1 Corintio 2:6 - Tachi Ak'õre Pedea

⁶ Mãɨya taipa chi k'ɨ̃risia k'awaat'a jaratea p'anɨma chi Tachi Ak'õrene minachia ĩjãa berã́. Mãɨ k'ɨ̃risia k'awaat'a nãɨ ĩjũanepemawẽma mãɨnepa nãɨ ĩjũanepema minachia k'awa p'anɨrã k'ɨ̃risiawẽma. Ãchi tãaraa p'ananaiwẽma.

1 Corintio 2:6 Referans Kwoze

Hebreo 5:14

Maamina chi chik'oara chõarã paepuru bɨma. Ãchia Tachi Ak'õre pedea jĩrak'aua k'ɨ̃risia p'anɨnepa k'awa p'anɨma k'ãret'u chi pia bɨt'a mãɨnepa k'ãret'u piawẽa bɨt'a.

Santiago 3:15

Mãra k'ɨ̃risiadepa mãɨya k'ɨ̃risia p'anɨpɨra, mãɨ k'ɨ̃risia Tachi Ak'õrenepa chek'ama, mãɨpari nãɨ ĩjũanepa, ẽpẽranepa, mãɨnepa tioredepa cheparima.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

1 Corintio 2:8

Chi nãɨ ĩjũanepema minachia k'awapataɨrã mi ãpia pida mãɨ k'ɨ̃risia k'awadaé pasima. K'awa p'ananapara, Tachi Chipari pia k'ɨrɨt'a k'urusude peadaiwẽ pasima.

1 Corintio 1:28

Nãɨ ĩjũanepemarãpa chi mĩa chupuria k'edeade apataɨ mãɨnepa ãchia itu bɨpataɨ Tachi Ak'õrepa jɨrɨ atasima. Mãɨya chi atepewẽa berã jɨrɨ atasima chi atepe berã mĩa chupuria bɨi k'orea.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

Santiago 3:2

Jõma tachia minachia piawẽa oopatama. Abaɨpa pedearude waapẽarã sõp'uapik'apɨra, ne ãareaɨne jĩp'a bɨma mãɨnepa ichi k'ak'ua jõma jĩp'a uru bɨma.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

1 Corintio 2:13

Ara mãɨ k'orea taipa pedea p'anɨma. Maamina nãɨ ĩjũanepema k'ɨ̃risiadepa pedea p'anɨwẽma, mãɨpari Tachi Ak'õre Jaorepa taiyá jaratea bɨ jĩra pedea p'anɨma. Mãɨya chi Tachi Ak'õre Jaorepa k'awapi bɨt'a taipa jaratea p'anɨma ichia pedeapi bɨ jĩra.

1 Corintio 2:1

Ũpẽarã, mɨa Tachi Ak'õre k'orea mãramá jarateade wãside chi minachia k'awapataɨrã pia pedeapataɨ jĩra mɨ k'ɨ̃risiadepa mi ãpia pida jarateaé pasima.

Luca 16:8

»Maapae chi chiparipa jarasima ichi neet'á ak'ɨparí sõk'achia bɨ k'ɨ̃risia minachia basima ichia mãɨya oo bada k'orea. Piarã Tachi Ak'õre ẽpẽrarã k'aepẽra nãɨ ĩjũanepemarãpa mãɨ ãchi aɨk'aɨrã ome ne netodai k'orea, ãchia pia ne k'ɨ̃risiadak'ari oopatama.

Mateo 19:21

Mãɨne Jesupa ichiá jarasima: —Pɨ piarã jĩp'a ba k'ɨ̃ria bɨpɨra, pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

1 Corintio 3:1

Ũpẽarã, mɨ mãramá wãside, chi Tachi Ak'õre Jaoredepa nipapataɨrã́ jaratea bɨ jĩra p'ue mãɨyaé pasima. Mãɨpari chi nãɨ k'ak'uapa oo k'ɨ̃ria bɨ jĩra oopataɨrã́ mãɨnepa chi chiwidi Cristode ĩjãanaanarã́ jaratea bɨ jĩra jarateasima.

1 Corintio 12:8

Tachi Ak'õre Jaorepa chi eda tachidiidepemarã́ tea bɨma ichi k'ɨ̃risiadepa p'ue pedeadamẽrá. Ara Tachi Ak'õre Jaore aba bɨpa chi eda tachidiidepemarã́ tea bɨma ichidepa k'awadada p'ue jarateadamẽrá.

2 Corintio 4:3

Maamina chi pedea pia Cristo k'orea taipa jaratea p'anɨ waidi pia ũriwẽpɨra, aba chi atuai p'anɨrãmaapuru mãɨya bɨma.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

Hebreo 6:1

Mãɨpuru naa wãtɨma Cristo k'orea pia k'awadayá. Tachia chi ichi k'orea naa k'awadaadat'a mãicha waa minachia jarateadaiwẽma, mãɨpari nãɨ k'orea jarateadai p'anɨma: nemietá oo p'anɨ k'orea piudai p'anɨt'a, nemietá itu bɨdak'ari Tachi Ak'õremá chedai p'anɨt'a, Tachi Ak'õrene ĩjãanai k'orea,