1 Corintio 14:3 - Tachi Ak'õre Pedea

³ Maamina chi Tachi Ak'õre pari pedea bɨpa ẽpẽrarã́ pedea bɨma pia ĩjãanamẽrá, chaarea p'ananamẽrá, mãɨnepa sõpiadamẽrá.

1 Corintio 14:3 Referans Kwoze

1 Corintio 14:12

Mãra ara mãɨ jĩra p'anɨma. Tachi Ak'õre Jaorepa oopi bɨ mãrapa minachia oo k'ɨ̃ria p'anɨ pẽra ũpẽarã k'aripai k'orea pia oo k'ɨ̃riat'ɨ ãchia pia Tachi Ak'õrene ĩjãanamẽrá.

1 Timoteo 4:13

Mɨ jãmá wãrumisa, jõmãɨrã k'ĩrari Tachi Ak'õre pedea jĩk'ua eda jarapariese, jarateapariese, mãɨnepa ũpẽarã k'aripapariese pia ĩjãanamẽrá.

Juda 1:20

Maamina ũpẽarã, ara machi k'ak'awá k'aripat'ɨ Cristode ĩjãanamẽrá. Tachi Ak'õrea ichi Jaoredepa ɨt'aa chiidit'ɨ.

Tito 1:9

Chi piarã pedea ichiá jarateadada minachia ĩjãa bai bɨma. Mãɨya ichia piarã pedea jĩp'a jaratea bɨdepa ẽpẽrarã p'ue k'aripaipɨ pia ĩjãanamẽrá, mãɨnepa chi piarã pedea piawẽa bɨade apataɨrã́ p'ue k'awapiipɨ ãchia piawẽa k'ɨ̃risia p'anɨ.

Ep'esio 6:22

Mɨa ichi mãramá peeruma k'awadamẽrá tai sãmaasã́ p'anɨt'a. Ichia mãra sõpiapiipɨ.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

Tito 2:6

K'ũtãarã́ jaratease k'ɨ̃risia piadepa jĩp'a nipadamẽrá.

1 Corintio 14:31

Jõmãɨrã abaabá Tachi Ak'õre pari pedeadai p'anɨma pia k'awadamẽrá mãɨnepa pia ĩjãanamẽrá.

1 Corintio 14:26

Mãɨ k'orea ũpẽarã, ¿sãmaasã́ arí oodaima? Mãra ará jere nɨbeeutade abaɨpa Tachi Ak'õre pedeadepema k'aripataɨ k'arii bɨma, abaɨpa Tachi Ak'õre pedea jarateai bɨma, abaɨpa Tachi Ak'õrepa unupida jarai bɨma, abaɨpa tachia ũrinak'apɨ́ pedeade pedeai bɨma, mãɨnepa abaɨpa mãɨ pedeada k'awa jarai bɨma. Maamina jõma mãɨ oodai p'anɨma ũpẽarãpa pia ĩjãanamẽrá.

Romano 14:19

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

Hecho 13:15

Maapae chi chaarearãpa Moisepa bɨdadepema mãɨnepa Tachi Ak'õre pari pedeapataɨrãpa bɨdaadadepema jĩk'ua eda jarasidama. Maapae ãchia Pablo mãɨnepa Bernabé suak'abari p'anɨmá nãɨya jara peesidama: —Ũpẽarã, mãrapa pedea aba uru p'anɨpɨra tai k'aripadai k'orea, mãɨyara pedeat'ɨ.

Tito 2:9

Chipari pae pari mimiapataɨrã́ jaratease ãchi chiparipa jara bɨ jõma oodamẽrá. Nejõma pia oodai p'anɨma ãchi chiparipa pia unumẽrá. Ãchi chiparipa jararu k'achia p'anoonai pia bɨwẽma.

1 Tesalonicense 2:3

Taipa mãrá mãɨya k'ɨ̃risiapidaé pasima piarãpẽawẽne jarateadada ĩjãanamẽrá. Mãɨnepa seadawẽa p'anasima mãra seadai k'orea.

1 Corintio 10:23

Waapẽarãpa jara p'anɨma «Cristode ĩjãa bɨ pẽra mɨa k'ɨ̃ria bɨ jĩra jõma ooi bɨma». Maamina mɨa jararuma: nejõma ooi bɨmina ãarea tachia oo k'ɨ̃ria bɨpa tachi k'aripak'ama. Piarã jõma tachia oo k'ɨ̃ria bɨt'a ooi bɨmina jõma mãɨpa ũpẽarã k'aripak'ama.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

Hebreo 13:22

Ũpẽarã, mɨa nãɨ k'art'a teesoawẽa bɨt'a bɨsima mãrapa pia ĩjãanamẽrá. Mãɨpuru mɨa mãrá chichupuria idiruma nãɨ pedea pia ũrinamẽrá.

Hebreo 10:25

Chi Cristode ĩjãapataɨrã paara ará p'ananait'a itu bɨdaiwẽa p'anɨma chi eda waapẽarãpa itu bɨpata jĩra. Mãɨpari chi k'aripadai p'anɨma pia ĩjãanai k'orea. Tachi Chiparipa ɨtɨai ewari tãaraawẽa bɨde chei k'awa p'anɨ pẽra pia mãɨya oodai p'anɨma.

Tito 2:15

Jõma mãɨ jaratea base. K'aripase ũpẽarãpa mãɨ pedea oodamẽrá. Piawẽa oo be ɨtɨase, Tachi Ak'õrepa pɨ bɨda pẽra mãɨya oomẽrá. Ũpẽarã́ pɨ k'ɨ̃rianawẽa uru p'anɨpirãse.

1 Timoteo 6:2

Ãchi chiparipa Cristode ĩjãa bɨpɨra, ãchi p'ue wap'eadaiwẽa p'anɨane adaiwẽa p'anɨma, ũpẽarã pẽra. Mãɨpari ichi pae atepe pia mimianai p'anɨma. Ãchi mimianepa ãchi Cristode ĩjãa bɨ chiparipa erreara jitaparima. Mãɨpuru k'ɨ̃rianepa ichi pae mimianai p'anɨma. Mãɨ jaratea base. Mãɨnepa ãchiá jarase mãɨya oodamẽrá.

1 Timoteo 1:4

Ãchiá jarase chõarãenapema nepɨra k'orea mãɨnepa tachi chõarãenapemarã minachia nɨbasi t'ɨ̃ne minachia k'ɨ̃risiapidaemaapa. Mãɨpa k'ĩruu pedea tuaneepiparima. Tachi k'aripak'ama Tachi Ak'õrepa oopi bɨ oodamẽrá. Abapuru ichi pedeade ĩjãa p'anɨnepa p'ue oodaipɨ.

2 Tesalonicense 3:12

Mãɨ ũpẽarã́ taipa Tachi Chipari Jesucristodepa chichupuria idiutama ne k'ɨ̃risiawẽa mimianamẽrá nek'odai uru p'ananamẽrá.

1 Tesalonicense 4:18

Mãɨ pedeapa ara machi paara sõpia p'aneepit'ɨ.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

1 Tesalonicense 2:11

Mãɨ awara k'awa p'anɨma ak'õrepa ara ichi warrarã ome oopari jĩra taipa machicha mãɨya oo p'anasidama.

Ep'esio 4:29

Pedea k'achia pedearãt'ɨ. Mãɨpari waapẽarã k'aripadai k'orea abapuru pedea piat'a pedeat'ɨ. Mãɨya chi mãra pedea ũri be pia p'ananaipɨ.

2 Corintio 2:7

Maawẽapuru naapae ichia ooda k'ɨ̃risia atuadai p'anɨma mãɨnepa sõpiapidai p'anɨma minachia sõp'ua bɨpa piawẽa beepiemaapa.

2 Corintio 1:4

Ne ãareaɨne minachia mĩa p'anɨne ichia tai sõpiapiparima waapẽarã minachia mĩa be sõpiapidamẽrá ichia tai sõpiapida jĩra.

1 Corintio 14:17

Piarã pɨa mãɨya pedearude Tachi Ak'õrea sõpia bɨade a bɨma, maamina waapẽarã k'aripawẽa bɨma pia ĩjãanamẽrá.

1 Corintio 8:1

Naapae mɨa jararuma chi juapa oodada sãdorã́ ne k'iuru paa teada k'orea. Mãrapa jarapatama ara mãɨnepa k'ɨ̃risia k'awa p'anɨane apatama. Maamina chi k'ɨ̃risia k'awapa tachi waapẽarã k'aepẽra atepe p'anɨ jĩra k'ɨ̃risiapiparima. Tachia waapẽarã k'ɨ̃ria p'anɨnepa, ãchi k'aripapatama.

Romano 15:2

Mãɨpari waapẽarãpa k'ɨ̃ria p'anɨt'a oodai p'anɨma ãchi pia p'ananamẽrá mãɨnepa pia ĩjãanamẽrá.

Romano 12:8

Chi tearua teasima ũpẽarã k'aripa p'anɨnepa pia ĩjãanamẽrá. Mãɨya teasipɨra, ũpẽarã k'aripadai p'anɨma pia ĩjãanamẽrá. Chi eda waapẽarã́ teasima ne tea p'anɨnepa waapẽarã k'aripadamẽrá. Mãɨya teasipɨra, sõpiadepa teadai p'anɨma. Chi eda waapẽarã́ teasima chi ĩjãapataɨrã ak'ɨpataɨrã p'ananamẽrá. Mãɨya teasipɨra, jĩp'a oo p'ananai p'anɨma. Mãɨnepa chi eda waapẽarã́ teasima waapẽarã k'ĩra chupuriadamẽrá. Mãɨya teasipɨra, arapaadepa k'ĩra chupuriadai p'anɨma.

Hecho 15:32

Juda mãɨnepa Sila Tachi Ak'õre pari pedeapataɨrã pasima. Mãɨpuru ne minachia jarasidama ũpẽarãpa pia ĩjãanamẽrá mãɨnepa chaarea p'ananamẽrá.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Hecho 9:31

Mãɨmisa Judea tuade, Galilea tuade mãɨnepa Samaria tuade ũpẽarã nek'ĩramariwẽa tuanasidama mãɨnepa ne minachia k'awapodosidama. Tachi Chipari wap'ea p'anɨnepa nipasidama mãɨnepa Tachi Ak'õre Jaore chi jua chaareadepa waripodosidama.

Luca 3:18

Ara mãɨ jĩra ne wawariadepa Juanpa chi pedea pia tachi k'aripai k'orea jarateapachima mãɨnepa jarapachima mãɨne ĩjãanamẽrá.

Hebreo 3:13

Mãɨpari wapida nãɨ ewari bɨde ewaricha chi k'aripa p'anat'ɨ mãɨ pia ĩjãanai k'orea. Mãɨya mi ãpia pida nemietaapa seak'ari sõ chaarea baiwẽma.

Hecho 4:36

Mãɨne ẽpẽra José apataɨ ãchi ome basima. Jesupa peedaɨrãpa ichi t'ɨ̃ bɨsidama Bernabé. (Bernabé t'ɨ̃ jara k'ɨ̃ria bɨma «Sõpiapiparí Warra»). Ichi Levidepa ununa pasima. Mãɨ Chipredepema pasima.