãpari jĩra abaɨ pida Tachi Ak'õre k'aade wãepɨra, mãɨ ẽpẽra Tachi Ak'õre juade baiwẽma ichidirã paara.

Santiago 1:26

Abaɨpa Tachi Ak'õrene ĩjãa bɨ k'ɨ̃risia bɨpɨra, maamina ichi k'ĩrame pia ak'ɨwẽpɨra, ara ichi tuaba sea bɨma. Piarã pari ĩjãa bɨma.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Ep'esio 5:6

Abaɨ pida seadepa nemietá oodai p'anɨane aipɨra, itu seapirãt'ɨ. Nemietá oo p'anɨ k'orea Tachi Ak'õrepa chi ichi pedea ĩjãawẽa be ɨtɨaipɨ.

1 Corintio 6:9

¿Mãrapa atua p'anɨk'ãra chi nemietá oopataɨrã Tachi Ak'õre juade p'ananaiwẽt'a, ichidirã paara? ¡Ara machi tuaba searãt'ɨ! Chi k'ak'uadepa nemietá oopataɨrã, juapa oodada sãdo k'ĩrari ɨt'aa chiidi berã, k'ima awaraɨ ome k'ãipataɨrã, ɨmɨk'ĩra wẽra jĩra beapataɨrã, ɨmɨk'ĩra abarik'aɨ ome beapataɨrã, nechɨapataɨrã, erreara awaa berã, piu nipapataɨrã, seadepa waapẽarã k'orea k'achia pedeapataɨrã mãɨnepa waapẽarã seapataɨrã sida Tachi Ak'õre p'uurude p'ananaiwẽma.

1 Corintio 4:10

Ẽpẽrarãmá tai Cristo k'orea ne atua berã jĩra p'anɨpɨ mãɨnepa jua chaareawẽa berã jĩra p'anɨpɨ. Maamina Cristo ome p'anɨ pẽra machi chi minachia k'awa p'anɨ jĩra beayade apatama mãɨnepa chi jua chaarea p'anɨ jĩra beayade apatama. Ẽpẽrarãpa mãra k'orea pia pedea p'anɨma, maamina tai ununaemaa p'anɨma.

1 Juan 1:8

Tachi nemietaawẽa p'anɨane a p'anɨpɨra, ara tachi tuaba sea p'anɨma mãɨnepa chi piarã pedea atua p'anɨma.

2 Timoteo 3:13

Mãɨnepa ẽpẽra k'achiarãpa mãɨnepa awara seapataɨrãpa atepe nemietá oo p'ananaipɨ. Waapẽarã sea p'ananaipɨ mãɨnepa waapẽarãpa ãchi seadaipɨ.

Gálata 6:7

Ara mãra tuaba searãt'ɨ. Abaɨ pida Tachi Ak'õre p'ue seaiwẽma. K'ɨ̃risiat'ɨ: chi ne uurupa ichia uuda jĩra ara mãɨya baaipɨ.

1 Corintio 15:33

Itu seapirãt'ɨ. Mãra nemietá oopataɨrã ome ará nipadaipɨra, ãchia mãra pia nipapataɨ waa pia nipapidaiwẽma.

Romano 12:16

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Luca 21:8

Jesupa p'anoosima: —Jĩrak'aua nipat'ɨ abaɨa pida mãra seapiemaapa. Chok'araɨrãpa jaradaipɨ “mɨ Tachi Ak'õrepa Tachi K'aripaparí teai jara bada”. Mãɨ awara chi ewari arí payade adaipɨ. Maamina ãchi ome wãrãt'ɨ.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

1 Corintio 3:17

Parituapa Tachi Ak'õre te ãriipɨra, mãɨ ẽpẽra Tachi Ak'õrepa minachia ɨtɨaipɨ mãɨ te ichi paepuru bɨ pẽra. Mãra mãɨ tepɨ.