1 Corintio 10:7 - Tachi Ak'õre Pedea

⁷ Juapa oodada sãdode ĩjãarãt'ɨ mãɨrãnepema waapẽarãpa ĩjãanana jĩra. Tachi Ak'õre pedeade ãchi k'orea nãɨya bɨ bɨma: «Ẽpẽrarã suak'abari p'aneenak'ari arapá ará nek'o tuanasidama mãɨnepa it'ua to tuanasidama. Mãɨya nak'ari p'irabaridak'ari ãchi k'ak'uapa oo k'ɨ̃ria bɨt'a oo tuaneesidama».

1 Corintio 10:7 Referans Kwoze

1 Corintio 6:9

¿Mãrapa atua p'anɨk'ãra chi nemietá oopataɨrã Tachi Ak'õre juade p'ananaiwẽt'a, ichidirã paara? ¡Ara machi tuaba searãt'ɨ! Chi k'ak'uadepa nemietá oopataɨrã, juapa oodada sãdo k'ĩrari ɨt'aa chiidi berã, k'ima awaraɨ ome k'ãipataɨrã, ɨmɨk'ĩra wẽra jĩra beapataɨrã, ɨmɨk'ĩra abarik'aɨ ome beapataɨrã, nechɨapataɨrã, erreara awaa berã, piu nipapataɨrã, seadepa waapẽarã k'orea k'achia pedeapataɨrã mãɨnepa waapẽarã seapataɨrã sida Tachi Ak'õre p'uurude p'ananaiwẽma.

1 Corintio 10:14

Mãɨpuru mɨ ũpẽarã mɨa k'ɨ̃ria bɨma chi juapa oodada sãdo itu bɨt'ɨ.

1 Corintio 5:11

Mãɨpari mɨa mãrá bɨsima parituapa ara ichi ũpẽaane aipɨra, maamina awaraɨ ome k'ãipataɨde nipaipɨra, erreara awaa baipɨra, juapa oodada sãdo k'ĩrari ɨt'aa chiidi baipɨra, seadepa waapẽarã k'orea k'achia pedea baipɨra, piu nipaipɨra, wa nechɨaparí baipɨra, makɨɨ ẽpẽra ome ará p'ananaiwẽa p'anɨ mãɨnepa ará nek'odaiwẽa p'anɨ.

1 Juan 5:21

Mɨ warrarã, juapa oodada sãdo bede ĩjãarãt'ɨ.

1 Corintio 8:7

Maamina waapẽarãpa mãɨ sõnepa k'awadawẽa p'anɨma. Waapẽarã ũpẽarãpa wapida k'ɨ̃risia p'anɨma chi juapa oodada sãdo ãchia naena k'ɨ̃ria p'anana chok'ae p'anasidaɨt'a. Mãɨpuru chi juapa oodada sãdoa k'iuru teada k'osidara k'ɨ̃risiapatama mãɨne ĩjãautat'a. Chi piarã pedea minachia atua p'anɨ pẽra mãɨ k'iuru k'outadepa k'ɨ̃risiapatama Tachi Ak'õre k'ĩrari piawẽa p'aneeutat'a.

Hecho 15:20

Mãɨyawẽapuru, k'art'ade bɨdai p'anɨma chi juapa oodada sãdoa ne k'iuru teadada p'ue k'odaiwẽa p'anɨt'a, nemietá awaraɨ ome oodaiwẽa p'anɨt'a, ãnimara ojɨ̃ peadada k'odaiwẽa p'anɨt'a mãɨnepa oa k'odaiwẽa p'anɨt'a.