1 Corintio 11:2 - Tachi Ak'õre Pedea

² Ũpẽarã, ewaricha mɨ k'orea k'ɨ̃risia p'anɨ pẽra mãɨnepa mɨa jarateada ũri p'anɨ pẽra mãrá pia jararuma.

1 Corintio 11:2 Referans Kwoze

2 Tesalonicense 2:15

Mãɨpuru ũpẽarã, chaarea p'anat'ɨ. Taipa jarateadada mãɨnepa k'art'ade bɨdada k'ɨ̃risia atuarãt'ɨ.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

2 Tesalonicense 3:6

Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.

1 Corintio 15:2

Mɨa jarateada piarã ĩjãa p'ananaipɨra, Tachi Ak'õrepa k'aripaipɨ. Mãɨyawẽpɨra, machia pari ĩjãasidama.

1 Corintio 11:22

¿Mãra te nea p'anɨk'ãra mãma nek'odai k'orea mãɨnepa netodai k'orea? ¿Mãrapa ẽpẽrarã Tachi Ak'õrenepemarã unuemaa p'anɨwẽk'ãra? ¿Mãɨpa chi nenea k'ede p'erapi p'anɨwẽk'ãra? ¿Mɨa k'ãre jaraima? ¿Mãɨ k'orea mɨa mãra pia jaraik'ãra? Mãɨ k'orea pia jarawẽma.

1 Corintio 11:17

Nãɨ bɨrude mɨa mãra k'orea p'ue pia jarawẽma. Mãra ará jere nɨbeeutade k'ĩra jĩp'a oodak'ama. Pia p'ananai k'aepẽra piawẽa p'aneepatama.

Luca 1:6

Ãchi umea Tachi Ak'õre k'ĩrari jĩp'a p'anasidama. Tachi Chiparipa oopi bɨ pedea jõma ĩjãapachida pẽra, waapẽarãpa k'achia pedeadaiwẽa p'anasidama.

1 Tesalonicense 3:6

Maamina Timoteo mãramá bada taimá chesima. Mãrapa Cristode ĩjãa p'anɨ k'orea mãɨnepa mãra k'ɨ̃ria k'orea ichia pia jarade chesima. Ichia jarasima mãrapa tai k'ɨ̃ria p'anɨane a p'anɨẽra, tai k'ɨ̃risia atuadawẽa p'anɨt'a, ichiaba tai unu k'ɨ̃ria p'anɨt'a taipa mãra unu k'ɨ̃ria p'anɨ jĩra.

1 Corintio 7:17

Tachi Ak'õrepa tachi t'ɨ̃side ara tachi p'anana jĩra p'ananai p'anɨma. K'ak'ua tauchaa basira ara mãɨya bai bɨma. K'ak'ua tauchaawẽa basira ara mãɨya bai bɨma. Tachicha p'ananai p'anɨma Tachi Chiparipa bɨda jĩra. Mɨa ẽpẽrarã Tachi Ak'õrenepemarã becha mãɨya jaratea bɨma.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.