1 Corintio 15:19 - Tachi Ak'õre Pedea

¹⁹ Tachia Cristodepa nãɨ ĩjũanepuru pia p'ananai k'ɨ̃risia p'anɨpɨra, jõmãɨrã k'aepẽra chichupuria p'anɨma.

1 Corintio 15:19 Referans Kwoze

Apocalipsi 14:13

Mãɨya nak'ari mɨa ũrisima pajãne abaɨpa nãɨya jarasit'a: «K'art'ade nãɨya bɨse: “Nãɨ idiipa naa pia p'anɨma chi Tachi Chiparide ĩjãa p'anɨne piudait'a”». Mãɨne ũrisima Tachi Ak'õre Jaorepa nãɨya jarasit'a: «Piarã ãchi pia p'ananaipɨ. Ãchi ɨ̃apaade wãnaipɨ chi minachia mĩanana pada, chi ãchia nepia oodada padadepa minachia unupodoi pẽra».

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

2 Timoteo 3:12

Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

Luca 8:14

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Mateo 24:9

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ.

2 Timoteo 2:4

Papaká bɨpa ne paritua ook'ama, mãɨpari ichi minachia k'awa bɨpa k'ɨ̃ria bɨt'a ooparima pia unumẽrá.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.