1 Corintio 16:13 - Tachi Ak'õre Pedea

¹³ Jĩrak'aua p'anat'ɨ. Jesucristode minachia ĩjãa p'anat'ɨ. Ichidepa p'erawẽa p'anat'ɨ mãɨnepa chaarea p'anat'ɨ.

1 Corintio 16:13 Referans Kwoze

Ep'esio 6:10

Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

Gálata 5:1

Cristopa tachi k'aripasima mãɨ pari ãjã́ p'ananamẽrá. Mãɨ minachia ĩjãa p'anat'ɨ. Chi chipari pae pari mimiapataɨrã jĩra mãicha p'anarãt'ɨ.

P'ilipense 4:13

Cristodepa jõma p'ue ooipɨ ichia mɨ chaareapii bɨ pẽra.

2 Tesalonicense 2:15

Mãɨpuru ũpẽarã, chaarea p'anat'ɨ. Taipa jarateadada mãɨnepa k'art'ade bɨdada k'ɨ̃risia atuarãt'ɨ.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

P'ilipense 4:1

Mãɨ k'orea mɨ ũpẽarã, mɨa jarada jĩra Tachi Chiparide minachia ĩjãa p'anat'ɨ. Mɨa mãra minachia k'ɨ̃ria bɨma mãɨnepa unu k'ɨ̃ria bɨma. Mãra k'orea mɨ minachia arapá bɨma. Mãrat'u mɨ arapaapipataɨpɨ.

1 Tesalonicense 3:8

Jãapae tai piarã sõpia p'aneesidama, k'awa p'anɨ pẽra mãrapa Tachi Chiparide choa p'anɨt'a.

2 Timoteo 4:7

Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra.

2 Corintio 1:24

Taipa jara p'anɨ jĩra oopidaiwẽma, mãrapa Cristode minachia ĩjãa p'anɨ pẽra. Abapuru mãra k'aripa k'ɨ̃ria p'anɨma arapá p'ananamẽrá.

Mateo 26:41

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Timoteo 6:12

Ne ãareaɨne Cristode ĩjãa base pia papaká bɨ k'ĩruupari jĩra. Mãɨya pɨ ewaricha Tachi Ak'õre ome baipɨ. Chok'ará p'anɨ k'ĩrari, pɨa Cristode ĩjãa bɨade a jaraside, Tachi Ak'õrepa pɨ t'ɨ̃sima mãɨya chok'ae bamẽrá.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

2 Timoteo 2:1

Warra, Jesucristo sõpiadepa chaarea base.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

1 Tesalonicense 5:6

Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Apocalipsi 16:15

Ãchia chi hebreo pedeade Armagedón apataɨ ĩjũanea chi poro jũra jɨ̃parí jɨ̃ p'anɨrã ateewãsidama. «¡Tau pará p'anat'ɨ! Mɨ nechɨaparí jĩra cheipɨ, chi mãɨ abaɨ pida nɨ p'anɨwẽne. Pia p'ananaipɨ chi mãɨ mɨ nɨ p'anɨrãpa mãɨnepa chi ãchi neet'á oo uru p'anɨrãpa. Mãɨya p'ue ãk'adá wãnaiwẽma mãɨnepa k'ĩra p'eradaiwẽma».

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Mateo 25:13

»Mãɨ k'orea mãra tau pará p'anat'ɨ. Mɨ, chi Ẽpẽra Warra chei ewari mãɨnepa chi hora atua p'anɨma.