43 K'ak'ua piawẽa bɨ t'ɨbaripatama maamina k'ak'ua pia bɨ chok'ae p'irabariipɨ. K'ak'ua ɨbɨwẽa bɨ t'ɨbaripatama maamina k'ak'ua jua chaarea bɨ chok'ae p'irabariipɨ.
Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.
Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.
Ichi ɨbɨwẽa bɨ jĩra k'urusude barijira bɨdaadamina Tachi Ak'õre chaareadepa chok'ae bɨma. Tai sida ɨbɨwẽa p'anɨma ichi ɨbɨwẽa bada jĩra, maamina ichi ome tai Tachi Ak'õre chaareadepa p'ananait'a mãrá unupidaipɨ.
Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a, Tachi Ak'õrepa minachia k'ɨ̃ria bait'a mãɨnepa ewaricha Tachi Ak'õre Jaorepa ará pia uru bait'a.
Tachi Ak'õrepa ichi jua chaareadepa Tachi Chipari Jesú piu bada chok'ae p'irabaripisima. Ara mãɨ jĩra ichi jua chaareadepa tachi sida chok'ae p'irabaripiipɨ.
Maamina chi jĩp'a berã ãchi Ak'õre juade ɨmata jĩra achiterrea p'ananaipɨ. Chi k'ɨɨrɨ pará bɨpa jĩrak'aua ũrise.
Mãɨne Jesupa jarasima: —Mɨ jaore mietá newẽma. Mɨ Ak'õre k'orea pia pedeaparima. Maamina mãrapa mɨ k'orea pia pedeadak'ama.