1 Corintio 16:19 - Tachi Ak'õre Pedea

¹⁹ Ũpẽarã Asia tuadepemarãpa k'ɨ̃ria p'anɨma mãra pia p'ananait'a. Ũpẽa Aquilapa, ũpẽawẽra Priscilapa mãɨnepa ũpẽarã ãchi tede ará nɨbeepataɨ Tachi Chipari k'orea k'ɨ̃ria p'anɨma mãra pia p'ananait'a.

1 Corintio 16:19 Referans Kwoze

Hecho 18:2

Mãma judio Aquila apataɨ unusima. Mãɨ Aquila Ponto tuadepema pasima. Chi k'ima Priscila ome Italia tuadepa chedada tãaraawẽa basima. Italiadepa wã p'anasima, chi Romanepema chi atepe chaarea bɨ Claudiopa judiorã ãarea Romane bee ãyá jerek'oada pẽra. Corinto p'uurude Pablo ãchimá wãsima ãchi jĩra p'aru te oo k'awa bɨ pẽra. Maapae ãchi ome beesima tausia mimiai k'orea.

Apocalipsi 1:11

Mãɨpa jarasima: «Pɨa unurut'a k'art'ade bɨk'ari ũpẽarã siete p'uuru bede p'anɨmá tea peese: Ep'esodea, Esmirnanea, Pérgamonea, Tiatiradea, Sardidea, P'iladelp'iadea, mãɨnepa Laodiceadea».

1 Pedro 1:1

Mɨ Pedro, Jesucristopa peedapɨ. Mɨa nãɨ k'art'a bɨruma Tachi Ak'õrepa jɨrɨ atadaɨrã Ponto tuade, Galacia tuade, Capadocia tuade, Asia tuade, Bitinia tuade mãɨnepa chi tua awaraɨrãnepa chedak'ari p'anɨrã pae.

P'ilemón 1:2

Mãɨnepa bɨruma jõma ũpẽarã pɨ tede ará nɨbeepataɨrã pae, tachi ũpẽawẽra Ap'ia pae mãɨnepa tachi ũpẽa Arquipo pae. Arquipopa tai ome Tachi Ak'õrepa oo bɨt'a choa mimiaparima papaká bɨ jĩra.

2 Timoteo 4:19

Mɨa ũpẽa Aquilá mãɨnepa Priscá pia p'anapade a jara peeruma. Ara mãɨ jĩra ũpẽa Onesíp'oro ẽpẽrarã́ jarase.

Colosense 4:15

Tachi ũpẽarã Laodicea p'uurudepemarã́ pia p'anapade a jara peeruma. Tachi ũpẽawẽra Ninp'a mãɨnepa jõmãɨrã Cristode ũpẽarã ichi tede ará nɨbeepataɨrã́ pia p'anapade a jara peeruma.

Romano 16:15

Mãɨnepa ũpẽa P'ilologoa, Juliá, Olimpá, Nereoa, ichi ũpẽawẽrá mãɨnepa jõma ẽpẽrarã Tachi Ak'õrenepemarã ãchi ome p'anaparirã́ pia p'anapadade a jara peet'ɨ.

Hecho 19:10

Ãyo k'ak'o ume mãɨya oosima. Mãɨya ãarea Asia tuadepema judiorãpa mãɨnepa judiorãwẽpa Tachi Chipari Jesú k'orea ũrisidama.

Hecho 18:26

Mãɨne Apolopa judiorã ará pedeapataɨ tede ne wap'eawẽa jaratea basima. Ichia jaratea bɨt'a Aquilapa mãɨnepa Priscilapa ũrisidama. Mãɨpuru ichi ãyá ateewãnak'ari Tachi Ak'õre O k'orea atepe jarateasidama.

Hecho 18:18

Pablo Corinto p'uurude tãaraa basima. Mãɨne chi ũpẽarã ará p'anɨrã́ wãyane asima. P'ãp'orrode batooi naena Pablo Cencrea p'uurude poro t'ɨɨpisima, Tachi Ak'õre pae ne ooyade ada mãɨ ãarea ooda pẽra. Maapaepuru Siria tuadea wãsima, Aquila chi k'ima Priscila ome.

Hecho 2:9

Tachi t'ãena Partiadepema, Mediadepema, Elanepema, Mesopotamianepema, Judeadepema, Capadociadepema, Pontodepema, Asiadepema,

Hecho 16:6

Pablo mãɨnepa chi ichi ome nipadada P'rigia tuade mãɨnepa Galacia tuade p'ɨrrɨa wãsidama Tachi Ak'õre Jaorepa chi pedea Jesú k'orea Asia tuade itu jarapidawẽ pẽra.