1 Corintio 13:4 - Tachi Ak'õre Pedea

⁴ Chi waapẽarã k'ɨ̃ria uru bɨpa jõma choa bɨma, waapẽarã k'ĩra chupuriaparima, abaɨpa uru bɨt'a uru bai k'ɨ̃riak'ama, waapẽarã k'aepẽra atepe pia bɨade ak'ama mãɨnepa mãɨya bɨ jĩra k'ɨ̃risiak'ama.

1 Corintio 13:4 Referans Kwoze

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.

Ep'esio 4:32

Sõpia p'anat'ɨ. K'ĩra chupuria p'anat'ɨ. Chi mãrapa piawẽa oodada k'ɨ̃risia atuat'ɨ, Tachi Ak'õrepa mãra nemietá Cristodepa k'ɨ̃risia atuada jĩra.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

1 Juan 4:11

Ũpẽarã, Tachi Ak'õrepa tachi mãɨya k'ɨ̃riana pẽra tachi sida chi k'ɨ̃ria p'ananai p'anɨma.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

2 Pedro 1:7

Tachi Ak'õrepa k'ɨ̃ria bɨ jĩra p'anɨne ũpẽarã k'ɨ̃rianai k'orea jɨrɨt'ɨ; ũpẽarã k'ɨ̃ria p'anɨne jõmãɨrã k'ɨ̃rianai k'orea jɨrɨt'ɨ.

Ep'esio 4:2

Mãra chi atepe be k'ɨ̃risiarãt'ɨ, mãɨpari k'ɨ̃risia piadepa p'anat'ɨ. Ara machi paara k'ɨ̃rianepa choa p'anat'ɨ.

2 Corintio 6:6

Tai jĩp'a nipadadepa, piarã k'ɨ̃risia k'awaadepa, jõma choa p'anɨnepa, sõpiadepa, Tachi Ak'õre Jaore tai sõne bɨdepa, piarã k'ɨ̃rianepa, chi piarã pedea jaratea p'anɨnepa, mãɨnepa Tachi Ak'õre jua chaareadepa mãɨya unupi p'anɨma. Tai jĩp'a p'anɨnepa nemietá p'uepatama mãɨnepa ara mãɨ jĩp'a p'anɨnepa taipa chi nemietá itu p'uepidakama.

Colosense 1:11

Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ.

Gálata 5:26

Waapẽarã k'aepẽra pia be k'ɨ̃risiadaiwẽa p'anɨma, k'ĩruu pedea tuananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

1 Corintio 4:6

Ũpẽarã, mɨ k'orea mãɨnepa Apolo k'orea bɨsima mãra k'aripai k'orea. Tai k'orea k'awadai p'anɨma Tachi Ak'õre pedeade bɨ bɨ awara k'ɨ̃risiapidaemaapa. Mãɨya mãrapa abaɨ waapẽarã k'aepẽra atepe pia bɨ k'ɨ̃risiadaiwẽma.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

2 Timoteo 3:10

Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a,

1 Pedro 2:1

Mãɨpuru waapẽarã piawẽa oodai itu bɨt'ɨ. Waapẽarã searãt'ɨ. Waapẽarãpa ara ãchia jarapataɨ jĩra oodak'ama. Mãɨ ẽpẽrarã jĩra p'anarãt'ɨ. Abaɨpa uru bɨ k'orea piawẽa k'ɨ̃risiarãt'ɨ. Waapẽarã k'orea k'achia pedearãt'ɨ.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

Hecho 7:9

»Mãɨya nak'ari Jacobo warrarãpa ãchi ũpẽa José sõk'achia p'anɨnepa ichi netosidama Egito tuade chi chipari pae pari mimiaparí bamẽrá. Maamina mãma Tachi Ak'õre ichi ome basima.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

1 Timoteo 6:4

mãɨnepa jõma k'awa bɨade a k'ɨ̃risia bɨmina piarã atua bɨma. Sõpiawẽa bɨdepa k'ĩruu pedeayá awaa baparima. Paritua pedeauta k'orea k'ĩruu pedea baparima. Mãɨ k'orea nãɨrã unuparima: waapẽarãpa ne uru bɨ k'orea sõ ãyá bait'a, waapẽra ome k'ĩruu jɨrɨ bait'a, waapẽra k'orea k'achia pedea bait'a, mãɨnepa waapẽra k'orea piawẽa k'ɨ̃risia bait'a.

1 Corintio 8:1

Naapae mɨa jararuma chi juapa oodada sãdorã́ ne k'iuru paa teada k'orea. Mãrapa jarapatama ara mãɨnepa k'ɨ̃risia k'awa p'anɨane apatama. Maamina chi k'ɨ̃risia k'awapa tachi waapẽarã k'aepẽra atepe p'anɨ jĩra k'ɨ̃risiapiparima. Tachia waapẽarã k'ɨ̃ria p'anɨnepa, ãchi k'aripapatama.

Romano 1:29

Nejõma k'achia oopatama. K'ĩra p'erai bɨ oopatama, ne minachia uru p'ananai k'ɨ̃riapatama, waapẽarã piawẽa oopatama, waapẽarãpa uru bɨ k'orea piawẽa k'ɨ̃risiapatama, mĩa peapatama, k'ĩruu pedeapatama, waapẽarã seapatama, waapẽarã k'orea k'achia k'ɨ̃risiapatama mãɨnepa waapẽarã k'orea seajarapatama.

Santiago 4:5

Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?

1 Corintio 4:18

Waapẽarã mãranepema chi atepe k'awa p'anɨrã jĩra nipadai p'anɨma, k'ɨ̃risia p'anɨ pẽra mɨ mãramá wãiwẽt'a.

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Colosense 2:18

Mãɨ k'orea abaɨ pida mãrapa nepia pajãne atadaiwẽane adaipɨra, ĩjãarãt'ɨ. Chi mãɨya pedeapataɨrã sea nipapatama waapẽarã k'aepẽra k'aepe be jĩra. Ãchia Tachi Ak'õrepa ɨt'aripa peedaɨrã minachia k'ɨ̃riapatama. K'ãmok'araa jĩra ununana minachia jarateapatama. Tachi k'ak'uapa ne piawẽa ooyá bɨdepa ẽpẽra minachia k'awa bɨ jĩra paritua k'ɨ̃risiapatama.

P'ilipense 1:15

Piarã chi eda waapẽarã mɨ ome piawẽa p'anɨma. Ãchia Cristo k'orea jara p'anɨma mɨ k'aepẽra atepe k'awa p'anɨane adai k'orea. Maamina waapẽarãpa k'ɨ̃risia piadepa jara p'anɨma.

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.

1 Corintio 5:2

Maamina ¡mãrapa wapida k'ɨ̃risia p'anɨma waapẽarã k'aepẽra piipará berãpɨ! ¿Mãɨ ẽpẽrapa nemietá ooda k'orea minachia sõp'ua p'aneenaiwẽk'ãra? ¿Mãɨ mãranepema ãyá bɨdai p'anasidawẽk'ãra?