1 Corintio 12:11 - Tachi Ak'õre Pedea

¹¹ Ara Tachi Ak'õre Jaore aba bɨpa jõma mãɨ oopi bɨma. Ichia tachicha oopi bɨma ichia k'ɨ̃ria bɨ jĩra.

1 Corintio 12:11 Referans Kwoze

1 Corintio 12:4

Tachi Ak'õre Jaore aba bɨpa tachiá tea bɨma ne wawaria oodamẽrá.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

2 Corintio 10:13

Ara tai k'orea minachia pedeadaiwẽma, mãɨpari Tachi Ak'õrepa taiyá oopi bɨ k'orea pia pedeadaipɨ. Ichia oopi bɨt'a oo p'anɨ pẽra tai mãramá chesidama.

Ep'esio 4:7

Maamina Cristopa ne oopiparí tea k'ɨ̃ria bada jĩra ichi sõpiadepa tachicha ichi pae ne oodamẽrá nepia awara awará teasima.

1 Corintio 12:6

Tachi Ak'õre aba bɨpa tachiá ne wawaria oopi bɨma. Ichiapuru tachidepa mãɨ jõma ooparima.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

Ep'esio 1:11

Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

1 Corintio 7:17

Tachi Ak'õrepa tachi t'ɨ̃side ara tachi p'anana jĩra p'ananai p'anɨma. K'ak'ua tauchaa basira ara mãɨya bai bɨma. K'ak'ua tauchaawẽa basira ara mãɨya bai bɨma. Tachicha p'ananai p'anɨma Tachi Chiparipa bɨda jĩra. Mɨa ẽpẽrarã Tachi Ak'õrenepemarã becha mãɨya jaratea bɨma.

1 Corintio 7:7

Mɨmá chi tuurã mɨ jĩra tuu p'aneenai p'anɨpɨra, mãɨya pia bɨma. Maamina Tachi Ak'õrepa tachicha sãmaasã́ bai teasima. Tachi Ak'õrepa waapẽarã́ tea bɨma p'ue tuu p'ananamẽrá. Mãɨnepa waapẽarã́ tea bɨma k'ima atadamẽrá.

Romano 12:6

Tachi Ak'õrepa ichi sõpiadepa tachicha ne oodamẽrá awara awará teasima. Ichia chi tearua teasima ichi pari pedeadamẽrá. Mãɨya teasipɨra, ãchia piarã ĩjãa p'anɨnepa mãɨya pedeadai p'anɨma.

Romano 9:18

Mãɨpa k'awapi bɨma Tachi Ak'õrepa abaɨ k'ĩra chupuria k'ɨ̃ria bɨpɨra mãɨya ooparit'a mãɨnepa abaɨ k'ɨɨrɨwẽa beepii k'ɨ̃ria bɨpɨra mãɨya ooparit'a.

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Juan 3:8

Nãu paritua p'õat'ɨparima. Chi jĩk'ua ũriparimina k'awak'ama sãmãɨpa cherut'a mãɨnepa sãmá wãrut'a. Ara mãɨ jĩra, Tachi Ak'õre Jaore ununak'amina k'awa p'anɨma ẽpẽra sõne sãmaasã́ mãɨya oo bɨt'a.

Mateo 20:15

¿Pɨmá, mɨ errearadepa mɨchia k'ɨ̃ria bɨ ooiwẽa bɨk'ãra? ¿Pɨ sõk'achia bɨk'ãra mãɨ mɨ sõpia baparideepuru?”

Mateo 11:26

Ãjã, Ak'õre, pɨa mãɨya oosima jãɨya oo k'ɨ̃ria bada pẽra.

1 Corintio 12:18

Tachi Ak'õrepa tachi k'ak'uade nejõma bɨsima ichia k'ɨ̃ria bada jĩra.