1 Corintio 2:8 - Tachi Ak'õre Pedea

⁸ Chi nãɨ ĩjũanepema minachia k'awapataɨrã mi ãpia pida mãɨ k'ɨ̃risia k'awadaé pasima. K'awa p'ananapara, Tachi Chipari pia k'ɨrɨt'a k'urusude peadaiwẽ pasima.

1 Corintio 2:8 Referans Kwoze

Santiago 2:1

Ũpẽarã, mãrapa tachi pia bɨ Chipari Jesucristode ĩjãa p'anɨ pẽra abaɨ pia k'ɨ̃riarãt'ɨ waapẽarã k'aepẽra.

Hecho 13:27

Jerusalenepemarãpa mãɨnepa ãchi chaarearãpa Jesú Tachi K'aripaparí k'awadaé pasima. Tachi Ak'õre pari pedeapataɨrãpa bɨdada mimianak'apɨ́ ewaricha jĩk'ua eda jarapatamina chi ichi k'orea bɨdada k'awadaé pasima. Mãɨpari Jesú peapisidaɨde mãɨ pedea jara bɨt'a piarã oosidama.

Hecho 7:2

Estebanpa nãɨya p'anoosima: —Mɨ ũpẽarã judiorã mãɨnepa ak'õrerã, mɨ chichupuria mɨ pedea ũrit'ɨ. Tachi chõarãenapema Abrahán mãɨ wapida Mesopotamia tuade baside Harán p'uurude bade wãi naena Tachi Ak'õre chi Pia bɨ ichimá unupisima.

1 Corintio 2:6

Mãɨya taipa chi k'ɨ̃risia k'awaat'a jaratea p'anɨma chi Tachi Ak'õrene minachia ĩjãa berã́. Mãɨ k'ɨ̃risia k'awaat'a nãɨ ĩjũanepemawẽma mãɨnepa nãɨ ĩjũanepema minachia k'awa p'anɨrã k'ɨ̃risiawẽma. Ãchi tãaraa p'ananaiwẽma.

1 Timoteo 1:13

Naena mɨa ichi k'orea piawẽa pedea bapachima mãɨnepa ichidirã ẽp'ẽ bapachima mĩapii k'orea. Chĩará k'achia pedea bapachima. Ichide waidi ĩjãawẽa bada pẽra mãɨnepa atua bɨdepa mãɨya piawẽa oo bapachima. Maamina ichia mɨ k'ĩra chupuriasima.

2 Corintio 3:14

Maamina ãchia mãɨ k'awadaé pasima. Idiapae pida Moisepa bɨda ak'ɨutade judiorãpa k'awadak'ama. Ãchi k'ɨ̃risiat'a wapida neet'apa mẽra pɨra uru p'anɨ jĩra bɨma aba Cristodeepuru mãɨ wẽai bɨ pẽra.

Juan 16:3

Mãɨya oodaipɨ mɨ Ak'õre, mɨ sida atua p'anɨ pẽra.

Juan 8:19

Mãɨne ãchia Jesua idisidama: —Mãɨya bɨpɨra pɨ ak'õre ¿sãma bɨma? Jesupa p'anoosima: —Mãrapa mɨ atua p'anɨma mãɨnepa mɨ Ak'õre atua p'anɨma. Mãrapa mɨ piarã k'awautapara, mɨ Ak'õre sida k'awadai pasima.

Juan 7:48

¿Tai p'ariseorãpa, wa waapẽarã chi chaarearã pida ichide ĩjãa p'anɨk'ãra?

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

Luca 23:34

[Mãɨne Jesupa jarasima: «Ak'õre, ãchia oo p'anɨ k'ɨ̃risia atuase. Ãchia oomaa p'anɨt'a atua p'anɨma».] Mãɨ awara papaká berã ne jemenasidama Jesú neet'á sãmaasã́ jedadai k'awadai k'orea.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

1 Corintio 1:20

Piarã Tachi Ak'õrepa nãɨ ĩjũanepema k'ɨ̃risia piawẽa bɨ k'awapisima. Mãɨpuru ¿chi minachia k'awa berã k'ãasãasidama? ¿Chi Moisepa bɨda jarateapataɨrã k'ãasãasidama? ¿Chi nãɨ ewaride k'ɨ̃risiadepa pedeapataɨrã k'ãasãasidama?

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Ep'esio 4:18

Ãchi k'ɨ̃risia p'ãrione bɨ pẽra Tachi Ak'õre k'orea k'awadak'ama. Ãchi sõ chaareapa Tachi Ak'õre atua p'anɨ pẽra ichia chok'ae bapiparit'a nea p'anɨma.