1 Corintio 14:26 - Tachi Ak'õre Pedea

²⁶ Mãɨ k'orea ũpẽarã, ¿sãmaasã́ arí oodaima? Mãra ará jere nɨbeeutade abaɨpa Tachi Ak'õre pedeadepema k'aripataɨ k'arii bɨma, abaɨpa Tachi Ak'õre pedea jarateai bɨma, abaɨpa Tachi Ak'õrepa unupida jarai bɨma, abaɨpa tachia ũrinak'apɨ́ pedeade pedeai bɨma, mãɨnepa abaɨpa mãɨ pedeada k'awa jarai bɨma. Maamina jõma mãɨ oodai p'anɨma ũpẽarãpa pia ĩjãanamẽrá.

1 Corintio 14:26 Referans Kwoze

Ep'esio 5:19

Tachi Ak'õre pedeade bɨ bɨt'a, ũpẽarãpa k'aripataɨ mãɨnepa Tachi Ak'õre Jaorepa k'aripiparí k'arit'ɨ, chi ara machi paara sõpia p'aneepidai k'orea. Tachi Chiparia sõnepa k'arit'ɨ pia pedeadai k'orea.

Romano 14:19

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

1 Tesalonicense 5:11

Mãɨ k'orea waapẽarã paara sõpia p'anapit'ɨ. Mãɨnepa chi k'aripa p'anat'ɨ pia ĩjãanai k'orea mãrapa oo p'anɨ jĩra.

Ep'esio 4:16

Ichidepa jõma tachi ichi k'ak'uapɨ. Ará ãpua p'anɨma chi k'aripadai k'orea. Tachicha oodai p'anɨ jĩra ooutade jõmãɨrã k'ɨ̃rianepa pia waripododaipɨ.

Ep'esio 4:29

Pedea k'achia pedearãt'ɨ. Mãɨpari waapẽarã k'aripadai k'orea abapuru pedea piat'a pedeat'ɨ. Mãɨya chi mãra pedea ũri be pia p'ananaipɨ.

2 Corintio 13:10

Mãɨ k'orea mãramá wãi naena mɨa nãɨ k'art'a tea peeipɨ. Mãrapa mãɨne bɨda ĩjãasidara mãramá cherude mɨa ɨtɨaiwẽma. Piarã Tachi Chiparipa mɨ chaareapié pasima mãra piawẽa p'ananamẽrá, mãɨpari mɨ bɨsima mãrapa pia ĩjãanamẽrá.

2 Corintio 12:19

¿Mãramá taipa mãɨya jara p'anɨk'ãra tai k'orea piawẽa k'ɨ̃risiapidaemaapa? Mãɨyawẽma. Ũpẽarã, tai Cristoderã pẽra Tachi Ak'õre k'ĩrari jõma mãɨ jara p'anɨma mãrapa pia ĩjãanamẽrá.

1 Corintio 14:40

Maamina ãarea jĩrak'aua arí oot'ɨ.

Ep'esio 4:12

Ichia mãɨya bɨsima ẽpẽrarã Tachi Ak'õrenepemarã k'aripadamẽrá, ãchia pida Tachi Ak'õre pae p'ue pia oodamẽrá. Mãɨya jõma Cristo ẽpẽrarã, ichi k'ak'ua apataɨ chaarea waripodoparima,

1 Corintio 14:27

Tachia ũrinak'apɨ́ pedeade pedeadaipɨra, ume wa ũpea mãɨya pedeadai p'anɨma. Maamina abaabá pedeadai p'anɨma. Pedeak'ari abaɨpa mãɨ k'awa jarai bɨma.

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Romano 12:7

Chi tearua teasima waapẽarã k'aripadamẽrá. Mãɨya teasipɨra, chi tearua k'aripadai p'anɨma. Chi tearua teasima ichi pedea jarateadamẽrá. Mãɨya teasipɨra, ichi pedea jarateadai p'anɨma.

Romano 15:2

Mãɨpari waapẽarãpa k'ɨ̃ria p'anɨt'a oodai p'anɨma ãchi pia p'ananamẽrá mãɨnepa pia ĩjãanamẽrá.

1 Corintio 14:2

Chi tachia ũrinak'apɨ́ pedeade pedea bɨpa ẽpẽrarã́ pedea bɨwẽma, ichia jararu mi ãpia pida ũrinak'a pẽra. Aba Tachi Ak'õreapuru pedea bɨma. Tachia k'awadak'ama chi Tachi Ak'õre Jaoredepa chi tachia atua p'anɨ pedea bɨt'a.

1 Corintio 14:15

Mãɨyara ¿sãmaasã́ jĩp'a ooima? Mɨ jaorepa Tachi Ak'õrea ɨt'aa chiidiipɨ maamina mɨa chi k'awa bɨ pedeade pida ɨt'aa chiidiipɨ. Mɨ jaorepa Tachi Ak'õrea pia k'ariipɨ, maamina chi mɨa k'awa bɨ pedeade pida k'ariipɨ.